1# Dalam dua harei 21 saong 22/4, di Hà Nội, Hội đồng bangsa di Quốc hội mbang XIII pieh nyaom biai pasram “Ilamu jak ba tranh cử ka urang ứng cử Quốc hội mbang XIV saong Hội đồng bhapbini tukvak 2016-2021 lac urang bangsa takik”. Di nyaom biai, amuk Tòng Thị Phóng, Ủy viên mintri Chính trị, Phó akaok Quốc hội, Phó akaok Hội đồng pilih ruah negar brei thau, ini lac bruk ngak hu makna, daong dom urang ứng cử bangsa takik paglaong ilamu, thau ka lý luận, bruk ngak saong trách nhiệm di urang lambaok  cử tri.

2/ Bruk klaik thong tin thẻ gilang pariak, ngak thẻ ja, suak mek jien di ATM urak ini daok rah tabiak rilo, ngak brei oh an toàn tal drap ar di gilang pariak saong tuai damuai. Anak bruk ini, gilang pariak karja barau hu harak 2767 pandar dom labik pabak dịch vụ thanh toán thẻ, hội thẻ gilang pariak VN saong gilang pariak karja dhar tỉnh, ban di TƯ patagok dom jalan pacang cakak tội phạm thẻ.

3# Ủy ban bhap bini tỉnh Bắc Ninh barau phê duyệt dự án đầu tư khik ramik pasiam inem mek đền Cổ Mễ (đền amuk Chúa Kho), phường Vũ Ninh, ban Bắc Ninh. Tui nan, abih tih jien đầu tư peih ngak dự án jaik 55 tỉ đồng, meng phun jien  xã hội hóa. Tukvak peih ngak danakdak meng 2016-2018, kayua Sở ilimo, padhih saong Du lịch Bắc Ninh ngak po đầu tư.

4/ Pambuak tal bruk ikan metai di tapen tasik meda ngak kan kandah tal bruk du lịch di tỉnh, sở ilamu, TT saong DL tỉnh Quảng Bình hu patagok bruk pasang iek, tapa nan brei mboh dom đơn vị ngak mbang gah du lịch peih ngak catang bruk patagok an toàn hacih saat pandap mbang

5# Ban tacei pato pacang caga bala meng lingik tasik saong duah daong urang njauk bala tỉnh Khánh Hòa brei thau, meng akaok bilan Đông Xuân 2015 - 2016 tal urak ini, abih tih khat lahik kayua tua riya dalam tỉnh tagok tal labaih 90 tỷ đồng. Tapa nan, kayua danao Đá Bàn (danao padang ia praong abih dalam tỉnh hu dung tích 75 triệu m3) tok hu jaik 20% tổng dung tích thiết kế yau nan ye oh pabak ginup ia pruh ka bruk ngak nong dalam tỉnh. Jaik 1.400 ha taneh njauk padheih pala drak kayua kurang ia pruh; 1.150 ha phun mbang baok saong phun công nghiệp khat lahik  ala 30%... 

6/ Anak bruk pandiak bhang, njom mbak rah tabiak khang yau urak ini, gah ngak nông tỉnh Bạc Liêu hu kakei bhap bini patrun patakik bruk palao hadang raong saong trun pajaih padai di tukvak ini, piah klah khat lahik. Tui nan, bilan hè thu thun ini, tỉnh brei kadul tukvak trun pajaih  dalam dom harei meng 20/5 tal harei 20/6. Daok ngan saong taneh raong hadang, urang nông njauk cang tal tuk langik salih bilan, hu hajan, lingik takik pandiak, độ mbak trun veik meng palao pajaih

7# hadei di jaik 5 thun peih ngak danakdak negar padang ngak palei pala barau, tỉnh Cà Mau jak ba hu labaih 100 tỷ đồng, hu 17 xã mek hu tanut palei pala barau. Thun 2016 tỉnh kham merat brei hu veik 6 xã tra, tagok abih tih dom xa hu angan palei pala barau tagok 23/82 xã. Tal thun 2020, tỉnh kham merat hu  41/82 xã saong huyện akoak mereip lac U Minh ngak hu tanut palei pala barau. 

Patui di ini dom khau tin dunya:

8/ Mỹ sanya pambuak bruk saong CPC patagok an ninh angaok tasik dalam mbang họp di dom urang ngak praong pakat glaong dua gah di harei 21/4 di Phnom Penh. Ndom ka gah drei, lambaok CPC, tướng Neang Phat ndom lac “CPC  halan hatian ngak bruk saong Mỹ dalam dom bruk an ninh saong caong khin talei pambuak bruk di dua gah dak harei   gauk jang di anak tal.  

9# Indonesia hu yam tapa dom gah kinh tế patagok ye Nga saong Anh, jeng sa dalam 10 taneh ia sản xuất praong abih dunya tui taong yaom di Liên hợp quốc (LHQ). Tui thống kê di Liên hiệp quốc brei mboh Indonesia daok mek hu dom jak jeng meng bruk pasiam năng suất saong sarak tài khóa ala rai Tổng thống Joko Widodo (Giô-cô Uy-đô-đô). Meng dom bruk ini hu daong ka Indonesia trun tỷ lệ lạm phát saong dui pachreih đầu tư taneh ia langiu rilo jang .

10/ Harei 21/4, dom kapul daong pahala hu parabha pandap daong ralo abih di Syria hadei di tuk LHQ panduan yaok rituh bhap bini truh dom labik njauk pacang cakak. Ini lac dom kadha brei mboh siam mekre di bruk ngak pahala di Syria, labik mesruh metak dui atah 5 thun tapa ngak ka 270.000 urang metai./.