#/ Tapa tui iek mbang nyaom TƯ ka 14 di angaok harak mbao dalam dom harei tapa, đại tá Nguyễn Văn Chiến – Akaok kapul urang dahlau deih ngak bol lin tỉnh Bình Thuận brei thau :

Njauk nyai lac mban chấp hành TƯ biak jum pataom song dân chủ ginum biai biak cambaih. Yaom lac tuk vak biak katut, min hu ba mai jak jeng, kuhria caga meng nhân sự tal bruk  cơ sở vật chất ka mbang nyaom 12 di đảng biak siam.

# Thủ tướng rajaei barau brei angan 3 xã di tỉnh Thanh Hóa lac xã pulao. 3 xã barau brei angan lac xã pulao hu : xã Hải Bình, xã Nghi Sơn di huyện Tĩnh Gia saong xã Ngư Lộc di huyện Hậu Lộc. Dom xã ini hu mbang tui sarak daong ka dom xã pulao tui adat hukum urak ini. Hu thau, xã Nghi Sơn praong abih tih  354,22 ha, hu 4 palei daok di pulao. Daok xã Hải Bình, xã Ngư Lộc di huyện Hậu Lộc jeng hu metah taneh lac pulao

#/ Vụ pren yava urang amaik - uranaih, mintri Y tế pambuak bruk song Sở Y tế ban sit Đà Nẵng harei 14/1, peih bruk ngak iek mô hình gilang ia tasau amaik di ĐN. Bruk tabiak rai Gilang ia tasau amaik camereip di VN lac sa jalan ngak prong dalam bruk iek glang, khik caga pren yava anek kama di taneh ia drei.

# Kapul Chữ thập đỏ tỉnh Ninh Thuận barau alin 10 bộ thiết bị thông tin angaok tasik hiệu Icom 718 ka urang ngak ikan xã Tri Hải, huyện Ninh Hải. Ini lac dom pandap blei meng jien rik pataom meng bruk jak ba “ pambuak pagam tasik” kayua Trung ương kapul Chữ thập đỏ Việt Nam pambuak bruk saong mintri Thông tin saong Truyền thông, rayo papar binguk Việt Nam, rayo sap ndom Việt Nampeh ngak.  Ông Nguyễn Hùng, urang ngak ikan hu taduan mek mac thông tin liên lạc mbang ini brei thau : Lac urang ngak ikan gam gam nao tasik atah, meng hu kapul Chữ thập đỏ alin mac thiết bị brei thau bruk ngak di kapal tasik  Icom, meda daong ka urang ngak ikan kol dahlak thau ka bruk lingik tasik caga xua ribuk atau  brei thau tapol ikan ndon nao di gah halei piah duah mek tui.

#/ Biar Harei 14/1 di ban sit Nha Trang, mintri Giao thông - Vận tải song urang dang akaok 3 tỉnh Cần Thơ, Khánh Hòa, Lâm Đồng song lambaok dom hãng kapan haoh hu peih jalan par pambuak “tam giác vàng” du lịch Cần Thơ - Khánh Hòa - Lâm Đồng. Bruk pambuak jalan pan di 3 tỉnh hu du lịch patagok  yau: Cần Thơ - Khánh Hòa - Lâm Đồng hu peih tabiak jalan taom gaok ilamu patagok du lịch ka dom tỉnh ni.

# Thun 2015, tỉnh Đồng Nai patagok hu veik 3 labik pato bruk. Urak ini dom labik patao bruk dalam tỉnh lac 64, dalam nan hu 5 sang bac cao đẳng, 7 sang bac trung cấp nghề, 27 pasak pato bruk, daok veik lac 25 doanh nghiệp hu tut angan tame bruk ngak ini. Thun 2015, Sở Lao động - thương binh saong xã hội hu ba 20 gru pato nao pato bruk sư phạm pato bruk ngak paglaong tui tiêu chuẩn di  Úc; Taphia nan, buh tame labaih 4,5 tỷ đồng blei pandap ka dom labik pato bruk 

# Saphigiah urang vak di rayo sap ndom VN dok di ban raya HCM brei thau: Mesup harei 15/1 di Nhà hát Bến Thành, ban raya  Hồ Chí Minh, Jabat lambaok Ủy ban bangsa di ban raya pambuak bruk song Liên hiệp Khoa học patagok doanh nghiệp Việt Nam peih danak dak “Xuân anit ranam”, piah daong ka anek saih, SV dom bangsa takik hu rai duik kan kandah dok bac megru di ban raya HCM bui sambai uan raok tết anek sak kara 2016. Tapa nan, mban peih bruk hu jao 15 pok jien bac ka anek saih, SV bangsa takik yam tapa kan kandah bac megru naih joi, yaom 1 triệu đồng yaok pok song 50 pok pandap. Sinh viên Chăm Thanh Thị Diễm Vi, tal bac K26 B1, sang bac Dự bị Đại học ban raya Hồ Chí Minh lac

Băng tiếng Chăm:

Khaw tin dunya

#  Takik abih 14 urang metai hadei tuk sa sruh radaih buýt pajeng vận động viên trượt tuyết jaleih di sa jalan ceik di gah greh negar Nhật Bản harei 15/1. Jaik 2 tuk pagaiy 15/1 (tukvak puk palei), sruh radaih buýt pajeng 41 urang, ginuh tame paga pacang saong tabaleik angaok jalan di labik Ka-ru-i-da-oa (Karuizawa), tỉnh Na-ga-nô (Nagano), hadei nan nyu laik trun lubang. Langiu dom urang metai nan, daok hu 27 urang karei bị thương, dalam nan, 19 urang bị thương trak.  

#/ Harei 14/1, 50 sruh radeih pajeng pandap ngak pahla hu tabiak truh ban ine Đa-mát, Xyri tagok jalan tal ban sit Ma-đa-i-a (Madaya), jiak  jalan tapen negar Libăng – labik hu yaok ribau urang dok iek lipa trak dalam dom bilan jiak di ni. Lambaok Gah Y tế dunya di ban ine a-mát, muk Ê-li-gia-bét Hóp (Elizabeth Hoff) brei thau, hu labaih 300 tal 400 urang njauk  njauk ba nao iek glang pren yava đặc biệt, piah plaih metai ka dom urang nan kayua lavang lavah trak.

# jeng dalam harei 14/1, Mỹ saong Nga hu njauk gauk lac, mbang nyaom ginum biai hòa bình Xyri di rajaei taneh ia ini saong gah đối lập njauk hu peih tabiak di harei 25/1 bo oh cang hu điều kiện tiên quyết halei. Mbang ginum biai di dom gah cagar gauk di Xyri lac jalan nao akaok mereip tui bruk daok caong lac dalam  18 bilan hu ba mai siam mekre kayua Liên hợp quốc dang kreh piah ba mai sa jalan chinh tri ka taneh ia ini./.