1/ Jabat rajaei bahrau hu harak ka bruk peih chiến dịch klauk vắc xin viêm não Nhật Bản ka anek naih meng 6 tal 14 thun meng vắc xin dong di Liên minh dunya ka vắc xin song klauk jru. Tui harak nan, Phó Thủ tướng Vũ Đức Đam njauk hatai song panuac caong di mintri Y tế brei peih bruk klauk vắc xin viêm não Nhật Bản ka anek naih meng 6 tal 14 thun meng vắc xin dong di Liên minh dunya ka vắc xin saong klauk jru. Phó Thủ tướng jao ka mintri y tế pambuak bruk song dom mintri, dom gah peih bruk taduan mek vắc xin viêm não Nhật Bản di  Liên minh dunya ka vắc xin song klauk jru tui njauk adat hukum.

2/ Huyện Quảng Điền, tỉnh Thừa Thiên - Huế hu jaik 2.300 ha taneh cuah dalam mblang hamu, meda patagok hu kinh tế trang trại. Tal urak ini, Quảng Điền hu jao ka 83 baoh sang, khik iek saong pandar 358 ha, ngan saong dom bruk ngak yau pala glai saong njam patam, raong athur, menuk ada saong raong pala kaya ikan, jien mek tame labaih 80 triệu đồng sa ha. Kuhria rah tapa, abih tih jien mek tame meng kinh tế di trang trại di huyện Quảng Điền labaih 13 tỷ đồng sa thun.

3/ Sở Lao động,Thương binh Xã hội tỉnh Khánh Hòa daok pambuak bruk song kadung jien Thiện tâm di kapul VinGroup peih bruk brei 1000 limo binai anek ka sang kan kathaot dalam tỉnh. Ni lac bruk daong di kadung jien Thiện tâm brei ka urang kan, tui jalan brei dom boh sang nyim sa limo praong 18 bilan, boh sang kan rong tal tuk menek bayar veik ka danak dak sa drei limo anek song hu ngak pô limo maik. Daok limo anek hadei di nan hu jao ka sang karei nyim raong. 

4/ Di ban Phan Thiết, tỉnh Bình Thuận, hội liên hiệp urang kamei VN pambuak saong kapul  pambuak bruk patagok saong daong kỹ thuật bhum Flamăng, taneh ia Bỉ peih tal pasram megru ka “labik dang di amaik ame dalam baoh sang meng mầm non tagok tiểu học saong likei kamei samu gauk dalam hướng nghiệp”. Pataom mbaok tame, hu 30 urang jakar ngak praong di 8 tỉnh ban nan lac: Gia Lai, Đắc Lắc, ban raya Hồ Chí Minh, Kiên Giang, Long An, Đồng Nai, Tây Ninh, Bình Thuận.

5/ Ub bhap bini tỉnh Đồng Nai bahrau brei buh tabiak 42 tỷ đồng piah padang mblang hamu prong dalam thun 2016. Tỉnh hu panuac ieu dom puk palei brei tacei tabiak cambaih labik padang ngak mblang hamu prong piah ba mbuan lagaih ka bruk peih ngak dom danak dak.

6/ Mintri padang ngak pambuak saong ban Cần Thơ daok peih parang iek dunya Vietbuild 2015  ngan saong kadha “padang ngak – pandap padang ngak – sang danaok saong trang trí nội thất”. Parang iek hu rah tabiak tal abih harei 11/10. Ini lac bruk ngak yaok thun di dom doanh nghiệp gah padang ngak piah yaih khan pandap saong công nghệ chất lượng  tal tuai damuai bhum taneran kraong Cửu Long. Ong Đồng Đức Chính – Tổng Giám đốc công ty cổ phần lan am Đất Việt  brei thau: Urak ini di Cần Thơ  kol dahlak pataom tame ralo meng lac dom pandap kaik, kaik klak. Langiu di nan kol dahlak jeng daok ngak dom janih kaik men sambo, kol dahlak taong yaom drak cần thơ lac sa dalam dom darak praong dalam tukvak anak tal”.

7/ Hadei di rilo thun roh duah di dom urang ilamu, bruk rong hadang ginraong hijao pablak song taneh ngak padai hu kapul ilamu pakat tỉnh Cà Mau nghiệm thu song brei thau ini lac sa hatai sahneng bahrau meda ba tame pandar. Meng nan, tỉnh Cà Mau daok pachreih mik va urang nong rong hadang ginraong hijao di angaok taneh ngak padai. Urak ni huyện Trần Văn Thời hu labaih 100 boh sang rong, tong abih jeng mek hu rilo kein liba.

Patui di ini dom khau tin dunya:

8/ Mỹ hu panuac kakei bhap bini du lịch tal Myanmar ka dom nguy cơ an ninh dalam bruk tổng tuyển cử sajarah dak rai di harei 8/11 tal. Dalam harak brei thau hu ba tabiak barau ini, mintri ngaoi5 giao Mỹ hu kakei bhap bini taneh ia ini ‘caik hatai” dalam tukvak rah tabiak bầu cử di Myanmar saong nyaik dom labik buh phiếu, dom bruk pataom gauk saong trun jalan kayua bruk chính trị.

9/ Jabat Y tế Yala (Y-a-la), gah merong negar Thái Lan bahrau brei thau, sa urang likei umo 62 thun  daok di tỉnh ni, bahrau mai veik hadei di mbang nao ngak haji di Mecca di Saudi Arabia tame sang iek ruak ngan song dom triệu chứng dreih yau njom Hội chứng viêm hô hấp vùng Trung Đông (MERS).. Urak ni urang likei nan hu brei dok karei, dut iek song khik veik di labik iek ruak đặc biệt dalam 14 harei./.

10/ Dua gah TT hu ba brei ka gauk angan di 100 urang hu mbaok tame mbang taom gaok gauk gar calah gauk dalam mesruh metak TT. Tui kuhria bruk taom gaok hu rah tabiak di harei 20/10 tal./.