1 # Patui veik danak dak mbang nyaom ka 40, Ủy ban Thường vụ Quốc hội brei panuac ka Dự án Hukum padang jabat điều tra hình sự. Jeng tapa mbang nyaom ini, dom urang dalam Ủy ban Thường vụ Quốc hội jeng daok hu ralo panuac karei di gauk ka bruk jao brei adat peih ngak dom bruk điều tra ka gah Cảnh sát pacang, cakak tội phạm pandar công nghệ glaong atau dak padang Cục Điều tra tội phạm ka công nghệ glaong. Ủy ban Thường vụ Quốc hội pandar Mentri Công an pambuak haong jabat thẩm tra roh duah piah pathau khan gilac. 

2/ Di sang QH, Ủy viên mintri Chính trị, Phó akaok QH Tòng Thị Phóng hu taduan raok Kapul Giáo hội dom thánh hữu harei hadei di chúa Giê su Ky tô kayua ong Giép- Phơ- rây Hâu- lân (Jeffrey R. Holland) pan akaok mai salam. Phó akaok Quốc hội Tòng Thị Phóng cong khin, ong Giép- Phơ- rây Hâu- lân  patui jalan rik dong, jhul pakhang talei rohim di VN song Mỹ.

3 # Pak huyện Sơn Dương, tỉnh Tuyên Quang, Phaok Akaok negar Nguyễn Thị Doan hu mbaok dalam Lễ pok brei pok jien bac Danak dak “Gam adei tame sang bac” ka uranaih hu rai diuk kan kandah, kayua kadung jien Daong brei uranaih Việt Nam saong Ủy ban bhap bani tỉnh Tuyên Quang peih ngak. Phaok akaok negar Nguyễn Thị Doan hu pok brei 120 pok jien bac, yaok pok hu yaom 2 triệu đồng, hu mek meng kadung jien daong brei uranaih Việt Nam ka 120 anek saih hu rai diuk kan kandah min bac da-a naih jioy. 

4/ Di HN, mintri Nội vụ peih bruk pahadar 70 thun harei gah Tổ chức nhà nước song nyaom roya pakacah anit ranam taneh ia mbang ka 3. Di tuk pahadar, Phó Thủ tướng Nguyễn Xuân Phúc hu pagam huân chương Hồ Chí Minh tagok hala dok di Mintri Nội vụ, Phó thủ tướng ndom lac, tuk vak anak tal, gah Tổ chức nhà nước brei kham merat jang, pataom tame bruk dak padang thể chế, pabak bruk khik ramik di karja.

5 # Tỉnh Sơn La bahrau peih bruk pahadar 70 thun harei Công an bhap bani  Việt Nam saong 10 thun harei taong abih bhap bani khik caga an ninh palei negar. Tukvak ini, tỉnh Sơn La jeng hu pok Huân chương chiến công hạng nhất di Akaok negar brei ka công an tỉnh Sơn La; jao angan Anh hùng tapon nyom bol pal phao karaong saman salih bahrau ka công an huyện Mộc Châu; pok brei Huân chương Khik caga palei negar hạng nhì ka sa urang saong Huân chương Chiến công hạng nhất, nhì, klau ka 8 urang karei.

6/ Sở ilamu thể thao song Du Lịch tỉnh Quảng Ninh pambuak bruk song UB bhap bini ban sit Móng Cái bahrau peih tal pasram megru paglaong ilamu taom gaok song iek glang tuai damuai ka bhap bini hu mbaok dalam bruk du lịch di ban sit Móng Cái. Tapa tal pasram megru ni, dom urang bac hu tacei pato ilamu ndom puac, taom gaok, taduan raok, maketing du lịch… dong ngak jeng angan je, thaot binguk di labik du lịch Móng Cái

 7 # Hadei di 3 harei pakacah pak bal Vinh, tỉnh Nghệ An, giải Quần vợt Cúp Truyền hình Nghệ An mbang ka 3 pagam haong bruk jak ba “Daong pren tame sang bac” thun bac 2015 - 2016 hu tamat blaoh. Tapa mbang pakacah ini, Ban tổ chức jak ba hu jaik 50 urang, jabat, doanh nghiệp rik daong jien brei ka bruk jak ba "Daong pren tame sang bac" thun bac 2015 - 2016, ngan haong phun jien labaih 779 triệu đồng.

 8/ Mesup harei 17/8, sở pato megru ban raya HCM peih nyaom biai pataom iek veik thun bac 2014-2015 song peih tabiak jalan ngak ka thun bac 2015-2016. Tuk vak anak tal, gah pato megru ban raya brei jhul pakhang bruk patagok cơ sở vật chất, blei dom pandap trang thiết bị bahrau, iek prong jalan patagok tong abih tui sarak 29 di mintri Chính trị. Ong Lê Hồng Sơn, akaok Sở pato megru ban raya Hồ Chí Minh lac :

Khin salih bahrau tong abihgah pato megru, bruk prong nan lac brei salih asar danak dak, harak tapuk song salih jalan pato pakai di tal bac jang yau khik ramik, pasang iek bruk pato megru di kapul urang gru pato./