1 # Yau taong abih bhap bani, dom urang văn nghệ sỹ pak tỉnh Tiền Giang jeng biak sangka saong caik hatai caong khin tal nyaom roya Đảng pakat negar mbang ka 12. Sa-ai Phan Hồng Nhựt, sa diễn viên xiếc, ảo thuật daok di phường 4, bal Mỹ Tho, tỉnh Tiền Giang khan lac: Dahlak biak sangka tal nyaom roya Đảng, kadha prong di negar. Dahlak caong khin palih ruah tabiak dom urang pal kaok biak hu hatai, biak naih jioy  ba abih hatung hatai di drei brei ka bhap bani brei ka Đảng ka taneh aia piah taneh aia drei yam tame samar, drah patagok jang meda samu haong dom negar karei angaok dunya”.

2/ Di tỉnh NT, TƯ kapul CTĐ VN pambuak bruk saong cty coca – cola VN barau peih bruk alih hadiah dom sang bac mầm non saong công trình đa chức năng, rik daong jhul pakhang bruk pacang cakak bala langik tasik, daong bhap bini hu labik daok siam mekre tuk hu ribuk ia sua rah tabiak. Ngan saong yaom jien daong jaik 2,2 tỷ đồng Công ty Coca-Cola Việt Nam hu gam saong kapul Chữ Thập Đỏ Việt Nam peih bruk pasiam veik saong ngak barau 4 sang bac mần non di dom huyện Ninh Phước, Ninh Hải saong Thuận Bắc, tỉnh Ninh Thuận saong 2 sang bhap bini jeng dom công trình pacang cakak ribuk ia sua.

3 # Mentri Công Thương hu mboh tangin tame Harak pathau khan, roh duah, meda ngak hu 22 dự án ba điện mai ka palei pala, pulao akaoh vaktu 2015 - 2020 daok dalam danak dak ba điện mai ka palei pala, bhum ceik, pulao kaoh vaktu 2013-2020 tui Quyết định 2081 di Thủ tướng Raja-ei. Urak ini, Tập đoàn Điện lực Việt Nam daok ngak salah bruk kihria caga đầu tư dom dự án ini. Dom dự án meda ba điện lưới negar mai ka bhap bani saong bol lin biên phòng, cảnh sát tasik pak dom puk palei, xã pulao akaoh oh ka hu điện saong oh ka ba brei điện chính thức, rik daong patruh eik patrun kathaot, patagok kinh tế, xã hội; khik caga an ninh quốc phòng, khik kajap chủ quyền tapen negar labik pulao kaoh.   

4/ Dalam dom thun tapa, dom pakat ủy đảng di tỉnh Đắc Lắc biak sangka tal bruk patagok urang đảng barau, abih di nyu nan lac bhap bini bangsa takik daok di bhum atah bayah. Tui nan, yaok thun tỉnh ba tame đảng labaih 3.500 urang. Urak ini, taong abih dom palei, tổ dân phố dalam tỉnh Đắc Lắc jeng hu urang đảng, chi bộ đảng piah tacei pato peih ngak siam bruk patagok kinh tế XH.

5 # Harei 21/1, Dự án “Ba hadah  ka uranaih saong urang prong thun pak bhum taneran kraong Cửu Long hu tabiak mbaok, brei paok jien daong saong khám sàng lọc ruak meta, tacei jalan iek glang meta ka uranaih pak sang iek ruak Nhi đồng Cần Thơ. Dự án hu peih ngak pak bal Cần Thơ saong tỉnh Cà Mau ngan haong yaom jien abih tih 1 triệu USD kayua Gilang pariak Stand Chartered Bank, kapul Orbis, kapul Helen Keller International saong kapul Eye Care Foundation daong brei. 

6/ Daok labaih meteh bilan tra meng tal tết nguyên đán min di bhum kreih negar, bingu mai, bingu ly rak abih. Di palei mai tết Nhơn An, ban sit An Nhơn, tỉnh Bình Định,urang pala bingu oh mbang ndih hu kayua bingu rak avar. Ong Phan Văn Sáu, po bein mai Sáu Hồng, daok di palei Háo Đức, brei thau: langik tasik thun ini oh siam, pandik biak lavik. Taphia di nan kayua chủ quan di urang pala bein, huac lac yau yaok thun langik la-ar nan lac paik hala avar. Min thun ini pandiak dui atah nan ye bingu mai rak avar jang duk saong yaok thun.

7 # Pak bal raya Hồ Chí Minh, urak ini, bruk pablei vé Tết di dom doanh nghiệp pajeng ba gah langiu dom bến radaih jeng mboh ralo. Yau nan min, dom  hãng radaih hu angan je daok biak takik vé. Tal tukvak ini, hadei di tuk lượng vé meng dom hãng radaih hu angan je hu pablei abih, bhap bani daok tame blah web pambuak haong Bến radaih Miền Đông nan lac Pasoto.com piah blei vé radaih tết. Hu blaoh labaih 3.000 vé hu bhap bani blei angaok blah web pablei vé radaih tết www.pasoto.com. Ini lac vé di dom radaih tăng cường hu Bến radaih Miền Đông pasang iek, taong yaom cambaih laih dahlau di tuk ba tame pajeng ba tuai damuai dalam tukvak anak tal.

Patui di ini dom khau tin dunya:

8/ Harei 21/1, di ban ine Viêng chăn, hu rah tabiak bruk alin hadiah pandap văn phòng di mintri pato megru saong pato megru VN alin ka mintri pato megru saong thể thao Lào. Paok pandap ini daok dalam dự án patagok pren ngak ka urang jakar ngak bruk khảo thí saong taong yaom chất lượng pato megru di mintri pato megru saong thể thao Lào tukvak 2014 – 2020. Dự án hu yaom jien jaik 7,5 tỷ đồng.

9 #  Mentri Nội vụ Xinh-ga-po bahrau brei thau, gah chức năng negar ini hu cap khik 27 urang likei lac uarng Băng-la-đét kayua dom urang ini pachreih tui jalan cực đoan di dom kapul nyaom khủng bố. Gah chức năng Xinh-ga-po hu pataom mek ralo harak tài liệu hu jalan sahneng cực đoan yau tapuk, vi-đê-ô.

10/ Harei 21/1, Mỹ hu peih ngak dom salih barau dalam danak dak miễn thị thực ngan saong bhap bini di 38 taneh ia pambuak bruk. Tui nan, urang di dom taneh ia ini nao tal Mỹ meda likau thị thực, meyah urang hu nao tal Iran, Irắc, Xuđăng atau Xyri dalam atau hadei harei 1/3/2011. Langiu di nan, dom urang hu quốc tịch di 4 taneh ia barau ndom angaok nan jeng oh daok dalam danak dak miễn thị thực tra./.