1/ Dom harei tapa, langik tasik siam lagaih, urang nong tỉnh Thái Bình peih bruk pruh jru pacang caga ruak đạo ôn ka jiak 22.000 ha padai  xuân. Dalam tỉnh hu jiak 14.000 ha padai njom ruak đạo ôn meng 5% tagok. Dalam nan taneh njauk njom trak meng 20% hala padai tagok lac 472 ha, hu dom mblang taneh njauk ruak khuah hala. Min kayua adit bloh langik hu pandiak, ruak đạo ôn oh pambak prong song hu urang nong peih bruk pacang caga jip nan ye taneh njom ruak đạo ôn trak trun hu 870 ha dut song adit dahlau.

2/ Bộ chỉ huy bộ đội biên phòng ban Đà Nẵng barau peih bruk pahadar 40 thun harei truyền thống saong taduan Huân chương khik caga taneh ia hạng sa. Ngan saong bruk khik caga chủ quyền an ninh bhum tasik, dom thun tapa, Bộ đội Biên phòng ban Đà Nẵng bhian tuần tra, pasang iek, pateok yaok ribau mbang kapal gaiy gilai taneh ia langiu hoạt động sung hukum bhum tasik taneh ia drei; cap yaok ribau urang buôn lậu angaok tasik.. Meng dom bruk ngak hu praong dalam tukvak tapa, bộ đội biên phòng ban Đà Nẵng hu Đảng saong karja alin brei Huân chương khik caga taneh ia hạng sa

3/ Anak bruk pandiak bhang dui atah ngak ka rilo labik kurang ia pandar song ia pala drak. Tỉnh Ninh Thuận daok peih ngak rilo jalan pacang pandiak. Anak meta, tỉnh NT hu tacei huyện Ninh Sơn dong phun jien ka dom xã Quảng Sơn, Hòa Sơn, Mỹ Sơn song Nhơn Sơn peih bruk kuac raok 11 bingun praong meng 500 tal 600 mét vuông yaok bingun piah khik ia menyum ka athur raong. Taphia nan, daong jien piah pabak ia pandar ka bhap bini daok di dom palei Nha Húi (xã Mỹ Sơn), palei Nha Hố song –palei Lương tri (xã Nhơn Sơn).

4/ Pachreih tui harei taong abih bhap bini halan hatian brei darah, di huyện Duyên Hải, mban tacei pato halan hatian brei darah tỉnh Trà Vinh barau peih bruk jak ba brei darah thun 2015. Ong Lê Hùng Cường, Chánh văn phòng ban tacei pato halan hatian brei darah tỉnh Trà Vinh brei thau: bruk jak ba brei darah “Lễ hội xuân hồng 2015” hu peih tabiak meng harei 17/1 tal abih bilan 3/2015 di 7 huyện saong ban dalam tỉnh, hu jaik 3500menuac  hu mbaok tame brei 3200 đơn vị darah ka sang iek ruak Đa khoa Trà Vinh saong sang iek ruak Huyết học Cần Thơ. 

5/ Tết meng kan Chôl-Chnăm-Thmây thun 2015 daok mai tal bhap bini Khmer tỉnh Bạc Liêu. Thun ni, dalam bui sambai njauk padai song hadang hu yaom, bhap bini Khmer uan raok Tết bak bui sambai haniem phol, meng harei 14 tal harei 16/4/2015. Yaok tuk taduan raok thun bahrau, rai duik di bhap bini Khmer dalam tỉnh hu ginup meda jang. Dak harei dak hu rilo boh sang ginup meda, takik boh sang kan kathaot, abih di nyu nan lac oh dok boh sang eik lipa. Mik va khmer daok taduan hu bruk dong ba di Đảng song karja meng rilo sarak tacei pato ilamu kỹ thuật bahrau.

6/ Di ban raya HCM, ong Lê Hoàng Quân akaok UB bhap bini ban raya saong ong Sukhumbhand Paribatra - Thống đốc ban ine Bangkok (Thái Lan) - barau mbaoh tangin tame harak njauk gauk padang talei pambuak bruk  hữu nghị di dua ban. Tui nan, ban raya HCM saong ban ine Bangkok hu patagok talei pambuak dom bruk bo dua gah hu rilo pren khang, abih di nyu nan lac pablei salih, đầu tư, pato megru, ilamu, công nghệ saong DL, quy hoạch saong patagok đô thị, môi trường.

Patui di ini dom khau tin dunya:

7/ Akaok mintri Quốc phòng Mỹ A-sơ-tơn Ca-tơ hu mbang nao rivang 4 harei tal Japon song HQ dalam adit ni. Ni lac mbang nao rivang camereip di ong Ca-tơ tal bhum Đông Bắc Á meng di tuk ong tagok pan akaok Mintri QP M ỹ di bilan 2 meng bloh.

8/ Urang vak di rayo sap ndom VN daok di Thái Lan brei thau: thiếu tướng Xẳn-ra-xởn, Phó brei panuac di jabat Thủ tướng TL brei thau, UB khik caga trật tự pakat negar hu quyết định oh brei adat ka gah ao meriah peih pahadar bruk trấn áp trun jalan ngak haok darah di thun 2010. Bruk pahadar nan tui kuhria hu rah tabiak di harei 10/4 tal. Ub khik caga trật tự pakat negar TL ndom lac, bruk ngak nan dalam tukvak ini meda ngak brei catang jang bruk kandah gauk di dom gah; ngak kan kandah tal bruk salih bharau di TL.

9/ Urang dang akaok dom negar Tây song Trung Phi hu panuac khan lac, hu peih sa nyaom biai pakat glong dalam adit anak tal, piah ba tabiak jalan pacang cakak kol phiến quân Bô-cô Ha-ram di Ni-giê-ria. Panuac di dom negar brei thau, bruk đe dọa di kol phiến quân Bô-cô Ha-ram dak harei dak tagok, ngak srau kadau ka dom negar Trung song Tây Phi./.