1 # Pak Hà Nội, Kadung jien daong  uranaih Việt Nam saong Công ty Prudential Việt Nam bahrau mboh tangin sanya daong mbang ka 4 ka danak dak  “Brei ka meta mong uranaih”. Tui nan, dalam thun 2015, Prudential meda daong blac raih meta oh abih jien ka jaik 320 uranaih njauk dom khuyết tật di meta yau lác, lé, đục thủy tinh thể... labik blac raih hu peih ngak pak sang iek Ruak meta Trung ương saong dom sang iek ruak puk palei ngan haong phun jien daong jaik 3,5 triệu đồng sa urang, dalam nan hu jien blac raih, jien mbang, ndih nao mai, hadei di kaoh  dom chi phí kayua bảo hiểm y tế bayar.

2/ Tỉnh Nghệ An barau mbaoh tangin brei peih ngak dự án daong patagok palei menyim khan bai Hoa Tiến, xã Châu Tiến, huyện Quỳ Châu, Nghệ An. Bruk ngak ini piah patagok palei menyim khan bai piah ba bruk ngak, jien mek tame, padang rai diuk khang kajap ka bhap bini bangsa takik bhum atah bayah, patruh eik patrun kathaot; khik ramik saong patagok palei ngak meng kan, ngak tabiak pandap ndung bak ilamu di bhap bini bangsa takik.

3 # Mô hình liên kết sang ngak cà phê khang kajap di tỉnh Đắc Lắc hu ba mai kein laba di tuk camereipe. Jalan ngak ini hu salih bahrau bruk ngak cà phê, daong ka urang nong thau dom ilamu kỹ thuật bahrau, patak pataom jien padai buh tame, paglaong yaom pandap ngak tabiak. Tapa nan, ngak  hu cà phê chất lượng glaong, brei mboh angan je cà phê Buôn Ma Thuột angaok darak pasar .

4/ Thủ tướng rajaei njauk hatai brei kadung jien TƯ daong tỉnh Đắk Nông labaih 794 tỷ đồng piah peih ngak dự án cơ sở hạ tầng kỹ thuật gah dalam saong gah langiu paga KCN Nhân Cơ, tỉnh Đắk Nông . Thủ tướng jao ka mintri kế hoạch saong đầu tư dang akaok, pambuak saong mintri jien padai saong dom jabat pambuak tal pataom tame bruk đầu tư công trung hạn 2016 – 2020 piah daong tỉnh tui quy định. UB bhap bini tỉnh Đắk Nông taduan  khik iek, pandar phun jien hu kadung jien karja daong njauk bruk, njauk quy định di hukum saong taduan trách nhiệm ka bruk kein laba di dự án.

5 # Tỉnh Trà Vinh bahrau peih Nyaom roya pakacah ranam taneh aia mbang ka IV, vaktu 2010 - 2015 ngan haong bruk hu mbaok di labaih 400 urang lambaok ka dom urang, kapul nyaom naih gheih. Pak nyaom roya, 61 kapul nyaom saong menuac urangnaih gheih dalam bruk pakacah gauk ranam taneh aia vaktu 2010 – 2015 hu bao angan, dalam nan, hu kapul nyaom hu akaok negar pok brei Huân chương lao động hạng Ba, 12 urang saong 9 kapul nyaom hu Thủ tướng raja-ei brei cờ thi đua saong harak pok meyaom.  

6/ Meng akaok thun tal ini, tapa dom bruk ngak cách mạng, dam dara tỉnh tiền giang hu rik daong 1,83 tỷ đồng, padang ngak 59 baoh sang jum pataom, sang tình nghĩa, sang anit ranam… ngak paiam jaik 62 km jalan mbak palei pala; pala jaik 11.000 phun kayau ngak jeng cảnh quan saong khik caga môi trường, pataom mek 134 m3 nerak, sraong mek njam bok ngak paha ia nduac ka labaih 350 km kraong ribaong nội đồng duk ka bruk pala drak. Tapa dom bruk ngak hu makna, dom pakat bộ đoàn dalam tỉnh hu giới thiệu jaik 500 urang đoàn naih gheih ka đảng, dalam nan hu jaik 200 urang hu ba tame đảng.

7 # Tui Pasak y tế dự phòng tỉnh Đồng Nai, dalam 3 adit puac di bilan 8/2015, yaok adit Đồng Nai hu 300 urang njauk ruak pandiak tabiak darah. Meng akaok thun 2015 tal ini, Đồng Nai hu labaih 3.700 urang njauk ruak (tagok jaik 140% dut haong tukvak ini thun 2014) ngan haong 2 urang metai. Urak ini gah y tế Đồng Nai daok pruh jru hóa chất pak dom labik hu jit ruak, patagok bruk pasang iek, xử lý dom sruh jit, oh caik ka ruak pandiak tabiak darah pambak prong.

8/ Kapuk chữ thập đỏ xã Đồng Khởi, huyện Châu Thành, tỉnh Tây Ninh barau jak ba urang ngak pahala alin hadiah 99 paok pandap ka baoh sang kan kathaot gaok kan kandah, urang joh jo saong urang njauk jru mek klik kruoc. Di palei Chòm Dừa, kapul hu jao 74 paok pandap, yaok paok yaom 220.000 đồng, dalam nan hu: brah saong nhu yếu phẩm, kayua urang ngak pahala Lê Văn Bai daok di puk aplei daong./.