1/ Uy Ban bhap bini huyện Bảo Thắng, tỉnh Lào Cai bahrau brei padang ngak tatua bahrau Soi Trát (Sơn Hải). Tui nan, piah ngak tatua bahrau bhap bini puk palei hu brei taneh, rik dong harei ngak bruk yaom jiak 140 triệu đồng. Tui kuhria tatua Soi Trát hu ngak bloh song ba tame pandar dalam bilan 5 thun 2016.

2/ Dalam thun 2015, peih ngak danak dak daong patrun kathaot samar saong khang kajap, huyện Bảo Lạc, tỉnh Lạng Sơn hu pabak ka urang nông 11 xã dalam huyện labaih 33 tấn padai lai, drak labaih 1.100 ha. Taphia di nan, peih 49 tal pasram megru ka 1.664 mbang urang; padang 3 mô hình tangei, padai rik daong paglaong kein laba bruk ngak nông di puk palei.

3/ Di khu gian Mỹ Trạch, huyện Lệ Thủy, Đội Cảnh sát jalan pasei,  Phòng Cảnh sát Giao thông, Công an tỉnh Quảng Bình bahrau duah mboh kapan ĐH42, nduac jalan ban sit Huế tal ban sit Đồng Hới, tỉnh Quảng Bình pajeng jiak 3000 pok pakao song 150 paop ia tasau Ensure di negar langiu, oh thau asar. Urak ni janih pandap nan hu jao ka Công an ban sit Đồng Hới piah tui iek langyah.

4/ 9 bilan di thun 2015, kinh tế Đắc Lắc daok gaok kan kandah, tuk taong abih dom tanut patagok jeng peih ngak oh ka tal 70% bruk ba tabiak dalam thun. Yaom lac kinh tế kan kandah, min tỉnh jeng peih ngak siam dom bruk gah y tế, pato megru, an ninh trật tự XH, an toàn jalan mbak. Dom bilan puac thun, taphia bruk pataom tame dom jalan jhul pakhang patagok kinh tế, patagok jien mek tame kadung jien karja, Đắc Lắc daok dang anak bruk mbuan njauk pandiak bhang, kayua thun ini hajan takik, dom danao barau hu labaih meteh  ia.

5/ Mbao Đắk Nông pambuak bruk song jabat pato megru huyện Đắk Mil bahrau jao pok jien bac ka 10 anek saih kan kathaot yam tapa kan kandah bac da-a naih joi di huyện Đắk Mil, yaok pok yaom 500 ribau đồng. Ni lac bruk dong ka dom anek saih kan kathaot, naih joi yam tapa kan kandah piah  bac da-a..

6/ Piah salam uan nyaom rayo Đảng dom pakat, tỉnh tiền giang barau peih pakak, ba tame pandar khách sạn Mê Kông – Mỹ Tho. Ini lac khách sạn mek hu tanut chuẩn 4 patuk akaok meti di tỉnh Tiền Giang. Khách sạn Mê Kông – Mỹ Tho hu padang ngak glaong10 tal, hu cơ sở vật chất, duk biak hiện đại. Abih tih jien buh tame ngak jaik 340 tỷ đồng.

7/ Peih bruk pakacah ““Dân vận khéo” tui rilo jalan ngak siam, tal urak ni tỉnh Trà Vinh dok peih bruk tut angan tame padang ngak 4.452 mô hình kapul nyaom , menuac urang. Dalam nan hu 1.656 mô hình “ Dân vận khéo” mek hu siam lagaih dak harei dak tame dalam rai duik.  

Patui di ini dom khau tin dunya:

8/ Salam uan dom harei lễ praong di bangsa saong pachreih tui bruk jak ba “taong abih bhap bini pasram rup pabhap tui kreih camin Wa Hồ praong uranam”. Hội thao bhap bini urang Việt di Bắc Kinh – TQ barau peih tabiak. Hu peih tabiak dua thun sa mbang, hội thao bhap bini urang Việt di Bắc Kinh hu jeng sa bruk di bhap bini, rik daong jhul pakhang bruk pasram TDTT, hu tukvak taom gaok ndom meyai nao mai, bac megru saong rik daong pabak bruk jum pataom di urang Việt daoh atah taneh ia Palei negar.

9/ Tổng Thư ký Liên hợp quốc Ban Ki Mun pok meyaom bruk ngak di Liên hiệp châu Âu (EU) dong 1 tỷ euro song parabha 120 ribau urang tị nạn, piah dong patrun ka dom negar dalam liên hiệp EU dok dang anak bruk hu rilo urang tị nạn daok tuh mai

10/ Thái Lan khik catang an ninh vir taom dar Đại sứ quán TQ di ban ine Băng Cốc hadei di dom mbang patuh di gah meraong TQ. Dom chốt pasang iek hu padang tagok angaok jalan Rát-cha-đa-phi-xếch, labik ngak bruk jabat ngoại giao TQ. Cảnh sát hu brei mai di ralo labik hu biểu tượng di TQ, atau urang TQ bhian nao mai./.