1/ Harei 9/3, di HN, ala bruk tacei ba di Akaok Quốc hội Nguyễn Sinh Hùng, Ủy ban Thường vụ Quốc hội peih nyaom biai mbang ka 36. Brei panuac peih mbaok nyaom biai,  ong Nguyễn Sinh Hùng brei thau: Ni lac mbang nyaom hu rilo asar kadha prong piah kuhria caga ka mbang nyaom 9. Ong Nguyễn Sinh Hùng khan lac: Jeng dalam mbang nyaom ni, UB Thường vụ Quốc hội hu brei panuac ka bruk kuhria caga ka Nyom roya Liên minh Nghị viện dunya mbang ka 132 (IPU-132) di Hà Nội di puac bilan ni.

2/ Pahadar 40 thun jayah Buôn Ma Thuột (10/3/1975 – 10/3/2015), salam uan harei pataom cà phê Buôn Ma Thuột mbang ka V, barau ini, sở ilami – Thể thao saong DL, hội cháo mào, hội sinh vật cảnh ban sit Buôn Ma Thuột peih “mbang pakacah sap cim hót chào mào tỉnh Đắc Lắc peih praong mbang ka sa”. Mbang pakacah pataom hu jaik 500 nghệ nhân mai meng dom tỉnh, ban dalam taneh ia.

3/ Meng akaok bilan 3 mbiah tal ni, jit laka cambuai tapok kakau di tapon menuk ada rah tabiak veik di tapon pabui di 4 boh sang rong dok di 2 palei dalam xã Trịnh Tường, huyện Bát Xát, tỉnh Lào Cai ngak ka 65 drei pabui njom ruak metai ba nao am chuh klak, abih tih labaih 3 tấn. Tapa duah thau, mboh lac kayua jit ruak tamuh veik meng sruh jit klak. Dom gah chức năng hu pabak labaih 100 lít jru hóa chất, 35 gu rum tangin, 35 bộ khan aow, 5 gu takhuah juak, 2 bình jamriak động cơ piah pabak ka bruk pametai anek ruak di var ro labik hu sruh jit ruak.

4/ Barau ini, bhap bini barau duah mboh sa drei bò tót metai di tapen glai xã Phước Bình, huyện Bác Ái, tỉnh Ninh Thuận. Ong Nguyễn Công Vân - Giám đốc bein negar Phước Bình, tỉnh Ninh Thuận brei thau: biak damen kayua lac bò tót quý hiếm ini oh daok, min nyu caik veik sa nguôn gen quý ka bein negar Phước Bình. Dom urang ilamu hu mbaok tame dự án urak ini daok ngak tabiak công thức lai hu brei tabiak thế hệ bò tót lai F2 yau bò tót ame nguyên chủng. Meyah ngak hu, dự án ini biak hu makna kayua ba nguồn gen quý hiếm meng athur glai tame athur raong piah pasiam năng suất, chất lượng anek pajaih.

5/ Tatua Cổ Chiên dok di jalan roya 60 pambuak tỉnh Trà Vinh song Bến Tre, atah abih tih labaih 15km, dalam nan tatua praong atah 1,6 km, gar 16m, hu 4 jalan radeih. Abih tih phun jien buh tame ngak labaih 2.300 tỷ đồng. Ni lac boh tatua prong song bruk padang ngak oh lac mbuan. Mbiah tal harei ni, tatua praong ngak hu jiak 80%, dom tatua sit angaok jalan tagok tatua praong ngak hu labaih 95% saong dok brei padeih piah cang tuh bê tông mbaok jalan tatua. Tui nan, baoh tatua hu hợp long di harei 19/5 song hu brei ka radeih nduac di harei 31/7. 

6/ Huyện Hòn Đất, tỉnh Kiên Giang daok tame bilan yuak padai Đông xuân 2014 – 2015. Meyah ralo labik angaok mblang hamu, mikva chreih chrai saong bruk njauk padai, pablei padai hu yaom ye yaok rituh baoh sang urang nông daok di 2 palei Lình Huỳnh, xã Lình Huỳnh saong Hòn Quéo, xã Thổ Sơn di huyện ini glaih glar kayua padai njom mbak metai. Duk ngak nông saong patagok palei pala huyện Hòa Đất brei thau: abih tih taneh padai njauk khat lahik jaik 414 ha.

7/ Hãng kapal haoh Vietnam Airlines bahrau peih 2 mbang par meng Hà Nội mai ban raya Hồ Chí Minh song talap veik dalam tuk pahadar harei dunya urang kamei 8/3. Angaok 2 mbang par VN257 meng Hà Nội tame ban raya Hồ Chí Minh saong VN236 meng ban raya Hồ Chí Minh tabiak Hà Nội  harei 8/3, Vietnam Airlines hu peih bruk parang iek khan aow đồng phục tiếp viên  bahrau, payua phiếu taong yaom di tuai damuai song alin bingu ka tong abih urang tuai kamei di angaok mbang par ni.

Patui di ini dom khau tin dunya:

8/ Dom urang ilamu Anh daok ngak iek jalan iek ruak ung thư phổi meng tế bào gốc, peih tabiak hy vọng barau ka dom urang ruak oh patuah njauk sa dalam dom janih ung thư nguy hiểm ini. Bruk ngak iek kayua hội đồng ruah duah y học daong dalam tuk dak harei dak hu ralo jalan iek ruak iek tui tế bào hu ruah duah piah paglaong bruk jhul kadul likuk janih ruak saong dui atah rai diuk ka urang ruak.

9/ Di Cộng hòa Síp, labaih 2 triệu drei cim di cư jeng pandap mbang duh ka tuai damuai takre mbang pandap mbang di bhum Địa Trung Hải. Dom urang nao chap cim hu pablei cim ka nhà hàng. Hadei di nan, dom nhà hàng ngak jeng pandap mbang yaom 80 ơ-rô (labaih 120 đô la) sa jam hu labaih 10 drei.

10/ Rajaei Angiêria barau brei thau, jaik 15 urang ngak praong pakat glaong di Libi saong dom gah hoạt động hu mbaok tame bruk ginum biai  hòa bình kayua LHQ daong brei di ban ine An-giê di harei 10/3. Ngoại trưởng Angiêri Ram-ta-nơ La-mam-ra caong khin nyaom meyai di Angiê hu peih tabiak jalan padang sa rajaei jum pataom bangsa saong dàn xếp an ninh piah ka Libi hu sron mbon veik./.