Trang tin 19h ngày 18/10/2014

1 # Ủy ban Mặt trận negar Việt Nam, Rayo papar sap saong papar binguk  Hà Nội bahrau peih danak dak daoh tamia, taom gaok Doanh nhân bal ine Tâm-Tài saong peih Bilan tabung glaong Harei ka urang kathaot pak Sang daoh Âu Cơ, Hà Nội. Pak van giao lưu, Mặt trận negar bal Hà Nội pok sap iew dom kapul nyaom, dom jabat, đơn vị doanh nghiệp, dom rairah bhap bani patagok ilamu gul pataom, anit ranam, daong ba gauk, hu mbaok tame daong kadung jien brei ka urang kathaot saong dom danak dak an sinh xã hội.

2/ Dự án an ninh lương thực kayua jabat daong ba saong patagok dunya NB hu daong labaih 5.300 urang nông ngak mbang sit daok di 3 huyện bhum ceik Đông Giang, Tây Giang, Nam Giang di tỉnh Quảng Nam jalan ngak padai ia ba mai kein laba glaong. Hadei di 3 thun peih ngak, dự án hu rik daong patagok talei pambuak bruk saong gul pataom bhap bini, khik kajap an ninh lương thực, paglaong chất lượng rai diuk saong patrun kankathaot.

3 # Tỉnh Quảng Trị bahrau peih nyaom roya dom bangsa takik mbang ka II, thun 2014, hu mbaok 240 urang naih gheih lambaok ka labaih  75.000 bhap bani urang bangsa takik dalam tỉnh. Mong veik 5 thun tapa, bruk bangsa hu sangka peih ngak biak siam saong mek hu ralo jak jeng praong. Rai diuk di bhap bini bhum ceik hu salih bahrau biak ralo, bruk gul pataom bangsa hu pakhang, pakajap, dom adat cambat tanarakun klak oh daok lagaih hu klaak nao, ilamo bangsa hu khik ramik saong patagok. Baoh sang kathaot trun daok takik, baoh sang kaya meda dalam bhap bani dom bangsa takik dak harei dak ralo, daong ngak brei ka tỉnh patagok ralo gah.

4/ Di pasak tacei ba bruk ngak tỉnh Sóc Trăng, sở LĐ –TB saong XH barau peih tal pasram ilamu iek glang pren yava urang ruak gila thun 2014. Hu 147 urang nan lac urang jakar Lđ – tb saong xã hội, y tế pakat tỉnh, huyện, xã, phường, ban sit saong urang pambuak bruk XH 22 xã điểm daok dalam tỉnh hu mbaok tame tal bac. Dalam sa harei, dom urang nanh hu ruah duah asal: dom harak tacei jalan ngak, peih tabiak jalan ngak; duah thau urang ruak gila, pren yava urang taha ruak gila… Tapa nan, daong paglaong bruk hu thau di dom pakat, dom ngành saong bhap bini ka ilamu, jalan iek glang, raong ba, pasiam veik chức năng ka urang ruak gila piah tani tanat rai diuk.

5 # Di palei Tân Lợi, xã Tân Phú, huyện Tân Châu, tỉnh Tây Ninh bahrau peih bruk tabiak mbaok Kapul pambuak bruk raong anek athur, menuk ada. Urak ini Kapul pambuak bruk raong menuk ada, anek athur palei Tân Lợi hu 10 urang, van ro prong 31,500m² , hu  5.000 drei menuk rilo, 310 drei pabui kayua dom urang dalam kapul buh jien tame blei anek pajaih, pandap mbang, jru thú y saong padang ngak van ro. Bruk padang kapul pambuak bruk brei mboh jalan siam lagaih di bruk ngak mbang kapul nyaom, lac bruk raong glang ba mai ralo kein laba, daong patagok rai diuk di urang dalam kapul.

6/ Tui kuhria mboh di gah y tế dunya, yaok thun dalam dunya hu jaik 14 triệu urang njauk rauk ung thư saong labaih 8 triệu urang metai kayua ruak ini. Di VN, dom ban praong yau: HN, ban raya HCM, Thái Nguyên, Hải Phòng, Huế, Cần Thơ hu meng 130.000 tal 150.000 urang njauk ruak barau yaok thun saong jaik 85.000 tal 115 ribau urang metai kayua ruak ini. Likei bhian njauk ruak ung thư gan, phổi, dạ dày, pruoc, tarakaong, daok kamei nan lac ung thư tasau, gan, phổi, cổ tử cung saong dạ dày. Bruk mbuan ruak ung thư nan lac kayua môi trường ô nhiễm, bhian menyum alak mbia ralo, njuk pakao, mbang mbak ….

Patui di ni khaw tin dunya

7 # Pak Phnôm Pênh, Báo Nhân Dân, Jabat ndom puac pakat negar di Đảng Cộng sản Việt Nam, sap ndom di Đảng, Karja saong bhap bani Việt Nam hu peih pakak Jabat Thường trú pak negar Campuchia. Brei panuac pak nan, ong Thuận Hữu, Ủy viên Trung ương Đảng, Tổng Biên tập Báo Nhân dân, Akaok Kapul urang vak báo Việt Nam ndom lac: Bruk Báo Nhân dân peih pakak Jabat daok pak Phnôm Pênh nan piah jhul khang bruk brei thau ka sarak di  Đảng saong Karja Việt Nam, samar khan brei thau taong abih bruk chính trị, kinh tế, xã hội di dua negar Việt Nam saong Campuchia.

8/ Rajaei Manđivơ barau caik camera duk thân nhiệt tuai damuai di dom mblang kapal haok dunya dalam tuk gah y tế dunya patagok bruk cảnh báo ngan saong jit Ebola. Tui nan, tuai damuai nao tal Manđivơ meda hu pasang iek meng jamriah duk thân nhiệt, thei njauk pandiak meda hu ba nao caik labik karei piah pasang iek. Dahlau di nan, Manđivơ tabiak lệnh oh brei tuai damuai nao tal 3 taneh ia njauk jit Ebola nan lac Ghi-nê, Li-bê-ri-a, Xi-ê-ra Lê-ôn nao tal quốc đảo Ấn độ dương hu angan je saong mblang tasik nguyên sơ ini.

9 # Jabat Y tế tiểu bang Tếch-dát, Mỹ, bahrau brei thau, hu gilac sa nhân viên y tế pak bang ini dương tính haong virut Êbôla. Ini lac urang njaom Êbôla kadua pak Mỹ. Urang ruak ini hu duah mboh sa  harei hadei urang njaom mbak Êbôla akaok mereip nan lac urang kamei y tá asal Việt angan Nina Phạm. Dom urang ngak prong gah y tế brei thau, urang ruak tagok pandiak di melam 14/10 saong hadei di nan hu brei daok karei di sang iek ruak Pret-bi-tơ-ri-ừn, Đa-lát, Tếch-dát. Tapa dut iekdi Pasak pasang iek saong pacang caga dịch ruk Mỹ brei thau, urang ruak njaom virut Êbôla./.