1/ Pahadar 105 thun harei dunya urang kamei 8/3/1930 - 8/3/2015), di phủ chủ tịch, Phó akaok negar amuk Nguyễn Thị Doan hu taom gaok kapul “50 urang kamei Doanh nhân nao dahlau dalam bruk ba drei tame KT dunya. Phó akaok negar ndom lac: dom thun tapa Đảng song karja tuk halei jeng sangka saong peih ngak rilo sarak dong ka DN patagok, dom sarak nan hu peih tabiak jalan ka DN ngak bruk khang kajap saong gam gam patagok.

2/ Tuai damuai tabiak pulao Lý Sơn, tỉnh Quảng Ngãi dalam tuk padeih lễ 8/3 biak rilo, ngak ka dom dịch vụ angaok pulao laik tame bruk quá tải. Ong Phạm Hoàng Linh – phaok akaok UB bhap bini huyện Lý Sơn brei thau, harei 8/3 thun ini laik tame harei puac adit nan ye tuai du lịch nao pulao biak ralo. UB bhap bini huyện Lý Sơn, tỉnh Quảng Ngãi tacei pato dom gah chức năng pandar dom po nhà nghỉ, khách sạn, quán mbang saong dom labik pablei pandap lưu niệm brei niêm yết yaom, oh  jhul yaom tagok glaong ngak pandik hatai tuai damuai.  

3/ Pathau khan song Kapul pasang iek Hội đồng bhap bini tỉnh Ninh Thuận bahrau ni., ong Mẫu Thái Phương – akaok ủy ban bhap bini huyện Bác Ái (huyện bhum ceik hu 90% menuac lac bangsa Raglai hu daong tui Nghị định 30a  di rajaei) brei thau, huyện hu parabha jaik 14 tấn brah dong ka boh sang kan kathaot kurang brah mbang dalam tuk tết anek sak pabe brei ka 8 xã. Taeng xã Phước Bình, huyện hu tacei brei tut angan dom boh sang kan kathaot iek lipa piah huyện parabha brah min xã oh taduan mek. Ong Pinăng Hoàng, akaok Ủy ban bhap bini  xã Phước Bình khan lac, dalam xã hu 218 boh sang kan kathaot, hu taduan ginup pandap dong tết  saong jien 150.000 đồng sa boh sang. Daok brah dong brei di rajaei ye xã oh taduan. Tui ong Pinăng Hoàng, tapa pasang iek boh sang kan kathaot oh hu sang halei eik lipa, kayua yau nan ye urang oh taduan mek brah.

4/ Tây Nguyên daok dalam tukvak tabung glaong di bilan bhang, meyah oh sangka, dom glai tự nhiên, glai pala saong bein phun công nghiệp meda khuah tuk halei jeng oh thau. Biak di nyu di tỉnh Kon Tum saong tỉnh Đắc Nông barau rah tabiak dom mbang khuah cao su, pa-aok pablait khat lahik yaok rituh ha.  

5/ Mblang kapal haoh Pleiku brei padeih dom mbang par nao song mai di mblang kapal haoh ini meng harei 15/3 tal 25/10 piah pasiam jalan kapal haoh trun, tagok song labik pataok kapal haoh. Dalam tuk vak kreik pambah mbang, mblang kapal haoh hu pambuak bruk song Sở Giao thông - Vận tải Gia Lai pajeng ba tong abih tuai damuai nao mai meng jalan kapan haoh di 2 tỉnh Gia Lai song Kon Tum tapa 2 mblang kapan haoh Phù Cát (Bình Định) song Buôn Ma Thuột (Đắk Lắk).

6/ Kapul cảnh sát pasang iek tội phạm gah kinh tế saong chức vụ - Công an tỉnh Đồng Tháp pambuak bruk saong gah khik iek darak pasar saong công an puk palei barau peih bruk pasang iek labik pablei salih khak drak kayua Lưu Quốc Trung, daok di  labik 175A, Nguyễn Đình Chiểu, phường 3, ban sit Cao Lãnh, tỉnh Đồng Tháp ngak po. Di labik nan, gah chức năng duah mboh 8.725 kg khak drak oh thau mai meng halei, dalam nan hu dom janih yau:  Multi-k, Mauesium Sulphate, Thiourea, tui kuhria, dom khak nan yaom labaih 60 triệu đồng.  

Patui di ini dom khau tin dunya:

7/ Di Berlin, jiak 50 DN lữ hành di Việt Nam hu mbaok tame Nyaom darak pasa Du lịch dunya Berlin (ITB) mbang ka 49 daok rah tabiak di ban ine di negar Đức. Ni hu mong iek lac thun hu rilo công ty lữ hành Việt Nam mai hu mbaok di nyaom darak pasa  Du lịch dunya Berlin prong di abih meng dahlau deih mbiah tal ni.

8/ Mintri ngoại giao NB brei thau, di puac bilan ini, NB saong TQ hu peih dom mbang ginum meyai an ninh di ban ine Tokyo. Ini lac bruk ginum meyai ka an ninh mbang akaok meti di 2 taneh ia kuhria meng 4 thun ini mai, tapa nan, brei mboh bruk tranh chấp lãnh thổ di 2 taneh ia daok hu pasiam veik./.  

9/ Sa mbang ribuk tuyết praong nao tapa meng Tếc-dát tal Niu Inh-lân di negar Mỹ, ngak ka dom sang bac njauk kreih pambah mbang, labaih 4 ribau mbang kapal haoh par brei padeih, song yaok rituh tài xế dok gar angaok dom jalan di Ken-tắc-ky tuk tuyết laik trun kapan labaih 58 xemtimét. Gah vệ binh negar Mỹ hu ba nao daong dom urang peih radeih dok gar dalam tuk langik biak liar./.