1/ Phun mắc ca hu tỉnh Lai Châu pala iek jiak 170 ha meng thun 2012 di dom xã dalam huyện Tam Đường. Tapa pasang iek di dom gah chức năng, rilo mblang taneh pala iek daok tamuh siam, tabiak rilo bingu song meda hu năng suất glong. Phun macca jeng hu tinh Lai Chau iek lac phun công nghiệp praong, hadei di phun te song phun cao su. 

2/ Tui kuhria mboh di sở ilamu, TT saong DL Hà Nội, 3 bilan akaok thun hu jaik 3 triệu tuai damuai mai rivang iek ban ine. Dalam nan hu labaih 500.000 mbang tuai DL dunya. Bruk chreih chrai di HN, tui DL mai rilo hu ba ban kayua sron mbon di VN laik tame 4/10 labik mai hu urang takre thun 2015 kayua tạp chí Trip Advisor palih ruah.

3/ Piah paglaong bruk duh ka tuai damuai lac urang jaoh jo, Akaok Cục Hàng không Việt Nam hu panuac ieu dom hãng kapan haoh pabak bruk pajeng ba tuai damuai lac urang jaoh jo. Taphia di nan, Tổng công ty Cảng Hàng không Việt Nam brei padang bruk pabak radeih nâng urang tuai ndik radeih lăn tagok kapan haoh di dom mblang kapan haoh. Dom hãng kapal haoh brei hu jalan ngak cambaih laih piah duh siam di abih ka bruk nao mai di tuai damuai lac urang jaoh jo song brei klak dom thủ tục phiền hà njauk haong adat hukum.

 4/ Ban tacei jalan jak ba brei darah halan hatian tỉnh Gia Lai barau peih mitinh pachreih tui harei taong abih bhap bini brei drah halan hatian. Tal urak ini, bruk ngak ini hu peih tabiak yaok thun saong hu pambak praong di taong abih dom huyện, ban sit, ban praong dalam tỉnh. Yaok bilan, ban tacei jalan brei drah halan hatian di tỉnh pambuak bruk saong dom đơn vị jak ba 3 mbang brei drah, mek hu jaik 1 ribau đơn vị drah.

5/ Mban tacei jalan khik caga hacih saat pandap mbang tỉnh Đắc Lắc bahrau peih mbang nyaom peih tabiak “Bilan ngak ka hacih saat pandap mbang menyum” thun 2015. Ngan saong kadha “Sản xuất, pablei salih, blei mbang njam rilo hacih saat” bilan ngak thun ni hu peih tabiak meng harei 15/4 tal 15/5, pataom tame dom bruk pathau khan, paglong akaok sahaneng ka urang ngak pandap, blei pandap dalam bruk chế biến, khik piah song blei mbang njam rilo hacih saat. Dalam bilan ngak, Mban tacei jalan hacih saat pandap mbang menyum di tỉnh Đắc Lắc padang 4 kapul pasang iek liên ngành, nao pasang iek bruk hacih saat pandap mbang menyum.

6/ nyaom darak parang iek dom pandap li-u thun 2015 barau hu peih tabiak di labik tái định cư xã Mỹ Thạnh An, ban Bến Tre, tỉnh Bến Tre. Ini lac sa dalam dom bruk ngak di lễ hội li-u tỉnh bến Tre mbang IV thun 2015. Ngan saong kadha: “phun li-u VN mbeik drei tame saong patagok” nyaom darak hu peih ngak praong abih meng dahlau tal ini, pachreih hu labaih 600 gian hàng meng dom tỉnh dalam khu vực saong di tỉnh. Nyaom darak rah tabiak meng ini tal abih harei 13/4. 

7/ Parang iek song nyaom biai xúc tiến Đầu tư – pablei salih - Du lịch di ban raya HCM tame Lào kayua Pasak Xúc tiến Đầu tư pablei salih ban raya Hồ Chí Minh bahrau peih tabiak song hu bruk dong di Đại Sứ quán Việt Nam di Lào. Brei panuac di nyaom biai, ong Lê Thanh Hải, Ủy viên mintri Chính trị, Bí thư Thành ủy ban raya Hồ Chí Minh hu panuac caong dom DN ban raya kham merat duah dom dự án, pambuak bruk lagaih haong Lào, dahlau di abih pamong tame dom gah lac pren khang di dom puk palei di Lào song pren khang di DN ban raya.

Patui di ini dom khau tin dunya:

8/ Báo chí TL brei thau: hadei di tuk Gah hàng không dân dụng dunya taong yaom gah hàng không TL mek hu tanut chuẩn biar ka tanut chuẩn an toàn, dom taneh ia angaok dunya daok hu kế hoạch pasang iek tanut an toàn di hàng không TL. Tui nan, TQ saong HQ hu lệnh cấm tạm thời dom mbang par meng TL tal dom taneh ia ini; taphia di nan padang kế hoạch pasang iek saong ba tabiak tukvak nhất định piah TL pasiam veik, paglaong tanut chuẩn an toàn hàng không.

9/ Brei panuac dalam mbang họp báo bahrau ni, sa urang ngak praong iek gah sarak palao tasik di Japon brei thau, Japon hu ba tagok Internet dom tư liệu sajarah dak rai hu pagam tal chủ quyền di JaPON ka palao kaoh Senkaku/Điếu Ngư song palao Ta-kê-si-ma/Đốc đô. Dua palao kaoh ni urak ni dok dalam bruk meriak gauk saong TQ hong HQ.

10/ Bruk padang mbiak tatua akaok meti pambuak Mianma saong Lào barau hu ngak salah saong tui kuhria nyu hu ba tame pandar di bilan anak tal. Tatua ini drum trak hu tal 75 tấn saong drum hu megri baoh taneh khang tal 7 độ rích-te. Padang ngak tatua saong pasiam jalan mbak nan lac sa bruk kham merat di rajaei Lào saong Mianma piah jhul pakhang bruk pablei salih, đầu tư saong DL nao mai di dua taneh ia ini./.