1/ Di HN, Ủy ban bangsa song kapul ActionAid dunya di Việt Nam bahrau peih bruk mbaoh tangin pambuak bruk jhul patagok quyền di urang bangsa takik di VN dalam tukvak 2015-2017. Brei panuac di tuk mbaoh tangin, ong Hoàng Xuân Lương, Phó Chủ nhiệm Ủy ban bangsa brei thau dom rik dong biak rilo di kapul ActionAid dunya di Việt Nam ka bhum urang bangsa takik ngan song dom bruk yau: dong bac megru sap ndom bangsa takik, padang hu rilo mô hình khang kajap, pato pakai kapul urang jakar dom pakat di 30 tỉnh ban.

2/ Mintri nội vụ barau tamat khóa pasram ka jaik 60 urang hu mbaok tame đề án ngak iek palih ruah trí thức ranaih umo halan hatian mai dom xã hu mbaok tame patagok palei pala, bhum ceik, tukvak 2013 – 2020 (đề án 500) di dom tỉnh Thừa Thiên - Huế, Quảng Bình, Quảng Trị. Hadei di 3 bilan pasram megru, urang bac hu pabak dom ilamu ka bruk khik ramik karja, hệ thống chính trị cơ sở, dom ilamu taom gaok, pambuak bruk, jak ba bhap bini.   

3/ Tỉnh Phú Yên hu jiak 2.500 ha taneh rong hadang, caong hu labaih 2,5 tỷ drei pajaih  yaok thun. Min dom cơ sở dalam tỉnh bahrau pabak hu labaih 35% pajaih siam hu chất lượng. Urak ni lac tukvak palao hadang rong vụ 1 min di bhum rong hadang di krong  Bàn Thạch, huyện Đông Hòa bahrau hu labaih 1/6 taneh rong hadang hu palao. Manak di nyu nan lac urang rong hadang oh ka duah hu hadang pajaih siam, hu chất lượng.

4/ Dom thun tapa, urang jakar, urang lin đồn biên phòng Ia Rvê bộ đội Biên phòng tỉnh Đắc Lắc tuk halei jeng kham merat yam tapa kan kandah, ngak siam bruk khik caga chủ quyền, an ninh taphia negar, pambuak khang kajap saong pakat ủy, karja puk palei, daong ka bhap bini xã Ia Rvê, huyện Ea Súp patagok kinh tế - xã hội

5/ Tal bilan 3, bilan 4 yaok thun, tapen takai tasik Bà Rịa-Vũng Tàu bhian hu bruk menyek vón cục njauk riyak phaoh tame. Yaom lac bahrau rah tabiak dalam dom harei, min yaok pluh tấn menyek vón cục theik tame takai tasik hadei di yaok mbang riyak paoh ngak kan kandah oh sit tal bruk ngak KT tasik, abih di nyu nan lac bruk du lịch song rong pala kaya ikan. 

6/ Di palei Phụng An, xã Song Phụng, huyện Long Phú, tỉnh Sóc Trăng hu rah tabiak sa mbang jaleih takai kraong. Di labik nan brei mboh, takai kraong gut jaleih dalam 15m gar 6m ngak khat lahik abih danao ikan raong di bhap bini. Dahlau di nan, harei 25/2 meng bloh, jeng di puk palei ini hu rah tabiak mbang jaleih takai kraong biak trak, jaleih dalam tame taneh 12m, ngak kan kandah tal taneh riya, sang danaok di 4 baoh sang bhap bini, tui kuhria khat lahik labaih 100 triệu đồng.

7/ Sang iek ruak Nhi Đồng 1, ban raya Hồ Chí Minh bahrau daong klah di metai ka sa uranaih umo 7 thun dok di huyện Đức Hòa, tỉnh Long An njauk sốc sốt xuất huyết, suy hô hấp song tổn thương gan trak. Ruak khang ba tal rilo biến chứng yau tràn dịch màng bụng, tabiak darah jalan tung pruac. Uranaih ruak nan hu klauk jru tame drah darah, dong suak yava tapa jamriak, tame darah…. Tapa nan hadei di sa adit iek ruak pren yava uranaih hu siam veik, uranaih ruak nan oh daok suak yava meng jamriak, mbang huak bingi.

   Patui di ini dom khau tin dunya:

8/ Tòa án hành chính Ai Cập barau tabiak quyết định brei padeih bruk bầu cử QH Ai Cập tui kuhria hu peih tabiak di harei 21/3 tal. Quyết định hu ba tabiak hadei di tuk tòa án Hiến pháp tối cao Ai Cập tabiak phán quyết lac ralo paka di hukum bầu cử Ai Cập nyu suan hukum negar. Tui nan, dom taneh ia tok di peih bruk pilih ruah urang ka QH hadei di tuk bruk pasiam veik hukum bầu cử hu ngak salah bloh.

9/ Rajaei Pakixtan bahrau brei adat chap kreik 417 urang ngak kan kandah tal pren yava bhap bini di ban Pê-xa-oa, gah Tây Bắc negar ni hadei di tuk oh brei klauk vắc xin pacang ruak bại liệt ka anek di drei. Ong Hussein, sa urang ngak praong pakat glong ban Pê-sa-oa brei thau, anak tal, karja brei ngak dom jalan ngak yau nan.

10/ Nga saong Ucraina mek hu thỏa thuận ka bruk pabak khí đốt tal puac bilan 3. Tui nan khik kajap bruk pabak khí đốt tal châu Âu hadei di tuk rah tabiak dom tranh cãi ka bruk pabak khí đốt ka labik gah timur Ucraina./.