1 # Page harei 17/11, Quốc hội patui veik mbang sua tangi dom urang dalam Raja-ei. Javap jaleiy dom panuac sua tangi di urang Quốc hội, Akaok Mentri Jien padai Đinh Tiến Dũng pataom tame ngak brei cambaih laih bruk sre công, rami ramik veik doanh nghiệp karja, cân đối thu chi kadung jien karja saong salih bahrau bruk kak je. Daok jalan ngak piah patrun sre công dalam tukvak anak tal, ong Đinh Tiến Dũng ndom tal 6 kadha, dalam nan hu bruk khik iek catang dom khoản mesre bahrau, tok pandar jien mesre ini brei ka bruk patagok, padang ngak dom công trình hạ tầng kinh tế- xã hội prong, patagok pasang iek, tui mong bruk padar phun jien mesre. 

2/ # Harei 16/11, di sang bac Trung học cơ sở Lương Thế Vinh, ban sit Buôn Ma Thuột, Báo Tiền Phong bhum Tây Nguyên pambuak bruk haong Sở Pato Megru tỉnh Đắk Lắk peih bruk alin jien bac “Đọt chuối non” mbang ka VI brei anek saih bangsa takik, anek saih kan kathaot, bac da-a naih joi di 2 tỉnh Đắk Lắk saong Đắk Nông. Tapa nan, jaik 80 adei anek saih bangsa takik, anek saih kan kathaot bac da-a naih joi di dom huyện kan kathaot dalam 2 tỉnh nan dalam thun bac bloh hu alin jien bac, yaok paok yaom meng 2 tal 5 triệu đồng.

3 # Peih ngak mô hình “gilang pariak” cộng đồng dalam bhum urang bangsa takik, meng thun 2011 tal ini, huyện Đăk Hà, tỉnh Kon Tum hu 61 “gilang pariak” cộng đồng di 59 palei bhap bani bangsa takik, ngan haong yaom jien abih tih labaih  960 triệu đồng, labaih 180 tấn padai, brah saong labaih 280 tấn khak drak dom janih. Mô hình ini pasiam hu bruk brei mesre trak laba, grap tanat rai diuk mikva di palei pal, pasiam rai diuk ka urang kathaot.

4/ # Meng rilo kham merat di gah pato megru saong dom puk palei jak ba uranaih nao bac, hadei di labaih 2 bilan yam tame thun bac 2015-2016, bruk anek saih klaak bac dalam tỉnh Bình Thuận hu takik jang. Thun bac 2015-2016, dalam tỉnh có 222.300 anek saih. Dom anek saih klaak bac meteh dhi meng akaok thun bac tal harei ini lac 2.754 adei, takik jang 683 adei dut saong tukvak ini thun bac 2014-2015. Taphia nan, gah pato megru tỉnh Bình Thuận daok peih ngak dom jalan paglaong bruk pato saong bac, kapul urang gru pato naih gheih, daok jaik anek saih, thau hu hatai caong di anek saih, daong ka anek saih bac da-a hu siam mekre jang.

5 # Harei 17/11, Ủy ban Mặt trận Negar bal raya Hồ Chí Minh peih bruk pahadar 85 Harei Mặt trận negar Việt Nam. Tukvak tapa, Mặt trận Negar dom pakat pak bal raya oh padeih salih bahrau jalan ngak, ieu pataom, padang hu bruk njauk hatai glaong dalam bhap bani. Meng thun 2000 tal ini, bruk jakba “brei ka urang kathaot” di bal raya jak ba hu jaik 1 ribau 400 tỷ đồng piah padang ngak sang ranam, iek glang urang kathaot, bhap bani bangsa takik. Giáo sư- Tiến sỹ Chu Phạm Ngọc Sơn, Ủy viên Ủy ban Mặt trận Negar Việt Nam Bal raya Hồ Chí Minh lac:

 “Pren khang di Mặt trận daok pak labik gul pataom bangsa. Kayua yau nan ye, labik dang di Mặt trận biak prong kayua lac pataom hu biak ralo gah, gam tham mưu ka Đảng, rik pren khik caga, dak padang taneh aia palei negar… meng tuk dahlak tame Mặt trận, dahlak kham merat rik daong pren yava piah  patagok bruk gul pataom nan”.

6/ # Hadei di 4 thun padang ngak, tal urak ini tỉnh Tiền Giang  ngak hu bloh saong ba tame pandar công trình jalan saong bờ kè kraong Tiền labik nao tapa  phường 4 saong phường 6, piah pasiam bruk glut jaleih takai kraong Tiền,  ban sit Mỹ Tho. Công trình  nan atah labaih 2.600 mét, mbaok jalan praong 12 mét, takai jalan 7 mét, mbaok jalan tuh menyek, takai jalan tauk kiak. Rah tapen dua gah jalan hu gom truac hadah saong gom trang trí. Daok bờ kè kraong Tiền hu tauk tabung, hu daning  bê tông cốt thép. Abih tih yaom jien padang ngak công trình ini jaik 390 tỷ đồng. 

7 # Meng harei 19 tal harei 25/11, bruk pakacah ghe Ngo Sóc Trăng mbang ka II, Bhum taneran kraong Cửu Long meda rah tabiak pak bal Sóc Trăng. Piah kuhria caga ka mbang pakacah ini, urang ma-in di dom kapul nyaom ghe Ngo pak ralo phum sóc daok kham merat pathram, piah ba chreih chrai dalam dom harei rah tabiak. Tui kuhria hu labaih 50 kapul nyaom ghe ngo likei, kumei hu mbaok tame pakacah 2 asal kadha vô địch đồng hạng kumei atah 1.000m saong vô địch đồng hạng likei atah 1.200m.

Patui di ni dom khau tin dunya

8/ #  Meng livik mai, bhap bini Campuchia hu khik ramik saong peih ngak rija Ok Om-Bốc, lac rija kakuh ia bulan, sa rija siam mekre meng kan di bangsa. Rija ini hu peih ngak di harei ia bulan bak baoh bilan Cớt Đất tui saka Campuchia yaok thun. Thun ini Ok Om-Bốc di Campuhia rah tabiak dalam dom harei  24, 25, 26 bilan 11. Piah ngak ka dom harei Ok Om-Bóc hu bui sambai jang, yaok thun karja dom puk palei hu peih bruk pakacah ghe ghe ngo, palao gom, dom kadha me-in bhap bini... 

9 # Nyaom 13 urang ngak akaok mereip dalam 49 urang ngak kayua Công ty cổ phần Simco Sông Đà brei tapa Algeria ngak bruk pambuak pagam tal bruk njauk urang thầu Trung Quốc taong paoh, oh brei mbang huak, tabiak truh Algiers mai veik negar. Dua nyaom patui veik, yaok yaom hu 18 urang, tui kuhria  meda mai veik taneh aia dalam harei 18 saong harei 20/11 tal. Gah công ty Đông Nhất Giang Tô hu ngak salah blaoh dom harak ba-ar hành chính pak Algeria piah ka dom urang ngak Việt Nam meda mai veik palei negar njauk harei ba tabiak haong Công ty Simco Sông Đà. Daok 7 urang ngak caong khin daok veik ngak bruk ye hu mboh tangin tame phụ lục hợp đồng tui định mức khoán bahrau.

10 # Nhà Trắng saong dom jabat rajaei di ban ine Washington di Mỹ jeng yau di grauk labik dalam taneh ia, gam dom jabat di Mỹ daok di negar negar lingiu hu tuan cờ rủ tal abih harei 19/11 piah hadar tal 129 urang metai di Paris. Chủ tịch Hạ viện Paul Ryan (Pôn Rai-ơn) brei thau, bruk ngak ini piah brei mboh "hatai iek praong saong bruk jum pataom" meng gah Washington./.