#  Phó Thủ tướng Vũ Văn Ninh jao ka mintri Lao động - Thương binh song Xã hội dang tabiak, pambuak bruk song mintri jien padai, mintri Nội vụ, dom jabat pagam tal, padang ngak song pok tagok rajaei Dự thảo ngji5 định ka bruk ramik veik jien lương hưu, trợ cấp urang oh dok pren ngak bruk song trợ cấp gru pato mầm non hu tuk vak ngak bruk dahlau di thun 1995 tui jalan ngak mbuan, lagaih di abih.

# Jeng dalam pagaiy harei 8/12, di tỉnh Gia Lai hu peih mbang nyaom ka 11, Hội đồng bhapbini tỉnh Gia Lai khóa X.  Bruk njauk caik hatai dalam mbang nyaom ini nan lac : bruk kinh te, trật tự an toàn xã hội di tỉnh Gia Lai dalam thun 2015 ini hu rilo cuang kandah. Pandiak bhang ngak khat lihik praong, yaom rilo pandap panda kaya nong trun khang, ngak kan kandah oh sit tal bruk ngak nong di tỉnh. Dalam tuk nan bruk patruh eik patrun kathaot ka oh khang kajap, phạm pháp hình sự saong bala angaok jalan mbak daok hu rilo .

# Mesup harei 8/12, Hội đồng bhap bini ban raya Hồ Chí Minh mbang 8 hu peih mbang nyaom ka 20. Dalam mbang nyaom ni, dalam 4 harei ngak bruk, Hội đồng bhap bini ban raya HCM meda pasang iek rilo bruk prong ka KTXH, palih ruah Akok UB bhap bini ban raya HCM song phaok akaok UB bhap bini ban raya. Ni lac mbang nyaom puac abih di  Hội đồng bhap bini ban raya tuk vak 2011-2016. Brei panuac di nyaom biai, Amuk Nguyễn Thị Quyết Tâm, Akaok Hội đồng ban raya Hồ Chí Minh lac:

Hội đồng bhap bini ban raya oh lac tong yaom bruk ngak hu di nghị quyết thun ni bo brei mong iek veik abih nhiệm kỳ, iek tui nghị quyết di nyaom roya Đảng bộ ban raya mbang ka 10 song bruk di anak meta piah ba tabiak jalan ngak, bruk ngak ka thun 2016 song dom thun patui di nan tui njauk adat hukum.

# Hadei di 5 thun ngak tui dom sarak bangsa, raidiuk mbang ngui, daok dang di bhum bhapbini bangsa takik  tỉnh Bắc Giang hu rilo salih bahrau. Dalam nan, danakdak 135 hu daong pajaih phun pala, kaya raong, vat tu pala drak, blei pandap chế biến, khik ramik kaya nong hadei di tuk paik, yuak ka labaih 54 rabau mbang sang; daong padang ngak barau 607 công trình, pasiam 127 công trình; jaik 2.000 sang bangsa takik kathaot hu mesriay jien laba bain patagok bruk ngak mbang, pala drak..

# Peih ngak danak dak 135, dalam tuk vak 2011-2015 tỉnh Trà Vinh hu padang ngak, ba tame pandar 335 danak dak pabak ka bruk patagok KTXH, dân sinh di dom bhum palei kan kandah hu rilo bhap bini bangsa Khmer daok, saong yaom jien buh tame ngak abih tih labaih 153 tỷ đồng.

# Piah daong ka bhapbini tuk raong hadang công nghiệp takik gaok khat lihik, patagok năng suất saong kein laba, tỉnh Cà Mau hu ba tbaiak 4 jalan ngak cambaih nan lac pilih ruah pajaih hacih, alamu raong, jalan pasiam danao raong saong tukvak palao pajaih. Gah pajaih, gah chức năng kakei urang raong hadang njauk pilih ruah drei pajaih siam, jhui pandar drei pajaih oh thau asal di nyu. Tui quy hoch, tal thun 2020, Cà Mau hu takik abih 15.000 ha raong hadang công nghiệp.

# Peih ngak danak dak “ Padang ngak dom labik dok, rami ramik bruk ngak ka bhap bini bangsa takik di dom bhum tapen negar dalam tỉnh tal thun 2020” tỉnh Kiên Giang dok peih bruk pasang iek tong yaom njauk bruk, lagaih song sarak di TƯ, jalan ngak di Quân khu 9, quy hoạch patagok KTXH di tỉnh song dom puk palei di tapen negar. Tỉnh jeng hu tacei pato dom gah chức năng pambuak bruk, jhul pakhang bruk pathau khan, pato pakai ka jalan ngak, makna saong yaom glaong di đề  án, ngak brei pachreih tui dalam bhap bini song padang talei jum pataom, pambuak bruk di Kiên Giang song dom puk palei tapen negar di taneh ia ayut, sahabah.

Khaw tin dunya

# Yaom menyek dunya harei 7/12 trun tal tanut bain di abih dalam 7 thun tapa, ngak jhak tal dom cổ phiếu di dom công ty dầu mỏ praong di ban Uôn ( Mỹ). Kareik bambang phiên giao dịch harei 7/12, yaom menyek tamo tasik Bắc ( Brent) trun daok 41,20 đôla sa thùng, bain di abih kuhria meng bilan 2 thun 2009. Tui dom chuyên gia, makna praong di bruk yaom menyek daok trun bain lac kayua Kapul dom taneh ia pablei menyek ( OPEC) hadei di mbang nyaom puac adit blaoh brei khik bruk ngak menyek urak ini daok di tanut glaong tal tabung, meng 30 tal labaih 31 triệu thùng yaok harei, ba tal bruk kandaong labaih jaik 2,5 triệu thùng menyek yaok harei di darak pasar .

# Akaok khik ramik Công ty xuất khẩu khí đốt negar Iran Alireza Kameli (A-li-rê-da Ca-mê-li) harei 7/12 brei thau Iran dok ginum biai song Ấn Độ padang ngak sa jalan ba khí đốt ala tasik yaom 4 tỷ 500 triệu USD meng Iran tal takai tasik gah pai di negar Ân Độ, hadei di tuk New Delli oh brei padang ngak sa jalan ống angaok thu nao tapa negar  Pakistan. 

# Thun 2015 lac sa thun mek jien tame hu biak rilo di gah miu-yim Italia ngan saong số lượng tuai mai ravnag mein tapa tanut 40 triệu mbang urang tal puac bilan 11 meng blaoh, dalam tuk jien mek tame meng jien pablei vé jeng tagok 14%  duk saong dom bilan ini thun dahlau. Akok mintri ilimo saong inem krung Italy Dario Franceschini (Đa-ri-ô Phran-xét-si-ni) brei thau thun 2015 lac sa thun biak siam di dom miu-yim kayua karja khik ramik, ngan saong so luong tuai damuai tagok khang, yua nan ye jien mek tame meng dom gah jeng glaong jang saong abih di nyu nan lac dom bhum ye Lazio (La-di-ô), Campania (Cam-pa-ni-a).