1/ Thun 2015, tỉnh ĐB kham merat ieu pataom labaih 3200 đơn vị drah, dalam nan 90%  drah hu meng urang brei drah halan hatain. Piah mek hu tanut nan,, urang dang akaok UB bhap bini tỉnh Điện Biên pandar dom puk palei, đơn vị dalam tỉnh ngak siam jang dom kadha ni: ngak siam bruk pathau khan, paglong akaok sahaneng piah ka urang kham hu mbaok tame bru kbrei drah halan hatain. Mban tacei ba brei drah pakat huyện pambuak bruk song dom gah piah bruk pachreih ba urang brei darah mek hu siam mekre .

2/ Angaok jalan ba 1 triệu paok pandap tết tal bhap bini kan kathaot dalam taneh ia, kapul urang jakar chữ thập đỏ TƯ peih bruk ngak pahala akaok meti di palei Nà Cáy, xã Địa Linh, huyện Ba Bể, tỉnh Bắc Kạn. Mbang nao ni, kapul hu alin hadiah bhap bini bangsa kan kathaot 5 drei limo di dự án “gilang limo” saong 100 paok pandap tết. Dom pandap ini, lac hatai anit ranam di dom phật tử Đạo tràng Pháp Hoa  gah brak. 

3/ Urang nong tỉnh NT dok patom tame bruk yuak padai thun 2014 piah caga ngak taneh, pala drak bilan padai Đông– Xuân 2014 – 2015.. Thun ni kayua thau ba ilamu kỷ thuật tame, nan ye vụ mùa mek hu kein liba glong, chất lượng siam. Tal tuk vak ni, dalam tỉnh yuak hu 7.500 hecta, samu 70% taneh pala drak song năng suất mek hu 55 tạ yaok hecta..

4/ Tui UB bhap bini tỉnh Bình Dương, tỉnh hu buh tabiak labaih 146 tỷ đồng daong ka dom urang lac urang jakar, công chức, viên chức, taphol nyom bol pan phao kraong saong dom urang sarak karja tuk tết anek sak pabe thun 2015, patagok 15% duk saong thun 2014. Thun ini 7 đối tượng hu buh brei rilo jang meng 10% tagok duk saong thun dahlau nan lac amaik VNAH, pasang amaik VNAH, baoh sang hu meng 2 liệt sĩ tagok, baoh sang liệt sĩ anh hùng, baoh sang liệt sĩ lahik urang raong ba, baoh sang hu 1 liệt sĩ, thương binh ¾, urang daok hu mbang jien daong kayua njauk jru mek kilik kruoc saong urang njom jru mek klik kruoc/ dioxin.

5/ Harei 9/1 tỉnh Sóc Trăng peih bruk patom iek veik bruk pakacah “Duah thau ka palao tasik VN” tỉnh saong jao giải ka urang, kapul nyaom naih gheih. Hadei di 2 bilan peih tabiak, bruk pakacah ““Duah thau ka palao tasik VN” tỉnh Sóc Trăng hu 43 ribau kadha vak hu mbaok tame pakacah. Tong abih dom kadha vak pakacah yau brei mboh bruk kham merat, palih ruah kadha tui hatai cong khin di mban tổ chức.

6/ Hadei di 5 thun peih ngak đề án “pato bruk ngak ka urang ngak palei pala” tukvak 2010 – 2014, ban sit Cần Thơ hu labaih 19 ribau 300 urang ngak hu pato bruk ngak nông saong lingiu bruk ngak nong hu ilamu trung cấp, sơ cấp. Mban tacei pato đề án taong yaom lac hu labaih 73% urang ngak hu bruk ngak lagaih saong danak dak pato pakai.

7/ Hadei di boh chôm chôm hu pablei tabiak negar Japon, Mỹ, Kapul pambuak bruk pablei tabiak negar lingiu boh kayau di huyện Châu Thành (Bến Tre) hu pablei 10 tấn panat tapa darak pasa HQ tui yaom glong jang darak pasa dalam negar. Panat hu darak pasa HQ biak takre, hu caik tame paoap, tapa jalan pambuak bruk haong Công ty Trách nhiệm hữu hạn kaya nong Việt. Panah pablei tabiak negar langiu brei mek hu tanut hacih saat pandap mbang, hu ngak tui jalan VietGap, oh pandar jru khik caga phun pala.

Patui di ini dom khau tin dunya:

8/ Takik di abih 3 urang metai saong 4 urang lahik hadei di tuk kapal du lịch pajeng 100 tuai damuai  kram di langiu tasik Cốtxta Ri-ca Thái Bính Dương. Mintri Nội vụ Cốtxta Rica brei thau, bala rah tabiak harei 8/1 di langiu bhum tasik di labik padeih padei mblang tasik Pun-ta Lê-ô-na hadei di tuk tabiak tín hiệu cấp cứu. Urak ini oh ka thau makna di bala, pasang iek tuk camereip brei mboh meda lac kayua langik jhak di tasik. 

9/ Di ban ine Moscow ( Liên bang Nga) jiak di ni, bruk radeih paoh gauk di angaok jalan hu tagok khang. Sa dalam dom jalan ngak daok hu rajaei Nga kuhria ba tabiak piah langah bala ni,  lac adat oh brei urang đồng tính song chuyển giới peih radeih. Dom urang ni hu xếp tame nyaom urang “rối loạn giới tính” oh ginup điều kiện peih radeih./.

10/ Gilang pariak dunya barau tabiak panuac lac pablei salih dunya dalam 10 thun tal patagok suai jang dom abap dahlau nan. Harak pathau khan brei thau, dom thun hadei di bruk khủng hoảng jien padai dunya 2007 – 2009, pablei salih dunya patagok tani tanat di tanut 7%. Min, dom thun jaik di ini, bruk pasiam veik hadei di khủng hoảng ngak ka bruk patagok gah pablei salih dunya patrun, daok 5% yaok thun./.