1# Patui danakdak mbang nyaom ka 10, pagaiy harei 20/11, ala bruk dang akaok di Phó akaok Quốc hội Uông Chu Lưu, Quốc hội biểu quyết brei tapa Dự án hukum ngak bruk pasang iek di Quốc hội saong Hội đồng bhapbini. Meng rilo phieu njauk hatai, Quốc hội hu biểu quyết brei tapa hukum ngak bruk pasang iek di Quốc hội saong Hội đồng bhapbini. Tui nan, hukum quy định hiệu lực, hiệu quả di bruk pasang iek.

2/ Tỉnh Quảng Ngãi, urak ni hu 56 po kapan hu brei mesraiy phun jien ngak bahrau kapan ikan song 5 urang hu mesraiy jien pasiam kapan ikan tui Nghị định 67 di rajaei ka “dom sarak patagok kaya ikan”. Urak ni, tỉnh ni hu 35 kapan hu ngak bahrau. Dom dhar gilang pariak dalam tỉnh Quảng Ngãi hu mbaoh tangin tame brei mesraiy ka 18 po kapan tui yaom jien brei mesraiy abih tih labaih 161 tỷ đồng, song hu peih jien brei bloh 72 tỷ đồng

3# Pamaong tal harei inem krung ilimo Việt Nam mbang yaka 11 (23/11/2015), ban raya Hồ Chí Minh barau peih bruk alin angan “Nghệ nhân Ưu tú” di gah inem krung ilimo phi vật thể saong brei quyết định, bằng xếp hạng ka 10 inem mek sajarah – ilimo, danh lam thắng cảnh dalam ban raya. 16 nghệ nhân hu pok brei angan mbang ini hu rilo sáng kiến, rik daong ka dom janih nghệ thuật trình diễn mengkan, nghệ thuật tri thức mengkan... Họa sĩ Trương Hớn Minh, Hội Mỹ thuật ban raya Hồ Chí Minh, 1 dalam 16 nghệ nhân hu brei angan “Nghệ nhân ưu tú” mbang ini ndom lac :

 “Hu brei angan Nghệ nhân ưu tú mbang ini, dahlak biakuan tabuan. Ngan saong dom urang ngak nghe thuat kol dahlak, angan ini biak praong glaong. Ini lac bruk pachreh ba ka kol dahlak kham merat ngak dom bruk siam jang.”.

4/ Di labik ilamu, parang iek du lịch Hồ Nước Ngọt, ban sit Sóc Trăng, tỉnh Sóc Trăng bahrau peih nyaom darak pasa pablei salih, parang iek, du lịch song pakacah pandap mbang huak 3 bangsa Kinh-Hoa-Khmer. Ni lac bruk peih akaok ka dom bruk ngak di rija pakacah ghe ngo Sóc Trăng mbang ka 2, bhum taneran krong CL. Nyaom darak pasa pablei salih parang iek du lịch song pandap mbang huak hu rah tabiak tal abih harei 25/11

5# Piah caga pandiak bhang, ia mbak njom tame mblang hamu bilan thu 2015 - 2016, Ủy ban bhapbini tỉnh Hậu Giang tacei pato dom puk palei, ngành chức năng padang jalan caga cambaih laih ka dom bhum mbuan si hu tua, mbak saong kurang ia ngak mbang ngak huak. Tui nan, dom bhum mbuan si tua tỉnh tacei pato dom puk palei, ngành chức năng pasang iek dom đê bao, cống bọng, trạm bơm điện, hu jalan ramik pasiam dom công trình piah khik ia taba di mblang hamu .

6/ Tỉnh Bạc Liêu tuk halei jeng sangka, buh brei dahlau song iek glang rai duik ka mik va urang Khmer dalam bruk padang ngak song patagok KTXH di tỉnh. Rilo jalan ngak patruh kan kathaot khang kajap yau brei urang đảng  lac urang Khmer taduan dong ka boh sang kan kathaot, brei pandap ngak mbang, padang sang anit ranam, pato bruk ngak, pasram megru ilamu kỹ thuật … meng nan langyah kan kandah ka bruk ngak mbang KT di boh sang kan urang Khmer. Bạc Liêu kham merat tal puac nhiệm kỳ meda patrun kathaot khang kajap dalam bhap bini Khmer.

7# Tukvak jaik ini hu hamit rilo bruk ala iku bhong di dom bein cà phê pagui kaik menuac daok paik cà phê di Đắk Lắk. Chi cục Kiểm lâm tỉnh Đắk Lắk jeng hu kakei, dahlau si paik café dom harei, dom doanh nghiep, dom sang urang nong njauk pruh jru khử trùng meng dom chế phẩm sinh học piah pateok, pametai côn trùng, ula . Urang paik café njauk cuk ao khan atah tangin, hu pandap pacang caga yau harum tangin, takai, camin meta...

Patui di ni dom khau tin dunya:

8/ Thủ tướng Nhật Bản Xin-dô A-bê (Shinzo Abe) song Tổng thống Mỹ Ba-rắc Ô-ba-ma (Barack Obama) bahrau hu mbang ginum biai lingiu nyaom biai pakat glong Diễn đàn pambuak bruk Kinh tế châu Á - Thái Bình Dương (ieu lac APEC)", di ban ine Ma-ni-la, Phi-líp-pin. Di mbang ginum biai, 2 gah hu ndom veik dom sinya ka sa liên minh Nhật Mỹ lac jalan peih dom bruk ngak, rik dong siam ka bruk hòa bình, tani tanat song kaya meda di bhum châu Á - Thái Bình Dương jang yau di dunya, song njauk gauk brei klah rabha kein laba dalam bruk brei khik ramik dom nguyên tắc di hukum dunya dalam bruk tự do nao mai angaok tasik

9# Thủ tướng Pháp Manuen Van barau hu panuac lac taneh ia ini daok dang anak dom bruk tấn công meng sinh học atau hóa học. Ông Manuen Van ndom lac, bruk mesruh barau ini lac bruk mesruh hu caga bloh saong kayua kol tội phạm, bo cambaih lac kol khủng bố IS peih ngak. Thủ tướng Pháp brei thau, anak bruk mbuan hu khủng bố, rajaei Pháp meda brei peih praong bruk khẩn cấp dalam taneh ia Pháp saong dom bhum taneh hải ngoại di Pháp.

10/ Cộng hòa Dân chủ bhap bini  Triều Tiên bahrau hu panuac caong ginum biai song Hà Quốc di harei 26/11 anak tal. Tui panuac ba tabiak nan, gah Triều Tiên cong khin peih bruk ginum biai di palei đình chiến Bàn Môn Điếm dok jiak jalan tapen negar song Hàn Quốc. Meyah bruk ini hu peih ngak, ini jeng lac mbang taom gaok pakat rajaei camereip abih di Triều Tiên song Hà Quốc, piah patrun bruk dok catang tagok di Bán đảo Triều Tiên, hadei di bruk cuh pháo tapa jalan negar di bilan 8 meng bloh./.