1/ Mbang nyaom pakat glong công nghệ thông tin Việt Nam thun 2014 bahrau peih tabiak di HN. Brei panuac di tuk peih mbaok Diễn đàn, Phó Thủ tướng Vũ Đức Đam pok meyaom Mban peih bruk hu rilo sáng kiến ba bruk ngak nong song patagok palei pala tabiak ginum biai. VN hu rilo kein lagaih song tiềm năng patagok bruk ngak nong min bruk ba  công nghệ thông tin tame bruk ngak nong dok takik. Phó Thủ tướng cong khin dom jak jeng gah ba công nghệ thông tin tame dalam bruk ngak nong hu klah rabha di Diễn đàn jeng lac dom kadha caik ka VN bac megru, ngak tui piah patagok gah ngak nong tui jalan hajao, hacih saat song khang kajap dalam tuk daok dang anak dom cuang kandah bahrau.

2/ Bruk pok meyaom 111 anek saih bangsa takik mek hu giải glaong dalam mbang pakacah anek saih naih joi pakat negar saong gam thủ khoa, điểm glaong ĐH, CĐ thun 2014 hu peih tabiak di harei 1/11 di miuyim HCM (HN). Ini lac bruk ngak hu makna kayua UB bangsa saong Thông tấn xã VN peih tabiak, gam pambuak bruk saong TƯ dam dara Cộng sản HCM, mintri pato megru, rayo papar binguk VN. Bruk pok meyaom ini, lac bruk ngak piah pachreih ba dom tài năng uranaih umo lac urang bangsa takik, daong palagaih patagok urang naih joi ka taneh ia.

          3/ LH dom kapul hữu nghị ban sit Đà Nẵng bahrau peih nyaom roya mbang ka 4, tukvak 2014-2019. Urak ni ban sit hu padang talei pambuak bruk song 39 tỉnh, ban di 17 negar song bhum palei di dunya. Lac ban sit sami samar di gsh kreik negar, ĐN dok jeng sa labik pachreih urang đầu tư negar langiu song tuai damuai dunya. Urak ni ban sit ĐN pachreih hu labaih 300 dự án đầu tư negar langiu song yaom phun jien abih tih labaih 3,4 tỷ đôla Mỹ.

4/ Meng 2 bilan ini mai, di ban sit Ninh Hòa – bhum tabau nguyên liệu praong abih di tỉnh Khánh Hòa tamuh ruak patih hala tabau ngak khat lahik trak ka urang nông. Jit ruak pambak samar, min puk palei jeng oh ka hu jalan pacang cakak siam lagaih. Amuk Lê Thị Hoan, daok di palei Lác, xã Ninh Tây duh hatai lac: ruak patih hala tabau hu mboh meng vụ dahlau, urak ini dom mblang tabau dalam palei jeng njom ruak. Sang amuk Hoan hu 4 ha ye 3 ha njauk njom ruak patih hala, oh tak pablei hu, khat lahik yaok rituh triệu đồng.

          5/ Peih bruk “urang hu angan je ngak rilo bruk siam” dom thun tapa, urang hu angan je tỉnh Sóc Trăng kham merat jak ba bhap bini song dom urang ngak pahla, mik va dom bangsa dalam song langiu puk palei rik tame labaih 100 tỷ đồng dong ka bruk an sinh xã hội. Tapa nan, jum pataom gauk kham merat song puk palei dalam bruk iek ruak brei saoh, brei pandap, brei lisei huak, rong pato uranaih metui medhua, iek glang urang hata, urang dok taeng, urang jaoh yo, urang njauk jru klik kruac dioxin, dong chip tuk hu bala meng langik tasik, tuk hu khuak patuh rah tabiak.

6/ Di UB bhap bini tỉnh Bình Phước barau rah tabiak bruk mbaoh tangin tame harak sanya kết nghĩa cụm dân cư taphia negar di tỉnh Bình Phước saong dua tỉnh di taneh ia Campuchia nan lac Kratie, Mondulkiri. Di var ngak bruk, urang dang akaok 3 tỉnh Bình Phước, Kratie, Mondulkiri jeng njauk gauk mboh lacc, bruk kết nghĩa dom cặp cụm dân cư piah pabak bruk jum pataom, hữu nghị meng kan di dua taneh ia; pathau khan, pato pakai bhap bini dua jalan taphia negar ngak tui sarak, hukum saong quy chế khik caga taphia negar dua taneh ia. 

          7/ Bruk pakacah Olympic Tin học Sinh viên Việt Nam mbang ka 23 song mbang pakacah Lập trình sinh viên dunya ban raya Hồ Chí Minh thun 2014 bahrau hu peih tabiak. Mbang pakacah ni piah duah dom urang naih gheih gah công nghệ thông tin dalam SV VN. Thun ni, mbang pakacah hu jiak 350 kapul nyaom mai meng 67 sang bac ĐH, CĐ dok dalam negar mai hu mbaok. 10 kapul mek hu ja yah siam di abih di mbang pakacah lập trình sinh viên ban raya Hồ Chí Minh hu tapa negar Thái Lan pakacah vòng loại labik Châu Á dalam harei 13/11 anak tal.

Patui di ini dom khau tin dunya:

8/ Di ban ine Viêng Chăn, Lào barau rah tabiak nyaom meyai taong yaom bruk ngak hu meng pambuak bruk mbang ka 2 di rajaei Lào saong dom kapul lingiu rajaei (ieu lac NGOs) daok di Lào. Rajaei Lào taong yaom lac, talei pambuak bruk di dom kapul lingiu rajaei dalam tukvak tapa di Lào hu rik daong praong dalam bruk patruh eik patrun kathaot ka bhap bini dom bangsa Lào, daong patagok kinh tế xã hội, abih di nyu nan lac daong ka Lào ngak hu dom bruk patagok.

10/ Jabat khik iek jru Prang di Thụy Sỹ brei thau, njauk hatai brei thử nghiệm lâm sàng ngan saong sa janih vacxin pacang cakak Ebola di sang iek ruak đại học Lau-san-nê. Jabat jru negar Thụy Sỹ brei thau, bruk thử nghiệm hu peih ngak angaok 120 urang halan hatian saong bruk daong di gah y tế dunya. Tukvak camereip, janih vacxin kayua Mỹ saong Anh pambuak gauk ngak tabiak hu thử nghiệm ngan saong dom urang halan hatian khang kajap. Ini lac dom urang y tế hu brei nao tal Tây Phi pacang cakak jit Ebola./. 

9/ Bahrau ni, di nyaom biai pakat glong Châu Âu hu rah tabiak di Brúc-xen, Bỉ, dom urang dang akaok pakat glong Châu Âu njauk gauk brei cakak trun khí thải, pacang bruk biến đổi khí hậu ka thun 2030. Tui nan, bhum taneh ni hu panuac sinya patrun 40% khí thải ngak hiệu ứng sang camin dalam thun 2030 dut song tanut di thun 1990. Lingiu di nan, châu âu brei patagok bruk pandar điện meng ning, điện meng ia harei song dom janih năng lượng tái tạo karei tagok tal 27%, piah patrun bruk pagam pambak tame nguồn dầu khí di gah langiu./.