1/ Akaok Mintri pato megru song Akaok mintri jien padai bahrau tabiak thông tư liên tịch tacei pato jalan peih ngak harak Quyết định 66/2013/QÐ-TTg harei 11-11-2013 di thủ tướng rajaei, tabiak bruk dong jien bac da-a ka SV lac urang bangsa takik,  bac di dom labik pato pakai ĐH, CĐ. Yaom jien dong samu 60% yaom jien bilan cơ sở song hu mbang tui oh tapa 10 bilan dalam sa thun bac ka sa anek saih, yaom thun hu daong tui tukvak pato pakai.

2/ Lac sa dalam dom xã kan kandah daok dalam bhum 135, dahlau daih rai diuk bhap bini xã Nam Sơn, huyện Tân Lạc, tỉnh Hòa Bình daok gaok ralo kan kandah. Dom thun jaik di ini meng hu patagok bruk pala quýt puk palei hu daong ka ralo baoh sang bhap bini bangsa takik daok di xã Nam Sơn yam tapa kan kandah, tani tanat rai diuk.

 3/ Di ban sit Ðức An, huyện Ðác Song, Ủy ban bhap bini tỉnh Ðác Nông hu pambuak bruk song Mban tacei jalan Tây Nguyên hu peih bruk jao 130 drei limo pajaih brei ka dom boh sang kan kathaot urang bangsa takik dok di huyện Ðác Song kayua kadung jien di Kapul VinGroup dong brei. Tui nan, 130 drei limo pajaih hu jao brei mbang ni dok dalam pok jien dong 1000 drei limo pajaih ka tỉnh Đác Nông piah dong ka dom boh sang kan kathaot, urang bangsa takik tani tanat rai duik, dong patruh eik patrun kathaot, yam tagok ngak kaya meda.

4/ Thun ini, yaom xăng menyek di taneh ia drei hu 9 mbang trun yaom. Mintri jien padai saong mintri jalan mbak pajeng ba hu thông tư liên tịch 152 pandar dom doanh nghiệp, đơn vị pablei salih pajeng ba meng radaih ô tô brei kê khai yaom cước, niêm yết yaom cước, ramik veik yaom cước brei lagaih dalam tuk yaom xăng menyek trun khang. Min, di tỉnh Bến Tre bruk ini daok peih ngak suai, ralo đơn vị pajeng ba oh ka ngak tui sarak ini.

5/ Ủy ban bhap bini tỉnh Bình Phước brei thau, thun 2014 tỉnh hu pato bruk ngak, dong duah bruk ngak ka jiak 100 ribau dam dara, dalam nan hu labaih 7000 dam dara bangsa takik. Langiu di nan, tỉnh dok padang ngak 241 sang ilamu bhap bini song 851/861 labik sinh hoạt ilamu. Anak tal, tỉnh daok patui bruk daong duah bruk ngak ka dam dara palei pala, iek prong bruk pato pakai  urang ngak chất lượng glon, abih di nyu nan lac dam dara bangsa takik.

6/ Di ban raya HCM, thành đoàn ban raya barau peih var taom gaok ndom meyai nao mai di 76 urang jakar, urang lin Trường Sa, cảnh sát tasik saong urang đoàn dam dara. Labaih 200 urang đoàn dam dara hu taom gaok ndom meyai nao mai saong urang jakar, urang lin saong hu pang dom saai khan ka rai diuk labik pulao atah.

7/ Di Hội trường ủy ban bhpa bini  ban sit Thủ Dầu Một tỉnh Bình Dương, Kapul dong ka urang jaoh jo uranaih metui medar, urang ruak kan kathaot tỉnh bahrau peih bruk pahadar 32 thun harei dunya urang jaoh jo (3/12/1982-3/12/2014), jao pok jien bac, radeih juak, pandap ka urang jaoh jo uranaih metui medar. Thun 2014 Kapul hu jao 90 sruh radeih juak, 70 pok pandap (yaok pok  yaom 300 ribau đồng, 70 pok jien bac (yaok pok sa triệu đồng ka urang jaoh jo dalam tỉnh.

Patui di ini dom khau tin dunya:

8/ Thủ tướng Thái Lan Pra-dút hu nao rivang Ma-lai-xi-a saong ginum meyai saong thủ tướng Ma-lai-xi-a Na-gíp Ra-dắc ka bruk patagok talei pambuak bruk di dua taneh ia. Dalam mbang ginum meyai, dua gah njauk gauk brei jhul pakhang talei pambuak bruk ralo gah; abih di nyu nan lac pambuak patagok saong khik kajap an ninh di bhum taphia negar dua taneh ia, patagok talei pambuak bruk khu vực saong patagok kinh tế di dua gah saong rilo gah. 

9/ Harei camereip di bilan 12, yaom xăng menyek daok trun khang song trun tal tanut biar di abih dalam rilo thun tapa, brei mboh adit trun yaom hadei di quyết định khik bruk ngak tabiak xăng menyek hu kapul dom negar pablei tabiak negar langiu xăng menyek (OPEC) ba tabiak di adit dahlau, yaom lac xăng menyek daok labaih rilo song yaom kaom  daok laik biar.

10/ Akaok mintri y tế Arập Xêut brei thau, tal urak ini taneh ia ini hu abih tih 348 urang metai kayua virut ngak brei laka jalan hô hấp Trung đông (ieu lac MERS). Arập Xêut hu peih bruk jhul pakhang dom jalan ngak pacang dom ruak njom mbak di akaok thun ini, hadei di tuk dom y bác sĩ metai kayua virut ini./.