1/ Dom harei ni, urang jakar, urang đảng, song bhap bini dom bangsa dok di tỉnh bhum ceik Yên Bái dok pamong tal nyaom orya đảng pakat negar mbang ka 12 song rilo cong khin. Ong Trần Tính, daok di phường Pú Trạng, ban sit Nghĩa Lộ, tỉnh Yên Bái lac: Yaok bhap bini song urang đảng jeng biak chreih chrai salam uan  nyaom roya mbang ka12 di đảng. Khol hulin cong khin mbang ni nyaom roya  palih ruah hu mban chấp hành TƯ dalam nan hu dom urang hu hatung hatai siam, hu ilamu an akaok pan akaok, ngak ka taneh ia salih bahrau, patagok abih gah, rai duik bhap bini dak harei dak trei sil.

2/ Di dom palei urang bangsa takik yau: Sê Đăng, Ba Na, Giẻ- Triêng, Gia Rai, B’râu và Rơ Mâm di tỉnh Kon Tum, bhap bini jeng medeih avar jang yaok harei. Ngan saong mikva, nyaom roya Đảng pakat negar mbang ka XII lac bruk biak praong oh klak hu. Ong A Bầng, bangsa Sê Đăng, umo 67 thun, 40 thun Đảng daok di 312, jalan Thị Sách, phường Thắng Lợi, ban sit Kon Tum lac: Harei ini peih nyaom roya, dahlak jia tame bruk pan akaok di Đảng. Mboh lac Đảng salih barau taong abih gah. Abih di nyu nan lac khang gah kinh tế, an ninh QP saong chính trị XH.

3/ Nyaom orya đảng pakat negar mbang ka 12 dok rah tabiak di HN hu bhap bini dalam negar biak caik hatai sangka, dalam nan hu bhap bini ban raya HCM. Ndom tal dom asal kadha, dom bruk praong bo đảng ba tabiak dalam tuk vak anak tal piah patagok taneh ia dalam tuk vak mbeik drei tame dunya, Amuk  Nguyễn Thị Bích Thủy- Phó akaok  Liên đoàn Lao động ban raya Hồ Chí Minh lac: Cong khin lac đảng daok patui jalan  padang giai cấp công nhân  Việt Nam piah jhul pakhang bruk công nghiệp hóa – hiện đại hóa taneh ia. Giai cấp công nhân Việt Nam khol drei brei hu ilamu glaong, hubac da-a, hu ilamu ngak bruk song hu bản lĩnh chính trị khang kajap.    

4/ Dua mintri y tế, jien padai barau patabiak thông tư ka yaom dịch vụ iek ruak BHYT di dom sang iek ruak dalam negar. Tui nan, meng harei 1/3 tal, yaom dịch vụ y tế di dom sang iek ruak meda yau gauk saong meng harei 1/7 tal, jien bilan di urang jakar, nhân viên y tế dalam sang iek ruak công lập hu kuhria tame yaom dịch y tế.

5/ Dom harei jiak Tết Nguyên đán anek sak kara 2016, rilo radeih pajeng pandap ngak pahla  meng bhum taneran tagok bhum ceik di tỉnh Quảng Nam, ba tui padai brah, pandap mbang menyum, phui, khan aow mai daong ka mik va kan kathaot daok di bhum atah bayah. Jiak 200 pok pandap dalam nan hu brah, menyek mbang, mì tôm har kẹo, phui,  aow liar hu jao tal tangin mik va 4 bản di huyện Kà Lùm, tỉnh Sê Kông, negar  Lào.  

6/ Tết nguyên đán daok mai tal, min bruk pablei salih di dom darak praong di tỉnh Khánh Hòa jeng daok joa lange. Di dom darak di pasak ban sit Nha tRang yau: Darak Đầm, darak Xóm Mới, darak Vĩnh Hải tal tukvak ini, bruk pablei salih jeng daok joa lange. Ralo labik pablei khan ao, takhaok, kaya ikan thu, urang pablei ralo jang urang blei. Dalam tuk nan, dom urang pablei salih jeng mboh ph sahanag hatai tuk khik mepiah pandap pablei tết, pandap khik mepiah oh ralo yau yaok thun. 

7/ Tapa dut iek mẫu pandap mbang mek di darak pasa, gah chức năng ban raya  Hồ Chí Minh bahrau duah mboh rilo mẫu pandap mbang oh khik hu hacih saat kayua hu chất bảo quản tapa tanut brei adat. Viện Y tế công cộng ban raya HCM hu mek mẫu dut iek song duah mboh rilo mẫu pandap tangei meda saong ratak Hà Lan di cơ sở Nguyên Thảo daok di Vĩnh Lộc, Bình Chánh pandar sambo saong pandap  bảo quản  tapa tanut brei adat. Kapul pasang iek liên ngành ban raya Hồ Chí Minh hu pandar cơ sở ni taom mek veik abih sản phẩm oh khik hu hacih saat dok pablei di darak pasa.

Patui di ini dom khau tin dunya:

8/ Patui mbang nao rivang dom taneh ia di bhum Trung Đông, akaok negar TQ Tập Cận Bình harei 20/1 hu nao tal ban ine Cai-ro, Ai Cập, rivang tanei ia ini. Ai Cập lac labik padeih takai ka 2 dalam mbang nao rivang 3 taneh ia bhum Trung Đông di akaok negar Tập Cận Bình. Tui truyền thông Ai Cập, mbang nao rivang Ai Cập di akaok negar TQ Tập Cận Bình peih tabiak sa jalan barau dalam talei pambuak bruk di dua taneh ia, hadei di 60 thun padang talei pambuak bruk.

9/ Di ban ine Viêng Chăn negar Lào bahrau rah tabiak nyaom biai mbang 1 ka ASEAN – Nga ala bruk tacei ba di negar akaok ASEAN 2016 (Lào). Nyaom biai mbang ni piah tong yaom veik talei pambuak bruk di ASEAN saong Nga dalam tuk vak 20 thun tapa (1996 - 2016) song ginum biai ka dự thảo pathau khan di nyaom dang akaok ASEAN – Nga piah roh duah dom bruk ngak bahrau piah ba talei pambuak bruk di ASEAN – Nga tagok glong jang./.

10/ QH NH brei tapa yaom kadung jien karja pabak nan lac jaik 3 ribau 300 tỉ YÊN, samu 28 tỉ đô la ka thun jien padai 2015 tamat di puac bilan 3 piah jhul patagok kinh tế. Paok jien hu thượng viện NB brei tapa ngan saong bruk pachreih tui di Đảng dân chủ tự do cầm quyền saong đảng công minh (Komeito)./.