1/ Dalam 2 harei 6 song 7/10 di HN hu rah tabiak nyaom biai Tiểu vùng ka bruk khik ramik inem krung ilamu phi vật thể bhum Đông Nam Á, kayua Viện Âm nhạc, Học viện Âm nhạc pakat negar Việt Nam song pasak brei thau song Mạng lưới dunya ka inem krung ilamu phi vật thể bhum châu Á - Thái Bình Dương pambuak bruk peih tabiak. Lambaok dom kapul lingiu rajaei, dom jabat rajaei mai meng dom negar ĐNÁ song dom urang roh duah dunya ka inem krung ilamu song dom urang ilamu, urang khik ramik ilamu VN hu ginum biai ka bruk patagok jalan pambuak bruk khu vực piah khik ramik inem krung ilamu phi vật thể.

2/ Sở pato megru tỉnh Đác Lak bahrau peih adit pachreih tui bruk bac megru luac rai. Ngan song kadha “ Bac piah dong patagok puk paga, palei negar song rik dong ka menuac sia dunya”, harei peih adit bac megru luac rai di tỉnh Đắc LaK pachreih hu labaih 1 ribau anek saih mai  hu mbaok. Meng ini tal harei 9/10 di Đắc Lắc hu rah tabiak rilo bruk ngak piah pambak prong jalan ngak “ Boh sang bac megru” Bhap bini bac megru.

3/ Tal urak ni, 18 DN ngak mbang gah radaih pajeng di tỉnh Quảng Ngãi  brei thau bruk trun yaom radaih pajeng. Tanut trun yaom meng 4% tal 12% tui yaom xăng menyek tru. Taeng 4 hãng taxi di Quảng Ngãi trun yaom meng 400 tal 600 đồng sa km. Tui ong Đỗ Tiến Đạt, Phó Giám đốc Sở pajeng ba  tỉnh Quảng Ngãi, dut song dom labik di gah kreik negar, yaom trun di Quảng Ngãi yau nan lac njauk dut song bruk ngak mbang di DN urak ni: Maong rah tapa, yaom trun di Quảng Ngãi mbiah ye. Pagap yau jalan meng Quảng Ngãi nao ban raya Hô chí Minh urak ni 310.000 đồng sa ghe, 350.000 đồng sa ghe ndik. Dalam tuk nan nao Quy Nhơn jeng yaom 310.000 đồng tal 360.000 đồng,  nao Quy Nhơn 310.000 đồng, njauk di nyu lac 410.000 đồng meng njauk.

4/ Mban patagok dong bruk Tam nông xã Phước Đại, huyện Bác Ái, tỉnh Ninh Thuận bahrau peih bruk padang ngak mblang cambu padai Tam nong di  palei  Tà Lú 1. Mblang cambu nan prong 900m2, ngak abih labaih 500 triệu đồng. Dalam nan, Kadung jien daong bruk Tam nông buh tabiak 400 triệu đồng, bhap bini rik tame 100 triệu đồng.

5/ Di ban raya HCM hu rah tabiak harei ilamu khu phố, ấp “Siam mekre, hacih saat, ilamu, anit ranam” mbang ka  2 thun 2015. Tui nan di 174 khu phố ấp hu peih ngak “ Harei roya dam dara khu phố palei hulin” ngan song 4 tanut Siam mekre, hacih saat, ilamu, anit ranam”, peih pakak 10 jalan hẽm “ Ilamu hacih saat siam mekre” parang iek thaot binguk dom khu phố, ấp mek hu 4 tanut nan di sang ilamu dam dara meng harei 4 tal harei 11/10/2015.

6/ Tui Liên minh Hợp tác xã tỉnh Long An, urak ni tỉnh hu jiak 200 kapul kinh tế pambuak bruk song 113 hợp tác xã daok ngak bruk. Urak ni 113   hợp tác xã di tỉnh hu phun jien labaih 61 tỷ đồng, hu 67 hợp tác xã dok ngak bruk gah ngak nong hu 1.560 urang saong 2 liên hiệp hợp tác xã ngak nong. Meng thun 2010 tal harei ni, bruk kinh tế tập kapul nyaom di tỉnh Long An hu ba mai kein liba glong ka kinh tế boh sang jang yau kinh tế kapul nyaom, ba bruk ngak ka rilo urang ngak di puk palei.

7/ Huyện Văn Yên, tỉnh Yên Bái bahrau peih harei pataom “Phun quế Văn Yên ba drei tame song patagok” Ni lac mbang camereip huyện Văn Yên peih harei pataom piah pok praong yaom glaong di phun quế pambuak pagam song rai duik di urang bangsa Dao.

Patui di ni dom khau tin dunya:

8/ Gilang pariak negar Lào bahrau hu panuac brei padeih dom pok jien sre tapak brei ka dom danak dak ngak bahrau di rajaei, piah khik caga siam mekre ka bruk jien padai song gilang pariak di negar ni

9/ 104 meyit camereip di abih dalam 464 urang Iran nao haji metai dalam mbang juak kateik gauk di Mecca hu ba mai Iran. Bruk du-a  hu peih ngak di labik ni song hu mbaok di Tổng thống I-ran H.Ru-ha-ni.

10/ Rajaei Thái Lan hu ba tabiak jalan khik ramik halau ia dalam tuk vak 12 thun,  kuhria meng puac thun ni. Urak ni dom jabat chức năng di Thái Lan jeng dok ngak hukum kaya ia, mek nan ngak adat ka bruk khik ramik halau ia dalam negar