1/ Ban sit Cần Thơ bahrau peih nyaom pakacah sap daoh anek saih, SV mbang ka 9 thun 2015 ngan song kadha “SV Cần Thơ yam takai nao ala hala dok Đảng”. Nyaom pakacah sap doh anek saih, SV ban sit Cần Thơ mbang ka 9 hu peih ngak gam song rilo bruk karei karei yau pok meyaom anek saih mek hu angan “anek saih 3 pasram” “SV 5 siam” pok meyaom dom giải thưởng “Sao tháng giêng” song nyaom pakacah “Sinh viên thanh lịch” piah pahadar 65 thun harei ilamu anek saih, SV song kapul SVVN (9/1/1950-9/1/2015).

2/ Gah pato megru ban raya HCM barau peih hội trại truyền thống anek saih – sinh viên mbang ka 9 di 8 cụm trại dalam ban raya. Ngan saong kadha “hadah mbaok meta 40 thun anek saih ban raya angan Wa”, hội trại hu ralo bruk yau daoh tamia, taom gaok ndom meyai nao mai, me-in tập thể, raok troy, adat truac pui trại. Hội trại nan lac sa dalam dom bruk ngak praong piah pahadar 65 thun harei anek saih – sinh viên 9/1 saong pahadar 40 thun harei peih paha gah meraong, yasa taneh ia.

          3/ Tỉnh Quảng Ninh bahrau peih Pasak Hành chính công ban sit Hạ Long. Pasak Hành chính công ban sit Hạ Long hu ba tame ngak bruk, jeng labik dang akaok taduan mek harak gar, tacei pato, langyah thủ tục hành chính di dom kapul nyom song menuac urang dalam ban sit Hạ Long.

 4/ Langik tasik oh lagaih dom bilan tapa ngak ka dom janih phun lương thực di urang bangsa Tờ-rin, huyện bhum ceik Khánh Vĩnh, tỉnh Khánh Hòa khat lahik, rai diuk di mikva gaok kan kandah. Baoh sang amuk Cà Thị Lan daok di xã Giang Ly, huyện Khánh Vĩnh, tỉnh Khánh Hòa pala meteh ha bei kayau, tal bilan pablei jaik abih phun bei nyu khut kayua ia kakua sara.

          5/ UB bhap bini tỉnh Ninh Thuận dok tacei pato dom gah, dom palei khik tani tanat darak pasa dom pandap hu blei pandar rilo dalm tuk tết Nguyên đán anek sak pabe 2015. Tỉnh Ninh Thuận brei buh tabiak 18 tỷ đồng meng kadung jien karja tỉnh dong ka 4 DN hu mbaok tame bruk khik piah pandap, piah khik tani tanat yaom ka urang blei pandar  dalam tỉnh. Hu 8 nyaom pandap hu blei pandar rilo hu khik tani tanat yaom nan lac brah , nduik, rilo athur yau limo, pabui, rilo menuk ada, boh, pandap chế biế, menyek mbang, saradang, njam patam boh kraoh that.

6/ Ban tacei jalan “daong pren ka adei nao tal sang bac” saong kapul pachreih bac huyện Hàm Tân, tỉnh Bình Thuận barau alin jien bac “daong pren ka adei nao tal sang bac” mbang sa thun bac 2014 – 2015 di tỉnh ka 32 sinh viên, anek saih THPT nan lac anek kamuan baoh sang kan kathaot, gaok kan kandah min kham merat yam tapa kan kandah bac daa naih joi. Jien bac hu jao brei 4 triệu đồng ka sinh viên, 3 triệu meteh ka anek saih THPT. Ini lac bruk pachreih ba, daong pren ka dom adei yam tapa kan kandah, yam tagok dalam bac daa, pasram megru, kham merat jeng công dân siam ka xã hội.

          7/ Mesup harei 5/1 bến phà pajeng tuai tapa kraong Chợ Gạo labik xã Quơn Long, Bình Phục Nhứt, huyện Chợ Gạo, tỉnh Tiền Giang padeih peih dalam rilo tuk. Labaih 100 tuai dok cang di bến phà ni biak duh hatai kayua bruk nao mai, pajeng ba pandap panda, anek saih nao bac te. Makna ba tal bruk ni kayua po phà oh njauk hatai sarak di UB bhap bini huyện Chợ Gạo, pandar phà padeih peih piah jao bến ka DN karei.

Patui di ini dom khau tin dunya:

8/ Harei 6/1, In-đô-nê-xi-a hu peih bruk duah praong, ngan saong bruk daong di 9 taneh ia piah duah dom mayit saong sruh kapal haok Airbus A320 daok kram ala tasik. Dom urang iek gah bruk duah caong khin dom urang nyut ia meda nyut hu tal ala mbat tasik.

          9/ Ủy ban châu Âu pok meyaom bruk Mỹ brei peih veik bruk blei rilo limo meng dom negar Liên minh châu Âu meng bilan 1/2015. Mintri ngak nong Mỹ hu panuac lac, brei peih veik bruk blei rilo limo ini, dahlau di abih lac meng Cộng hòa Ailen. Ủy ban châu Âu mong ni lac takai yam camereip piah klaak abih sa lệnh cấm oh njauk kayua Mỹ ba tabiak hadei di mbang hu limo gala di thun 1990.

10/ Gah y tế ban sit Thâm Quyến di tỉnh Quảng Đông, TQ brei thau, sa urang njom virus cúm menuk ada H7N9 barau di menuac. Urang njom barau nan lac sa uranaih kamei umo 6 thun, hu duk iek dương tính saong virus H7N9. Uranaih kamei hu ba tame sang iek ruak, min bác sĩ lac ruak hanjul./.