1 # Urak ini, pandap Việt Nam meblah meng 80-90% dalam dom  siêu thị dalam negar. Yau nan min, jeng daok ralo janih pandap ngak tabiak dalam negar, yau: kaya nong, kaya ikan dalam aia, pandap mbang menyum, saong dom janih pandap pandar karei karei hu chất lượng siam oh ka hu labik dang dalam siêu thị. Makna di nyu tui panuac dom chuyên gia kinh tế nan kayua kurang talei pambuak gauk meng bruk ngak tabiak tal bruk blei pandar saong pablei tabiak negar langiu.

2/ Dalam mbang parang iek dunya bất động sản, kiến trúc saong trang trí nội, ngoại thất (VietBuild) mbang ka 2 – 2015 daok rah tabiak di ban raya HCM, harei 3/9, nyaom meyai “pandap panda barau – công nghệ tiên tiến di gah bất động sản, kiến trúc saong trang tri nội, ngoại thất dalam bruk mbeik drei tame saong patagok” hu peih tabiak, pachreih jaik 100 doanh nghiệp hu mbaok tame. Di nyaom meyai, mintri xây dựng yaih khan danak dak năng lượng hacih VN kayua jabat papatok dunya Hoa Kỳ daong.  Danak dak ini piah daong VN patrun phát khí thải nhà kính samu saong 30 ribau tấn CÒ2 tui jalan padang ngak dom công trình patak pataom năng lượng di dom ban praong yau: Hà Nội, ban raya Hồ Chí Minh, Đà Nẵng, Hải Phòng saong Cần Thơ.

3 # Taong abih mblang taneh padai Hè Thu saong Thu Đông 2015 pak tỉnh Kiên Giang njauk nyaom ruak labaih 14.200 ha; dalam nan padai Hè Thu jaik 12.430 ha. Dom janih jit ruak ngak khut padai mboh ralo nan lac rầy nâu, lép asal, đạo ôn hala, halak balik hala, đạo ôn tangi padai… Anak bruk yau nan, Chi cục Khik caga phun pala Kiên Giang pambuak haong dom puk palei tacei pato urang nong dom jalan pacang caga halak halin yau pandar njauk jru, njauk liều lượng, pruh xịt đồng loạt ngan haong yaok janih ruak ngak khut phun padai; drak njauk khak, njauk jalan daong ka phun padai samar tamuh veik.

 4/ UBMT negar huyện Châu Thành, tỉnh Tây Ninh barau parabha 3 tỷ 626 triệu đồng jien padang ngak 98 baoh sang jum pataom ka baoh sang kan kathaot, baoh sang jaik si kan kathaot dom xã, ban sit. Jien padang ngak hu kaoh tabiak meng kadung jien ka urang kan kathaot tỉnh daong labaih 3 tỷ đồng, kadung jien ka urang kan kathaot huyện daong 462.500.000 đồng. Yaok baoh sang jum pataom yaom padang ngak 37.000.000 đồng. Bruk daong padang ngak sang ka baoh sang kan kathaot nan lac daong ka dom urang hu sang daok tani tanat, yam tapa kan kandah, kham merat yam tabiak truh kan kathaot.

5 # Hu mong yau sa dalam 15 sang bac pato bruk ngak prong dalam negar, dom thun tapa, Sang bac Cao đẳng nghề dam dara bangsa Tây Nguyên hu taduan saong pato bruk ngak ka yaok pluh ribau anek saih, sinh viên, dam dara dom bangsa Tây Nguyên. Bruk pato rilo bruk ngak, pato nao gam haong bruk ngak di doanh nghiệp, hu daong ka dom anek saih, sinh viên mbuan lagaih haong bruk ngak hadei di tuk bac bruk ngakp, hu bruk ngak tani tanat. 

6/ Di ban Đà Lạt, tỉnh Lâm Đồng, kadung jien daong uranaih VN pambuak saong UB bhap bini tỉnh Lâm Đồng barau peih bruk alin hadiah paok jien bac “gam saong adei nao tal sang bac” ka anek saih gaok kan kandah, yam tagok dalam bac daa. Hu 120 anek saih hu alin hadiah paok jien bac mbang ini, yaok paok yaom dua triệu đồng.

7 # Pak Lữ đoàn 171 Bhum 2 Hải quân, Kapul urang dahlau diah ngak bol lin saong Kapul urang kamei di Liên doanh Dầu khí Việt –Nga (Vũng Tàu) hu alin brei 10 pok pandap, yaok pok sa triệu đồng ka 10 anek saih nan lac anek kamuan di 10 sĩ quan, quân nhân chuyên nghiệp daok ngak bruk pak Lữ đoàn 171 hu rai diuk kan kandah saong njauk ruak trak.

8/ Tuk peih thun bac barau 2015 – 2016, kapul daong urang ruak kan kathaot – urang joh jo saong uranaih metui medhua tỉnh tiền Giang pambuak saong sở pato megru, kapul pachreih bac tỉnh ini barau peih mbang alin hadiah paok jien bac “daong pren ka uranaih joh joi, metui medhua nao  bac” mbang ka 3, ka dom adei anek saih kan kathaot, joh jo gaok kan kandah dalam tỉnh. Dalam mbang alin hadiah paok jien bac “daong pren ka uranaih joh jo, metui medhua nao bac” mbang ini, tỉnh Tiền Giang hu 275 adei anek saih kan kathaot, joh jo, metui medhua dalam tỉnh taduan hu jien bac. Dalam nan, hu 166 anek saih khối tiểu học saong THCS taduan hu jien bac yaok paok 900 ribau đồng; 109 anek saih THPT, yaok paok 1 triệu đồng./.