# Mesup harei 14/12 di Ha Noi, nyaom biai mbang ka 13 Ban Chấp hành Trung ương Đảng mbang ka 11 hu peih tabiak dalam prong prang. Tổng Bí thư Nguyễn Phú Trọng dang akaok song hu kadha ndom puac peih mbaok nyaom biai. Nyaom biai mbang ni hu ginum biai dom asal kadha nan lac: pataom mek panuac rik daong di nyaom roya Đảng bộ dom pakat, di dom urang QH. MT negar, dom kapul nyaom bhap bini, di urang jakar, urang Đảng song bhap bini. Dom dự thảo văn kiện pok tagok nyaom roya mbang 12 di Đang song dom kadha prong karei karei. Tui danak dak, nyaom roya mbang 13 Ban Chấp hành Trung ương Đảng mbang 11 ngak bruk tal harei 22/12.

# Jeng dalam harei 14/12, di ban raya Hồ Chí Minh, mintri Nội vụ peih nyaom biai pakat negar pataom iek veik bruk ngak thun 2015, patabiak bruk ngak thun  2016 di gah khik ramik karja ka agama. Daok bruk ngak praong di thun 2016 di gah khik ramik karja ka agama , ông Bùi Thanh Hà, Phó akaok mban agama rajaei lac : Kol dahlak daok ramik pasiam hukum Tín ngưỡng, tôn giáo ba tagok QH brei tapa di thun 2016; Dom đề án hu mintri Chính trị, Ban Bí thư, Thủ tướng rajaei jao. Kol dahlak jeng biak sangka saong pataom tame ngak habal patagok hu bruk rik daong di dom agama dalam bruk dak padang, patagok saong khik caga taneh ia. Peih praong dom talei pambuak bruk dunya, daong dunya thau cambaih jang ka bruk agama, bruk dân chủ, nhân quyền di Việt Nam. Ngak hu bruk jum pataom piah ba gauk peih ngak dom bruk  di taneh ia.

# Hadei di 5 thun peih ngak dom sarak bangsa, rai duik mbang ngui daok dang saong bruk ngak mbang, ngak huak bhum urang bangsa takik di tỉnh Bắc Giang hu rilo salih bahrau. Dom ilamu bangsa hu khik ramik, patagok, bruk an ninh chính trị, jum pataom dom bangsa hu khik kajap. Boh sang kan trun samar jang tanut di tỉnh 4% sa thun, hạ tầng hu tagok samar ngan song 600 danak dak hu padang ngak bahrau. Labaih 54 ribau boh sang hu dong pajaih phun pala anek thur, pandap pala drak

# Đồn Biên phòng pabak mbang negar pakat dunya Cha Lo saong Đồn Biên phòng Ra Mai, Bộ Chỉ huy Bộ đội biên phòng tỉnh Quảng Bình barau peih nyaom biai taom gaok 134 taha palei, Bí thư Chi bộ, akaok palei, urang hu angan je dalam xã tapeng negar. Nyaom biai pataom tame brei thau dom adat hukum pambuak tal bhum tapeng negar saong ginum biai dom bruk, dom alamu siam di dom  Bí thư Chi bộ, taha palei, akaok palei, urang hu angan je di dom puk, palei dalam bruk pathau khan, jak ba bhapbini kham merat ngak mbang, pala drak patagok kinh te, patruh eik patrun kathaot.

# Meng harei 5 tal harei 12/6/2016, Sở ilamu Thể thao song Du lịch tỉnh Quảng Nam meda peih nyaom pakacah thể thao dom bangsa takik tỉnh Quảng Nam mbang ka sa. Kadha pakacah hu chaoh blong, tong valei, jhul gaiy, dui co, chuh nỏ việt dã ndik ceik. Nyaom pakacah piah patagok bruk pasram song pakcah thể dục, thể thao, patagok pren yava, rai duik ilamu hatai sahaneng ka bhap bini, khik ramik song patagok dom ilamu thể thao meng kan, patagok talei jum pataom dalam bhap bini dom bangsa takik tỉnh Quảng Nam.

# Tui mban tacaei patao danakdak padang ngak palei pala barau huyện Ninh Phước, tỉnh Ninh Thuận dalam tukvak 2016-2020, abih tih jien buh tame ngak caong hu lac labaih 1.355 tỉ đồng ka dom gah jalan mbak nao mai, kraong rabong ia, sang bac, y te, ilimo, darak palei pala, patagok san xuat saong patao bruk palei pala dalam huyện.

# 57 danak dak, roh duah hu pok brei giải thưởng Văn nghệ bhap bini thun 2015 di tuk Mừng thọ dom nghệ nhân umo glong, pok brei angan Nghệ nhân dân gian Việt Nam, kayua Hội  Văn nghệ dân gian Việt Nam bahrau peih tabiak di HN. Akaok Hội Văn nghệ dân gian, Giáo sư, Tiến sĩ khao học Tô Ngọc Thanh khan lac: dalam 70 danak dak ginup điều kiện tame pakacah thun ni hu 28 danak dak ka ilamu dom bangsa takik yau Tày Nùng, Thái Tây Bắc, Tày Nghệ An, Mường Hòa Bình song  Thanh Hóa, Tà Ôi, Pa Cô….,  7 danak dak gah roh duah.

Khaw tin dunya

#  Nyaom darak parang iek pandap công nghiệp Hồng Công mbang yaka 50 barau peih tabiak di Hồng Công, Trung Quốc. Athar pa-ok blait di Việt Nam hu Công ty Patagok pablei salih Viet Kwong ba nao yaih khan di nyaom darak parang iek mbang ini.

 # Alak brah ngak eng njom jru mek ngak takik di abih 19 urang metai song 172 urang tame sang iek ruak di gah đông bắc Cam-pu-chia. Akaok mintri y tế Cam-pu-chia Mam Bun-heng hu panuac kakei bhap bini padeih menyum alak brah atau alak thảo dược oh hu harak brei adat di gah chức năng.

# Di labik gah Timul bang Tếch-dát (Texas) di Mỹ,  pagaiy harei 13/12 (tui tukvak Tếch-dát) angin khang 66 kilômét/sa tuk yuk par sa dom dalam 64 toa di sruh radaih apui meng angaok tatua trun jalan tuk radaih apui daok nduac tapa. Biak patoah jamo, oh hu urang tuai halei di dom toa ini saong oh hu thei njauk hagait hadei di mbang bala ini.