1# Pahadar 85 thun harei Mặt trận negar Việt Nam, harei 9/11, Ban Thường trực Ủy ban Trung ương mặt trận negar Việt Nam, Ban Tuyên giáo Trung ương, Học viện Chính trị Quốc gia Hồ Chí Minh, Báo Nhân dân peih ginum biai : patagok pren khang jum pataom bangsa saong dân chủ xã hội chủ nghĩa dalam tukvak salih barau taneh ia, mbeik drei tame dunya. Ginum biai pataom tame dom bruk ye : Tư tưởng Hồ Chí Minh, jalan ngak di Đảng ka jum pataom bangsa saong dak padang Mặt trận bangsa yasa dalam dom tukvak sajarah di cách mạng Việt Nam…

2/ Pahadar 85 thun harei padang MT bangsa yasa VN (18/11/1930 - 18/11/2015), khu dân cư  ka 1 saong ka 2 - tổ dân phố 1, ban sit Đức phổ (huyện Đức Phổ, Quảng Ngãi) hu peih harei rayo jum pataom. 2 khu dân cư ka 1 saong ka 2 urak ini oh daok baoh sang eik lipa, oh daok sang taik tahak; baoh sang kan kathaot trun daok takik, baoh sa kaya meda tagok ralo; taong abih dom baoh sang hu radaih mac, hu tavi; hu 60% sang padang ngak hu baoh sang khang kajap, taong abih dom kamuan dalam umo nao jeng hu nao bac.

3# Pathau khan di Kho bạc Karja brei thau, 10 bilan thun 2015, tapa pasang iek bruk cai pandar, dom labik di Kho bạc oh brei buh tabiak 88 tỷ đồng oh njauk thủ tục....Tapa pasang iek gam gam bruk cai pandar, dom labik kho bạc Karja duah mboh saong pandar pabak tame hồ sơ jaik 24.888 khoản chi oh ginup thủ tục tui quy định, yaom jien oh brei buh tabiak labaih 18 tỷ đồng.

4/ Tal urak ini, tỉnh Quảng Trị hu 70 urang ruak pandiak tabiak drah di 7 huyện, ban sit ngan saong 24 sruh jit sit dalam palei. Gah y tế tỉnh Quảng Trị hu patagok bruk pasang iek, langyah chip, oh caik ka ruak njom mbak praong. Bác sĩ Mai Năm, phaok giám đốc sở y tế tỉnh Quảng trị brei thau: “Tuk hu urang ruak dalam puk palei ye kham merat langyah dom sruh jit, duah thau dom urang ruak dalam bhap bini piah iek ruak chip oh caik ka ruak trak, oh caik ka urang metai. Tal urak ini, dom labik hu sruh jit dalam 24 sruh jit kol dahlak langyah tapa 3 mbang. Taphia di nan duah dom makna, duah côn trùng, duk iek huyết thanh piah hu dom jalan pacang cakak lagaih.

5# Tỉnh Quảng Nam barau ngak blaoh, nghiệm thu saong ba tame pandar 12 tatua tuan di bhum bhian gaok ribuk ia sua di dom huyện bhum ceik Tiên Phước, Bắc Trà My, Hiệp Đức, Tây Giang. Ini lac dom tatua tuan tui Đề án padang ngak 186 tatua tuan dân sinh, khik caga siam bruk nao mai dalam 28 tỉnh bhum ceik gah Brak, gah kreh negar saong Tây Nguyên. Hu thau, tukvak 2 di Đề án meda hu peih ngak veik di thun 2016, dalam nan, tỉnh Quảng Nam hu brei jien ngak barau 59 tatua tuan saong tatua bê tông cốt thép di dom bhum kan kandah, bhum bhian gaok ribuk, ia sua, labik daok di bhapbini dom bangsa takik.

6/ UB bhap bini tỉnh Bình Định barau mbaoh tangin tame đề án daong sang daok ka dom baoh sang kan kathaot dalam tỉnh tukvak 2016 – 2020 tui quyết định 33/2015/QĐ-TTg di thủ tướng rajaei. Tui nan, abih tih dom urang hu daong ngak barau, pasiam veik sang daok nan lac 3.980 baoh sang. Tui kuhria, abih tih phun jien piah peih ngak đề án nan lac 199,49 tỷ đồng. Dalam nan, phun jien mesraiy ưu đãi lac 99,5 tỉ đồng; phun jien ieu pataom meng kadung jien ka urang kan kathaot dom pakat  lac 39,8 tỉ đồng; phun jien di baoh sang jaik 47 tỉ đồng.

7# Ban khik ramik Dự án 3 (Tổng cục jalan mbak Việt Nam) pambuak bruk saong Ban khik ramik Dự án 1 (Sở giao thông vận tải tỉnh Kon Tum); Ủy ban bhapbini dom huyện Đắk Tô, Tu Mơ Rông (Kon Tum) barau peih pakak, jao brei saong ba tame pandar 5 tatua tuan dân sinh ka dom xã Đắk Sao saong Đắk Na (Tu Mơ Rông) saong xã Đắk Trăm (Đắk Tô). Bruk buh jien tame padang 5 tatua tuan di dua huyện Đắk Tô saong Tu Mơ Rông hu ba mbuan lagaih dalam bruk nao mai ka labaih 5.000 sang bhum bhapbini sangsa takik dalam huyen, abih di nyu nan lac dalam bilan hajan.

Patui di ini dom khau tin dunya:

8/ Tui danh sách “dom labik du lịch siam di abih” di tạp chí du lịch hu angan dunya Lonely Planet, ban raya HCM saong HN di VN dang di ka dua dalam top 10 labik du lịch hu chi phí hợp lý abih. Dalam xếp hạng 31 ban châu Á tui yaom kaom, biak ralo DL palih ruah dom ban praong di VN tui tanut jien padai mbiah, lagaih.

9# Meng harei 8 tal harei 14/11, kapul urang dang akaok gam saong urang jakar nghệ sĩ mintri ilimo saong Nghệ thuật negar Campuchia kayua amuk Menh Kossony, Quốc Vụ khanh mintri ilimo saong Nghệ thuật negar Campuchia ba aakok mai ravang saong biểu diễn nghệ thuật di ban raya Hồ Chí Minh saong tỉnh Sóc Trăng dalam adit ilimo Campuchia di Việt Nam. Jeng dalam tukvak ini, kapul hu nao ravang dom inem mek, labik du lich dalam ban raya HCM.

10/ Tổng thống Nga Vla-đi-mia Pu-tin barau mbaoh tangin tame sắc lệnh brei padeih dom mbang par pajeng tui meng Nga tal Ai Cập. Sắc lệnh tacei lac dom công ty kapal haoh di Nga anak meta njauk brei padeih dom mbang par, dalam nan hu gam dom mbang par thương mại meng Nga tal Ai Cập, lingiu dom mbang par đặc biệt pambuak tal bruk ngak./.