1/ Kapul ngak bruk di UB bangsa kayua ong Giàng Seo Phử, Ủy viên Trung ương Đảng, Bộ trưởng, Chủ nhiệm Ủy ban bangsa ba akaok hu nao rivang song ngak bruk di tỉnh Bình Thuận ka bruk bangsa, bruk peih ngak sarak bangsa di dalam tỉnh. Ong Giàng Seo Phử hu panuac caong lac, tỉnh njauk peih ngak dom danak dak, sarak dalam dom thun anak tal ka jalan ngak bruk bangsa tal thun 2020, pataom tame patagok KTXH bhum urang bangsa takik song bhum biak kan kandah.

2/ Kapul mban tacei jalan Tây Nam Bộ kayua Thiếu tướng Nguyễn Đoàn Kết, Ủy viên chuyên trách, akaok Vụ An ninh - Quốc phòng, ban tacei jalan Tây Nam Bộ dang akaok kapul hu nao rivang, tadhau yuh tết dom baha di tỉnh Vĩnh Long tuk tết Chôl Chnăm Thmây di bhap bini Khmer. Thiếu tướng Nguyễn Đoàn Kết caong khin dom ong bhik daok lac talei pambuak bruk gam saong karja dom pakat dalam tỉnh jhul pakhang bruk pathau khan hukum, pachreih ba bhap bini, phật tử Khmar patagok kinh tế, mbang ngui daok dang, rik daong saong karja palei ngak hu bruk padang ngak palei pala barau.

3/ Tui Pasak Dự  báo  Khí tượng Thủy văn pakat negar, langik liar di gah barak dok tuh trun gah merong. Kayua langik liar pambuak haong nhiễu động khí quyển, di dom tỉnh Bắc Bộ song  Bắc Trung Bộ dalam 2 harei 10, 11/4 hu hijan song hangin di rilo labik. Bhum ceik dom tỉnh Bắc Bộ song Bắc Trung Bộ meda hu ngin ribuk, hajan patau song ngin khang. 

4/ Thun 2015, tỉnh Bắc Ninh caong pato bruk ngak ka jaik 6.000 urang ngak palei pala ngan saong dom bruk yau: hàn điện, dân dụng, ngak mbang huak, pasiam radaih mac… Tỉnh sangka brei pato dahlau ka dom urang hu buh pren yava ka cách mạng, baoh sang kan kathaot, baoh sang jaik si kan kathaot, urang njauk mek veik taneh pala drak saong daong chi phí dom urang bac hadei di khóa bac.

5/ Ngak tui jalan ngak di negar lac, “Uranaih jeng brei tuah muat BH” kayua UB An toàn giao thông pakat negar peih tabiak meng harei 6 tal 9/4,  cảnh sát giao thông- Công an tỉnh Quảng Bình hu peih bruk pasang iek, pahadar bruk quy định anek saih di dom sang bac. Meng harei 10/4, gah cảnh sát giao thông peih harei tabung glong, pasang iek, langyah urang ngak suan adat hukum ka bruk tuak muat BH ka uranaih, pataom ngak di dom sang bac.

6. Gilang pariak ngak nông saong patagok palei pala tỉnh Quảng Nam, dhar huyện Núi Thành hu mbaoh tangin tame harak pambuak bruk brei ka urang taong cap ikan mesraiy phun jien ngak kapal công suất praong. Urak ini, tỉnh Quảng Nam hu 65 baoh sang, nyaom baoh sang urang taong cap ikan hu UB bhap bini tỉnh tabiak quyết định lac ginup điều kiện mesraiy phun jien, meblah 70% dalam abih tih dom kapal kayua TƯ parabha. Tal urak ini di tỉnh Quảng Nam hu 3 kapal ikan di urang taong cap ikan hu mesraiy phun jien tui Nghị định 67 di rajaei.

7/ Tal tuk vak ni, dom DN hu mbaok tame blei 1 triệu tấn kuhria tabiak brah khik piah dalam bilan đông xuân 2014-2015 di bhum taneran krong CL blei hu 882 ribau tấn kuhria tabiak brah khik piah hu labaih 88% tanut di rajaei jao brei. Tal tukvak ni, dom mblang padai Đông xuân di bhum taneh ini yuak jiak abih. Di dom tỉnh yau Cần Thơ, Đồng Tháp, Hậu Giang hu patrun pajaih xuân hè. Min bruk blei khik piah sa triệu tấn brah meng harei 1/3 tal harei 15/4 oh ka ngak salah.

Patui di ini dom khau tin dunya:

8/ Di ban ineCốc, Thái Lan, Thủ tướng Pra-dút Chăn-ô-cha  hu taduan rok dalam praong prang bloh peih bruk ginum meyai saongThủ tướng Liên bang Nga Mét-vê-đép daok rivang taneh ia ini. Hadei di mbang ginum meyai, thủ tướng dua taneh ia hu tabiak tuyên bố chung brei patagok talei pambuak bruk di dua taneh ia dak harei dak khang kajap jang; patagok talei pambuak bruk di ralo gah, kayua kein laba di dua taneh ia. Dua gah jeng njauk gauk brei peih pabah mbang darak pasar di gauk, dalam nan TL caong khin Nga patagok bruk blei kaya nông di TL. 

9/ Di Singapore, sa pok jien yaom 20 triệu đô la Singapore (samu labaih 15 triệu đôla Mỹ) hu rajaei negar ni brei thau piah peih ngak dom bruk prong pakat dunya piah patagok tuai damuai dunya mai tal taneh ia ni. Bruk ngak ni hu ba tabiak hadei di tuk mboh lac hu takik tuai du lịch dalm thun 2014 meng bloh jang yau dalam dom bilan akaok thun ni.

10/Thủ tướng Ấn Độ Na-ren-đra Mô-đi  hu panuac ieu dom gah đầu tư châu Âu daong bruk patagok di taneh ia. Ấn Độ daok caong jeng sa negar hiện đại saong jhul kadul likuk taong abih bruk kan kathaot eik lipa dalam sa rai rah. Yaom lac bruk ini nyu biak praong, min ong jia tame bruk nao tagok di Ấn Độ./.