1/ Thanh tra mintri song Truyền thông bahrau hu quyết định ka 35 tabiak harei 6/4 taong phat Rayo papar binguk Việt Nam (VTV) 50 triệu đồng kayua vi phạm hành chính tuk peih danak dak pambuak bruk “Duah menuac naih gheih Châu Á” dalam harei 22 song 23 meng bloh tapa kênh  VTV6 tuk oh ka hu jabat karja hu thẩm quyền brei adat ( tui Khoản 5, paka 17, Nghị định 159 di rajaei).

2/ Nyaom darak du lịch dunya VN 2015 ngan saong kadha “VN taneh ia di dom inem krung” kayua Hiệp hội du lịch VN, Tổng cục du lịch saong ban Hà Nội peih tabiak, hu tamat bloh di pasak nyaom darak parang iek VN (148 Giảng Võ, Hà Nội) hadei di 4 harei rah tabiak chreih chrai. Ngan saong labaih 500 gian hàng di 25 taneh ia saong bhum lãnh thổ, jaik 3000 mbang dom doanh nghiệp mai ngak bruk di nyaom drak saong jaik 55.000 mbang urang mai maong iek saong blei pandap DL, nyaom darak hu khik kajap labik dang di nyaom darak DL dunya praong abih di VN.

3/ Mintri Công An pambuak bruk song kapul pachreih taom gaok ilamu saong an toàn di Japon bahrau peih Lễ taduan pok jien 50 ribau đô la Mỹ dong brei “Kadung jien Nghĩa tình đồng đội Công an bhap bini” di mintri Công an kayua kapul pachreih taom gaok ilamu saong an toàn an toàn di Japon jao brei. Đại sứ đặc mệnh toàn quyền Japon di Việt Nam, ong Hi-rô-si- Phư-cư-da ndom lac, Bruk dong brei kadung jien Nghĩa  tình đồng đội Công an bhap bini” nan lac bruk thau dar phol di dom DN Japon ngan song dom urang jakar công an var klak rup drei song gauk gar di dom urang nan dalam bruk mesruh metak khik caga an ninh trật tự; brei mboh talei rohim di Japon song VN, taduan yhut ka 2 negar ni dak harei dak patagok siam mekre.

4/ TƯ hội liên hiệp dam dara VN barau mbaoh tangin pambuak bruk saong Cty TNHH sang mac bia VN peih ngak danak dak ia hacih ka bhap bini “1 minit patak pataom – triệu bui sambai”. Danak dak piah ieu bhap bini, abih di nyu nan lac dam dara ranaih umo ba tangin tame patak pataom ia meng salih barau bruk bhian randap yaok harei. Panuac ieu meda pambak praong dalam bhap bini, pamaong tal bruk mek hu 1 triệu bruk ngak siam, brei mboh oh palai pajoa ia, khik caga môi trường.

5/ Sa sruh jit cúm menuk ada A/H5N6 bahrau tamuh di tapon menuk di sang ong Trần Kim Trung daok di  xã Nghĩa Xuân, huyện Quỳ Hợp, tỉnh Nghệ An. Ni lac chủng vi rút camereip tamuh tabiak di tapon menuk di tỉnh Nghệ An. Gah  thú y tỉnh Nghệ An song karja puk palei  xã Nghĩa Xuân hu ba nao am cuh klak tong abih tapon menuk di boh sang ong Trần Kim Trung song pruh jru pametai di dom labik taom dar, oh caik ka jit pambak prong.

    6/ Bruk pasak iek glang raong pato uranaih Linh Xuân, phường Linh Xuân, quận Thủ Dức, ban raya HCM hu ralo uranaih njom HIV/AIDS njauk bảo mẫu taong paoh hu ba tagok angaok dom phương tiện thông tin đại chúng, ralo bhap bini daok di ban raya HCM biak pandik hatai, caong khin langyah catang bruk ini. 

Tiếp theo là tin thế giới:

7/ Di tỉnh Can-đan, Đông Nam ban ine  Phnôm Pênh, CPC bahrau rah tabiak bruk peih pakak tatua Chư-ba-sa. Tatua daok di angaok jalan roya 1 di CPC song lac sa binah di jalan xuyên Á pambuak ban raya Hồ Chí Minh – Phnôm Pênh song ban ine Bang Cốc di Thái Lan. Bruk ba tatua Chư-ba-sa tame pandar hu palagaih ka bruk pajeng ba pandap panda jang yau bruk rivang du lịch di bhap bini 2 negar CPC song VN.

8/ UB soạn thảo hukum negar TL brei thau, bản dự thảo hukum  negar TL bo UB daok ngak hu pok tagok hội đồng cải cách taneh ia di harei 17/4 anak tal. Urak ini, UB soạn thảo hukum negar TL daok pasang iek văn phạm dom điều khoản dalam dự thảo hukum bo oh salih barau dom asal kadha ./.

9/ Kaupl chữ thập đỏ dunya brei thau, Kapul ni cong khin samar pajeng thiết bị y tế song ba nhân viên tal Yê-men hadei di tuk taduan hu bruk brei adat di liên minh quân sự kayua Ả Rập Xê-út dang akaok. Dalam sa adit tapa, kapul chữ thập đỏ dunya hu peih bruk ginum biai song liên minh quân sự ni piah hu adat pajeng ba dom pandap panda song thiết bị y tế tame Y-ê-men./.