1 # Meng harei 16 tal harei 18/11, pak mbang nyaom ka 10, Quốc hội mbang 13, dom urang Quốc hội nyaom mbang sua tangi dom urang dalam raja-ei. Ini lac mbang sua tangi hu ralo salih bahrau. Meyah dom mbang sua tangi dahlau, Văn phòng Quốc hội payua likau ý kiến urang QH ka dom kadha sua tangi, meng nan ba tabiak dom nyaom kadha sua tangi, ye pak mbang nyaom ini, dom urang QH meda ba tabiak panuac sua tangi tapak tui jalan taong yaom bruk peih ngak dom nghị quyết chất vấn meng akaok nhiệm kỳ tal urak ini  saong dom nghị quyết ka giám sát chuyên đề. Hadei di tuk sua tangi dom urang dalam raja-ei, Thủ tướng Raja-ei lac urang puac abih pathau khan anak Quốc hội, meyah urang QH sua tangi Thủ tướng, Thủ tướng meda javap jaleiy.

2/ Anak bruk tangi sua dui atah 2 harei meteh di mbang nyom ka 10, QH mbang 13, rilo cử tri tỉnh Lào Cai brei thau hatai sangka kayua ni lac mbang tangi sua puac abih di QH mbang 13, jeng lac mbang tangi sua hu rilo salih bahrau. Cử tri Trần Kim Hoa, daok di phường Bắc Cường, ban sit Lào Cai, tỉnh Lào Cai brei thau

Dalam mbang tangi sua puac abih di QH mbang ni, hulin cong khin dom panuac sua bo dom urang QH ba tabiak hu tong abih urang dalam rajaei javap chalơi cambaih laih. Taong abih bruk njauk ndom tapak, saong brei ba tame Sarak piah patagok, meyah oh patagok hu brei ba tame langyah, pasiam veik.

3 # Pahadar harei Gru pato Việt Nam 20/11, piah klah rabha kan kandah haong urang jakar gru pato hu rai diuk kan kandah, gah Pato megru Hà Nội daong ka 134 urang jakar gru pato hu rai diuk biak kan kandah, ngan haong yaom jien jaik 300 triệu đồng. Bruk daong brei ini piah pachreih dom gru pato kham merat yam tapa ruak kik, kan kandah piah patui jalan rik daong pren yava di drei brei ka bruk pato megru.

4/ Peih bruk ba gauk padang ngak palei pala bahrau, 5 thun tapa, dom boh sang urang nong di tỉnh Quảng Trị halan hatain brei labaih 770 ribau mét vuông taneh, jiak 400 ribau phun pala hu yaom glong, yaok PLUH ribau mét danieng pacang. Labaih 158 tỷ đồng song rik dong 160 ribau harei ngak bruk Meng bruk ngak ni, rilo boh sang urang nong pakacah gauk ngak mbang, peih dom janih dịch vụ, patagok KT, patruh kan kathaot song yam tagok jeng boh sang ngak mbang naih joi.

5 # Hadei di 5 thun peih ngak danak dak padang ngak palei pala bahrau, xã Đạo Nghĩa, huyện Đắc R’lấp, tỉnh Đắc Nông jak ba hu labaih 254 tỷ đồng, dalam nan bhap bani rik daong labaih labaih 116 tỷ đồng piah padang ngak dom jalan mbak nao mai, jalan ba aia, sang ilamo…Meng bruk hu mbaok di taong abih hệ thống chính trị saong bhap bani, Đạo Nghĩa oh lac ngak hu 19 tiêu chí palei pala bahrau bo daok hu ralo tiêu chí ngak tapa tanut ba tabiak.

6/ Di huyện bhum ceik Khánh Vĩnh hu 16 boh tatua tual hu padang ngak meng thun 2001, dom baoh tatua ini rilo meng khut, oh siam ka bruk nao mai. Sở Giao thông - Vận tải tỉnh Khánh Hòa song karja dom puk palei hu pasang iek, duah thau, tong yaom chất lượng dom boh tatua tual piah hu jalan pasiam veik. UB bhap bini tỉnh Khánh Hòa hu buh brei ka huyen labaih 3 tỷ đồng piah pasiam veik 16 boh tatua tual prong  sit.

Tal urak ini, dom baoh tatua tual hu pasiam bloh, hu ba tame pandar dalam bilan hajan ribuk meng bloh, ba mbuan lagaih ka mikva nao mai saong pajeng ba pandap panda. Min daok labaih 1 tỉ 700 trieu oh ka hu kadung jien karja daong brei, huyện hu tacei pato dom gah chức năng buh tabiak dahlau piah ngak.

7 # Thun ini kayua oh hu ia ndik ia sua nan ye urang nong pala tabau pak tỉnh Hậu Giang oh njauk tak tabau avar jang. Mai meng nan phun tabau tasak nan ye yaom saradang hu biak glaong, taphia di nan, yaom tabau daok di tanut meng 1.000 - 1.200 đồng sa kg, hadei di tuk kaoh abih phun jien buh tame mikva daok laba hu meng 35 tal labaih 100 triệu đồng sa ha, glaong di abih dalam 3 thun mai ini. Bilan tabau ini, urang nong tỉnh Hậu Giang pala jaik 11.500ha. 

Patui di ni dom khau tin dunya:

8/ Rajaei Cô-xta Ri-ca peih pambah mbang negar song brei thị thực tạm thời ka 1200 urang di cư asal Cu-ba duah jalan tapa Mỹ hadei di tuk kreik pambah mbang negar, ngak ka dom urang ni pacang jalan cao tốc nao tapa châu mỹ piah cagar veik bruk ngak ni.   

9 # Dua urang tabiak ứng cử tổng thống Ác-hen-ti-na Đ.Xi-ô-li saong M.Ma-cri brei thau kadul bruk tranh cử piah brei mboh hatai gul pataom haong bhap bani Pháp hadei di mbang khủng bố bak darah di Pa-ri. Dua urang ứng cử ini patui veik bruk pakacah gauk meblah kik tổng thống Ác-hen-ti-na  vòng dua di harei 22/11 anak tal.

10/ Rilo hãng kapan haoh Mỹ brei thau, tong abih dom mbang par di negar ni song Prang hu peih veik hadei di lệnh brei padeih par meng Prang tal Mỹ hu ba tabiak dahlau di nan kayua bruk khủng bố di Pari./.