1# Tui panuac khan di Đại học Quốc gia Hà Nội, dalam tukvak meng harei  15/3 tal harei 25/4 hu labaih 45 rabau thí sinh tut angan tame pakacah mbang 1 tame dom khoa, dom sang bac di Đại học Quốc gia Hà Nội. Urak ini Đại học Quốc gia Hà Nội brei padang 9 cụm pakacah di mbang pakacah taong yaom pilih ruah tame đại học chính quy mbang 1 thun 2015. Tui nan, di Hà Nội hu 3 cụm pakacah ngan saong labaih 32 rabau thí sinh tame pakacah di 11 labik pakacah. 6 cụm pakacah daok veik caik di dom tỉnh Thái Nguyên, Nam Định, Hải Phòng, Thanh Hóa, Nghệ An saong Đà Nẵng.

2/ UB bhap bini tỉnh Lào Cai barau peih mbang ginum biai saong dom jabat chuyên môn piah padang jalan ngak pacang caka bala meng lingik tasik saong daong duah urang njauk bala, brukh diễn tập pacang cakak ribuk ia sua, jaleih taneh thun 2015. Bruk praong abih dalam pacang cakak bala saong daong duah urang njauk bala di tỉnh Lào Cai nan lac patrun khat lahik takik di abih ka menuac urang jeng yau drap ar di karja saong bhap bini. 

3# Huyện Nam Ðông, tỉnh Thừa Thiên - Huế barau peih tan pato ndom lý, daoh lý ka dom urang Cà Tu daok ranaih ump. Ndom lý, daoh lý lac sa dalam dom janih ilimo bhapbini gheih mekre di urang bangsa Cà Tu. Ini lac janih daoh ứng khẩu bhian hu daoh dalam tuk pataom ilimo, daoh tamia saong dom rija roya meng kan di bhapbini Cà Tu. 

4/ Tui pasak Dự báo khí tượng thủy văn pakat negar, pandiak thu gam saong hajan pataui, ngin ribuk di dom tỉnh meng Thanh Hóa tal Phú Yên meda rah tabiak dalam 7 tal 10 harei tra. Ong Nguyễn Văn Hưởng, Phó akaok duk dự báo khí tượng thủy văn katut panak harei, pasak Dự báo khí tượng thủy văn pakat negar brei thau, makna di bruk nan kayau pandiak thu ngak ka đối lưu patagok khang, abih di nyu nan lac di tuk melam, ba tal hajan saong ngin, dalam nan mbuan hu ngin ribuk saong hajan patau.

5# Huyện ủy Krông Bông, tỉnh Đắc Lắc barau peih bruk alin sổ patak pataom ka dom sang kan kandah lac thương binh, bệnh binh saong amaik Việt Nam anh hùng dalam huyện. 107 sang sarak karja, sang buh pren yava ka cach mang kan kandah hu alin sổ patak pataom yaom 10 trieu dong sa sang. Ini lac yaom jien kaoh tabiak meng kadung jien “ ngak tui panuac Wa, peih bruk patak pataom pamaong tal puk palei”, kadung jien kayua huyện ủy Krông Bông jak ba padang tabiak, piah pachreih tui bruk jak ba “ bac megru saong ngak tui jalan hadah krah siam mekre di Hồ Chí Minh”.

6/ Urak ini, yaok rituh bhap bini daok di xã  Phú Mỹ saong Tân Hòa Thành, huyện Tân Phước, tỉnh Tiền Giang daok pandik hatai kayua đóng jien ia pandar yaom meng6.000 đồng- 7.000 đồng sa khối, min ia hu sambo kanyik, njom pasei, njom lakhuan, oh siam piah ngak mbang huak. Ia nan ba mai meng blai pabak ia praong di pasak xã Phú Mỹ kayua Cty TNHH sa thành viên pabak ia ka palei pala tỉnh TG. Karja palei hu panuac brei doanh nghiệp ini samar pasiam veik. 

7# Trung ương Đoàn dam dara Cộng sản Hồ Chí Minh pambuak bruk saong Bộ Tư lệnh Hải quân barau peih hành trình tuổi trẻ kayua tasik pulao palei negar thun 2015 ngan saong kadha “Học kỳ di tasik”. Labaih 110 urang doan, dam dara hadah krah lac dom doanh nhan ranaih umo, sinh viên, văn nghệ sĩ, y bác sĩ, urang vak…pataom tame hành trình mbang ini saong dom bruk ngak yau ye : pasram ngak thủy thủ, xác định tọa độ di tasik, cuh gilau hadar dom liet sy ndih trun di tasik, paparsap angaok kapal saong peih ngak dom bruk dam dara pamaong ka tasik, pulao di negar.

Patui di ini dom khau tin dunya:

8/ Nyaom meyai dom akaok mintri pato megru dom taneh ia ĐNA mbang ka 48 barau peih tabiak di tỉnh Chonburi, Thái Lan. Ini lac diễn đàn praong ka gah pato megru di dom taneh ia ĐNA taong yaom, pasang iek dom sarak, dom tavak tavaiy dalam pato megru. Meng nan ba tabiak dom jalan ngak, dom sarak piah mek hu bruk patagok gah pato megru di dom taneh ia thành viên.

9# Dom urang lambaok vakil ka bhapbini Hàn Quốc saong Triều Tiên barau ini hu njauk hatai gauk brei peih ngak dom bruk haong gauk di kreh bilan 6 tal, piah pahadar 15 thun nyaom biai pakat glaong di dua gah Triều Tiên. Bruk ini hu ba tabiak hadei di tuk dua gah hu blaoh dom mbang ginum biai dui atah di ban Thẩm Dương, Trung Quốc  piah ginum biai ka bruk ngak haong gauk nan. Ini lac mbang akaok meti dalam 5 thun mai ini, lambaok vakil bhapbini 2 gah Triều Tiên peih bruk pahadar haong gauk.

10/ yaom lac tukvak jaik di ini, talei pambuak bruk di Mỹ saong Ixraen daok catang tagok pambuak tal bruk hạt nhân Iran, min Tổng thống Mỹ Barắc Ôbama hu sanya pambuak bruk saong rajaei liên minh barau di Ixraen kayua Thủ tướng Bengiamin Nêtanyahu dang akaok. Dalam sa panuac di urang brei panuac Nhà Trắng Giô Ơnet brei thau, Tổng thống Barắc Ôbama  caong khin hu ngak bruk hong rajaei barau di Ixraen saong hu mbaok tame dom bruk khu vực, dalam nan hu dom bruk ginum meyai pambuak tal hạt nhân Iran saong bruk peih ngak dom jalan ngak di dua karja./.