1/ Phó Thủ tướng Vũ Văn Ninh jao ka mintri jien padai, dom mintri, dom gah pambuak tal song dom puk palei peih ngak sarak dong brei brah ka anek saih bhum KTXH biak kan kandah dalam thun bac 2015-2016 tui njauk bruk ba tabiak. Phó Thủ tướng jao ka mintri pato megru dang tabiak pambuak bruk song mintri jien padai, UB bangsa song dom mintri, dom gah pagam tal pok tagok thủ tướng rajaei patabiak sarak dong ka anek saih bhum KTXH biak kan kandah piah ba tabiak pandar meng thun bac 2016-2017

2/ Dalam 2 harei 11 saong 12/10 ini (lac harei 30/6 saong harei 1/7 tui saka chăm), kate di urang Cam Ahier di Bình Thuận hu rah tabiak angaok bimaong Pô Sah Inư, ban Phan Thiết.  Kate thun ini hu mbaok dom huyện Hàm Thuận Bắc, Bắc Bình saong Tuy Phong. Ini lac tuk piah ka mikva hadar tal dom bo yang, ong muk ong kei, taphia di nan hu taom gaok gauk, klah rabha bruk ngak mbang, hu mbaok tame dom bruk ilamu, daoh tamia. Tal urak ini, bruk kuhria caga ka kate di bimaong Pô Sah Inư hu salah bloh, daok cang raok bhap bini saong tuai damuai.

3/ Tỉnh Quảng Ngãi urak ni hu jiak 130 labik glut jaleih di takai krong, takai tasik atah abih tih jiak 160km. Rilo meng mboh di dom huyện tapen tasik, tapen dom krong prong yau Trà Bồng, Trà Khúc, Sông Vệ song  Trà Câu. Kayua taneh katut, krong ia thu song sit, yau nan ye bilan hajan, ia nduac khang, gam saong ia ndik ia sua ngak ka takai kraong, takai tasik glut jaleih dak harei dak khang.

4/ tỉnh Đắk Lắk daok pachreih dom thành phần kinh tế dalam saong langiu tỉnh buh jien tame patagok bruk raong limo ralo; limo ia tasau, ngak ia tasau, ralo pabui tui jalan công nghiệp piah paglaong yaom, patagok khang kajap. Dom thun jaik di ini, Đắk Lắk hu 9 urang buh jien tame bruk ngak mbang ini dalam 12 dự án raong glang, saong yaom phun jien abih tih labaih 21.336 tỷ đồng.

5/ Tal tuk vak ni, Chi cục Thú y tỉnh Đắk Nông hu pambuak bruk song karja  huyện Cư Jút daok peih tabiak dom jalan pacang padam sa sruh jit ruak laka cambuai tapok kakau di tapon pabui di ong Nguyễn Mậu Trung daok di palei  9, xã Tâm Thắng, huyện Cư Jút.Makna lac kayua ong Trung blei pabui pajaih di rilo urang pablei dạo oh thau lac pabui nan hu njom ruak laka cambuai tapok kakau. Tuk thau tapon pabui ruak ong trung oh samar khan brei karja song gah thú y thau piah langyah.

6/ Sang uranaih Long Thành, tỉnh Đồng Nai barau peih harei pataom “klup kapul iek gah halan hatian sang uranaih” tỉnh mbang ka II thun 2015. Dalam harei pataom, 150 dam dara halan hatian mai meng 5 klup kapul iek gah halan hatian di sang uranaih tỉnh, Sang uranaih tỉnh Bình Dương, dom huyện Long Thành, Xuân Lộc saong ban sit Long Khánh hu mbaok tame ralo bruk ngak yau: sirah tượng đài labik căn cứ tỉnh ủy Biên Hòa daok di xã Bình Sơn; rivang, alin hadiah pandap ka 5 baoh sang urang njauk jru mek klik kruac dioxin dalam huyện Long Thành; hu mbaok tame dom bruk me-in tập thể, truac pui trại. 

7/ Urak ni, ban raya HCM dok dang anak jit ruak pandiak tabiak darah tagok khang song tui kuhria hu labaih 600 urang tame sang iek ruak yaok adit. Langiu dom sruh jit di dom quận, huyện,  dom ruak njom mbak karei karei jeng hu tamuh tabiak yau ruak tangin takai cambuai dok yam tame tuk vak tabung glong, dak khang jang tapa yaok adit. Di sang bac mầm non quận Tân Phú, quận 5, huyện Hóc Môn hu 20 urang ruak. Taeng ruak tagok boh ia hu dom labik tamuh jit ruak yau sang bac tiểu học quận 12 song sang bac quận Bình Thạnh hu 24 urang.

Patui di ini dom khau tin dunya:

8/ Sa dự án ka bruk pabak trang thiết bị y tế di châu Âu, hu jabat di Đôn  (Anh) barau ini hu thiết kế sa janih radaih cứu thương thông minh, meda pabak samar saong siam dom bruk khẩn cấp. Radaih chuyên dụng Smat Am-biu-lừn hu ginup dom janih pandap  yau sa duk cấp cứu.

9/ Truyền thông Mỹ bahrau brei thau, mintri Tư pháp negar ni dok kuhria brei tabiak guk dahlau tukvak njauk guk ka 6 ribau urang guk, ni hu mong lac sa mbang brei tabiak guk dahlau tukvak prong abih dalam sajarah dak rai Mỹ. Tui kuhria, bruk nan hu rah tabiak meng harei 30/10 tal harei 2/11 anak tal. Ni lac sa dalam dom kham merat piah patrun bruk quá tải dalam dom sang guk di liên bang Mỹ./.

10/ Harei 7/10, kapul Hòa bình xanh daok pachreih rajaei Indonesia samar padam dom mbang khuah glai angaok pulao Sumatra saong Kalimanta daok ngak brei sauk dhur par bak dom taneh ia Đông Nam Á jaik taphia. Tui kapul Hòa bình xanh, khuah glai di Indonesia daok ngak jhak ka pren yava bhap bini bhum Đông Nam á, ngak kan kandah tal bruk ngak mbang ngak huak. Dom sang bac di Malaisia, Indonesia, Xinhgapo kreik pabah mbang kayua huac sauk dhur ngak jhak tal pren yava di anek saih. Ralo kapal haok suai par jang tukvak ba tabiak atau klak par./.