1/ Labaih 60 DN hu angan dalam bruk sản xuất pablei salih hu pok meyaom dalam danak dak “Hadah mbaok nagan pandap Việt Nam” kayua Hiệp hội Doanh nghiệp sit song mbiah VN peih ngak harei kabroi di HN. Ni lac dom DN dok hu rilo kham merat dalam bruk padang ngak song patagok angan je VN piah ba mai ka XH dom pandap panda, dịch vụ duh ka urang pandar, ngak siam bruk khik ramik song padang angan je.

2/ Mbang hajan ia sua meng bloh ngak ka labaih 570 ha tamekai di mikva urang nông tỉnh Quảng Nam njauk khat lahik trak, ralo baoh sang khat lahik abih. Piah daong ka mikva mek hu veik meneing, dom kapul halan hatian dalam tỉnh tỉnh Quảng Nam saong ban Đà Nẵng hu taduan pajeng tamekai daok labaih veik hadei di mbang hajan ia sua di mikva nao pablei di grap labik, ba jien mai ka mikva. Meng hu bruk ngak pahala ini bo urang nông yam tapa kan kandah.

          3/ Tỉnh Khánh Hòa bahrau peih bruk cai nghiện ma túy meng Methadone hu ba mai dom siam mekre. Jiak 10 thun njieh jru phiel, rilo mbang cai nghiện oh jeng, saai Nguyễn Văn C, dok di phường Phước Hải, ban sit Nha Trang hu mai tal pasak pacang caga HIV/AIDS tỉnh Khánh Hòa piah cai nghiện meng Methadone. Hadei di tuk ngak harak gar peih bruk dut iek, saai hu dom nhân viên di labik ni brei jru Methadone dạng siro piah menyum di sang. Sa-ai Nguyễn văn C brei thau: bahrau menyum harei camereip mboh cakak hu glaih glar, mboh oh daok mehu njuk yau tuk oh ka menyum jru.

4/ Huyện Ngọc Hồi, tỉnh Kon Tum barau peih bruk brei thau quyết định di mintr padang ngak ka bruk công nhận ban sit Plei Kần mek hu tanut chuẩn đô thị ka 4. Lac ban sit daok di canah klau Đông Dương, labik pambuak hành lang kinh tế Đông Tây, bruk ban sit Plei Kần hu mintri padang  ngak công nhận mek hu tanut chuẩn đô thị ka 4 lac jalan peih tabiak brei ka huyện kham merat pamaong tal bruk padang ban sit di puac thun 2015.  

5/ Di var ngak bruk song UB bhap bini tỉnh Lâm Đồng song UB bhap bini ban sit Cần Thơ mesup harei 1/4, di Cần Thơ, Công ty dịch vụ jalan kapan haoh (Vasco) brei thau, tui kuhria jalan par meng Cần Thơ tal Liên Khương, tỉnh Lâm Đồng song talap veik hu par mbang camereip di harei 26/4 anak tal. Tui nan, jalan par Cần Thơ tal Liên Khương (Lâm Đồng) kayua Tổng Công ty kapan haoh Việt Nam (Vasco) pambuak bruk song Công ty du lịch Vietravel peih tabiak tui jalan ngak lac Vasco brei ka Vietravel pah mbang par. Meng harei 26/4 tal harei 1/5 jalan par Cần Thơ tal Liên Khương (Lâm Đồng) hu 3 mbang par nao song mai.

6/ Harei 1/4, ralo urang ngak di cty TNHH Dụ Đức, Khu công nghiệp Tân Hương, tỉnh Tiền Giang padeih ngak bruk ralo gauk. Makna nan lac kayua dom urang ngak oh ka thau cambaih dom quy định di paka 60, hukum BHXH 2014 ka bruk oh brei urang blei BHXH mbang tui BHXH sa mbang bloh yau dahlau bo cang tal umo padeih hưu meng hu mbang tui. Hadei di tuk rah tabiak bruk ini, dom gah, dom kapul nyaom dalam tỉnh Tiền Giang hu mai ngak bruk saong po doanh nghiệp saong pathau khan ka urang ngak thau cambaih quy định paka 60 di hukum BHXH thun 2014. Quy định ini hu daong ka urang ngak hu ralo quyền lợi jang duk saong quy định mbang tui BHXH sa mbang bloh di hukum BHXH klak.

          7/ Pasak y tế dự phòng ban raya HCM brei thau, meng akaok thun 2015 mbiah tal ni, di ban raya HCM hu 7 mbang ruak dalam sang bac. Dalam nan hu tal 4 mbang pagam tal ruak thủy đậu, 2 mbang ruak tangin takai cambuai song 1 mbang ruak quai bị. Bruk njauk caik hatai nan lac dom mbang ruak ni jeng tamuh tabiak di dom sang bac mầm non song tieu học di ban raya.

Patui di ini dom khau tin dunya:

8/ Rajaei Philippin caik quân đội dalam báo động, saong daok kuhria caga dom jalan ngak piah pacang cakak sa ribuk khang tui kuhria meda tuh tame takai tasik taneh ia ini. Ini lac mbang ribuk khang pakat 5 meda tuh tame Philippin.

          9/ Dom chuyên gia Thổ Nhĩ Kì brei thau, rajaei negar ni meda dang anak rilo kan kandah dalam bruk jhul patagok KT kayua bruk srau kadau chính trị dalam negar jang yau dalam khu vực. Thổ nhĩ Kỳ caga bầu cử dalam bilan 6 thun ni, min urak ni jien bilan di urang ngak patrun, urang oh hu bruk ngak biak rilo, yaom kaom trun tagok oh dang sa labik.

10/ Hãng thông tấn Petra di Jordan brei thau, taneh ia ini brei kreik pabah mbang taphia negar saong Syria. Akaok mintri nội vụ Jordan Hu-xê-in Ma-gia-li  brei thau: bruk ngak nan piah khik caga siam mekre ka bhap bini anak bruk srau kadau di ban sit Nasib di Syria, taphia negar saong Jordan./.