1# Piah daong pathau khan, brei thau bruk khik caga alam moi truong dalam gah pato megru, Sở Tài nguyên saong Môi trường ban sit Đà Nẵng barau tabiak mbang pakacah  ngak logo “Sang bac hijao” caik ka dom kapul nyom, menuac urang dalam saong langiu taneh ia. Dom kadha tame pakacah hu makna khik caga alam moi truong; hu tinh thẩm mỹ, alamu, mbuan si hadar, mbuan thau, an tuong saong bhapbini; mbuan pandar mbuan ngak meng dom janih karei di gauk piah brei thau biểu tượng dalam bruk truyền thông... Tukvak taduan mek tác phẩm pakacah meng ini tal 1/10/2015.

2/ Dalam thun bac 2015 – 2016, tỉnh Quảng Nam hu 277 urang jakar, gru pato urak ini daok pato di dom sang bac mầm non, tiểu hoc5, THCS; 50 gru pato urak ini daok pato di dom sang bac THPT, Phổ thông bangsa gam bac gam daok di dom huyện bhum ceik hu panduan salih mai pato di dom huyện, ban sit, ban praong. Hadei di 5 thun, (meng thun 2010 tal thun 2014) peih ngak đề án panduan salih urang jakar, gru pato gah pato megru tỉnh Quảng Nam, hu 1.068 gru pato meng bhum ceik hu panduan salih mai dom puk palei bhum taneran.

3# Công ty Liên doanh Trách nhiệm hữu hạn khu công nghiệp Việt Nam-Singapore pambuak bruk saong uy mban bhapbini tỉnh Quảng Ngãi barau  brei thau tukvak ngak veik dự án Khu liên hợp Công nghiệp- Đô thị saong Dịch vụ VISIP. Tui nan,  VISIP Quảng Ngãi meda peih ngak 99 ha taneh thương mại, hu dom hạng mục ye : sang daok, biệt thự, công viên.... piah duh labik daok ka jaik 15.000  urang caong khin. Tukvak sa padang dalam 300/1700ha daok di xã Tịnh Phong, huyện Sơn Tịnh, ngan saong jien buh tame ngak jaik 200 triệu đô la Mỹ saong hu 3 dự án hu ngak blaoh saong ba tame pandar, ba bruk ngak ka jaik 3700 urang ngak dalam tinh saong tinh taphia .  

4/ Tỉnh Phú Yên urak ini hu labaih 11 ribau ha phun pala kurang ia; labaih 6.500 baoh sang bhap bini labik bhum ceik oh hu ia pandar. Anak bruk nan, UB bhap bini tỉnh Phú Yên hu rabha 6,7 tỷ đồng ka dom puk palei pacang pandiak bhang, pataom tame bruk kuac, rok bingun di dom bhum kurang ia; caik dom blai njuk dội, mac njuk pruh, pasiam kraong ribaong ba ia daong ka phun pala, abih di nyu nan lac dom mblang hamu padai di jhun kraong ribaong.

5# Ngan saong kadha“ Karja saong bhapbini pambuak gauk ngak”, 5 thun tapa, dom jalan nao mai dalam palei pala di  tỉnh Đác Nông hu patagok biak rilo. Urak ini, tỉnh Đác Nông ngak hu blaoh bruk lac, taong abih buôn hu meng sat al dua kilômét jalan menyek. .

 6/ Sở jalan mbak pajeng ba tỉnh Gia Lai barau duah mboh labaih 630 urang pandar harak adat peih radaih mô tô ja. Ralo bhap bini, abih di nyu nan lac mikva bhum atah bayah, bhum urang bangsa takik kayua kurang thau nan ye ba jien ka dom urang piah ngak harak adat peih radaih saong jia nan lac harak adat peih radaih njauk hukum, pandar dalam ralo thun. Tal urak ini, tuk ba nao salih meng thau lac harak adat peih radaih ja.

7#  Meng akaok bilan 7/2015 tal ini, di huyện Đăk Glei, tỉnh Kon Tum hu rilo urang njauk ruak pandiak tabiak darah njauk tame sang iek ruak dak harei dak rilo jang. Dalam bilan 7, Pasak y te huyen hu taduan mek saong iek ruak labaih 30 mbang urang pandiak biak darah, pataom rilo di dom xã Đăk Pek, Đăk Kroong…Anak bruk nan, pasak y te huyen hu tabiak dom bruk pacang caga ye : ngak hacih alam moi truong, khoanh labik sruh jit, peih bruk pruh jru pametai jamaok praong tagok di dom labik sang daok…

Patui di ini dom khau tin dunya:

8/ Pulao Sai-pen di Mỹ dalam quần đảo Ma-ri-a-na barau njauk khat lahik trak hadei di tuk ribuk Su-đê-lo , lac ribuk khang di abih dalam thun ini puh tapa. Tổng thống Mỹ Ba-rắc Ô-ba-ma  harei 6/8 hu tabiak bruk thảm họa chip di pulao ini, saong tacei pato jabat daong Liên bang peih bruk daong, pasiam veik khut khat di ribuk Su đê lo. 

9# Dom urang alamu di sang bac Đại học Glyndwr di gah Brak negar Wales (Anh) barau duah mboh dalam kanduh hadang phân hủy hu sa chất polymer barau meda daong ka mbuk lamal siam. Tui roh duah, chất polymer barau meda daong ka mbuk khik hu độ ẩm saong daok ngak trun takik chẻ ngọn. Ini hu maong lac janih nguyen lieu hu asal meng tu nhien saong tuk ngak nyu siam ka alam moi truong. Yau nan ye, dom urang alamu daok caong lac, sa janih menyek kapao akaok barau hu ngak meng kanduh hadang samal hu mbaok di darak pasal.

10/ Châu Âu hu ralo danao caluai dalam yau danao caluai pasram S.E.TT dalam 28m, danao caluai Nemo33 di Bỉ dalam 33m, danao caluai Y-40 di Ý dalam 40m.  Min, taong abih jeng taduan lah dự án danao caluai dalam mblang bein sang bac đại học Essex (Anh) dalam 50m. Hu thau danao caluai ini hu pandar ka danak dak ruah duah không gian di anek menuac, tui iek môi trường, pasram paglaong ilamu nyuc ia, ruah duah sinh lý học anek menuac saong hàng hải, patagok hàng không vũ trụ. Dự án hu yaom 62,5 triệu đô la Mỹ saong danao caluai barau nyu jang 4 mbang danao caluai bo NASA daok pandar pasram di Houston (Mỹ)./.