1 # Page harei 17/12, pak Hà Nội, Mentri Ilamo Padhih saong Rivang ma-in, Mentri Ngoại giao saong Uỷ ban bhap bani tỉnh Thừa Thiên - Huế peih  họp báo brei thau ka Festival Huế mbang ka 9 - 2016. Festival Huế mbang ka 9 - 2016 ngan haong kadha: "Inem mek ilamo  haong mbeik drei  tame saong patagok -710 thun Thuận Hóa - Phú Xuân - Thừa Thiên Huế" meda rah tabiak meng harei 29/4 tal harei 4/5/2016. Ini lac tuk piah meyaih khan Huế, bal ilamo, bal inem mek, bal Festival, bal rivang ma-in biak karei di Việt Nam. Abih di nyu nan lac, dalam tukvak rah tabiak Festival Huế 2016, Nyaom biai urang dang akaok  dom bal Đông Á- Mỹ La Tinh (FEALAC) hu peih tabiak pak Huế.

2/ Kapul urang QH tỉnh Tây Ninh pambuak bruk saong dom mban, ngành, dom puk palei di tỉnh peih bruk taom gaok cử tri hadei di mbang nyaom ka 10, QH mbang 13 di 10 labik dalam tỉnh, hu 2.180 cử tri mai pataom mbaok. Tapa dom var taom gaok cử tri, kapul urang QH  tỉnh Tây Ninh hu pang saong taduan mek labaih 27 ý kiến di cử tri pambuak tal sarak, hukum, bruk tacei pato điều hành di rajaei, karja palei dalam dom gah kinh tế - XH, trật tự an toàn XH; bruk pacang cakak tham nhũng; bruk an sinh XH.

3 # Thủ tướng Raja-ei bahrau jao ka Mentri Ngak nong saong Patagok palei pala buh tabiak brei saoh oh mek jien 30.000 liều vắc xin laka cambuai tapok kakau 2 type (O&A), 10.000 liều vắc xin laka cambuai tapok kakau type O (Aftopor) saong 10.000 lít jru sát trùng Benkocid dalam gilang khik piah di negar ka tỉnh Ninh Thuận piah pacang cakak jit laka cambuai tapok kakau saong buh tabiak brei 50 tấn jru Chloramine 65% dalam gilang khik piah di negar brei ka tỉnh Cà Mau piah pacang cakak jit ruak kaya ikan dalam aia.

4/ Mintri pato megru barau pandar dom sở pato megru pathau khan bruk tacei pato saong peih bruk jhik, blei đồng phục di anek saih thun bac 2015 – 2016 dahlau harei 20/12/2015. Tui nan, dom sở pato megru brei pathau khan bruk tacei pato jhik, cuk đồng phục thun bac 2015 – 2016, bruk peih ngak di dom labik pato megru saong pataom số liệu cambaih laih.

5 # Harei 17/12, pak  bal sit Điện Bàn, Kapul daong pasiam veik dom hậu quả Bom mìn Việt Nam pambuak haong Ủy ban Bhap bani tỉnh Quảng Nam peih bruk brei 720 triệu đồng daong ka 60 baoh sang urang njauk bom, mìn hu rai diuk kan kandah di bal sit Điện Bàn saong 3 huyện Đại Lộc, Quế Sơn saong Nông Sơn. Ini lac mbang daong jien ngak mbang ka 2 di Kapul daong pasiam veik Hậu quả Bom mìn Việt Nam ka dom urang njauk bala bom mìn di tỉnh Quảng Nam. Yaok baoh sang hu daong 12 triệu đồng piah blei limo pajaih raong, patagok bruk ngak mbang, pasiam rai diuk.

6/ Dom harei puac thun, bruk bleik saleik dalam pablei salih, buôn lậu, pablei salih pandap ja, pandap mblah tui, pandap oh siam… dalam ban Đà Nẵng rah tabiak rilo tui jalan tinh vi jang. Meng akaok thun tal ini, kapul khik iek darak pasang iek labaih 9.800 mbang, langyah labaih 7.800 mbang sung hukum, ralo jang 12% duk saong thun bloh. Ong Phùng Tấn Viết, phaok akaok Ủy ban bhap bini ban Đà Nẵng pandar kapul khik iek drak pasar patagok bruk pasang iek, abih di nyu nan lac di tuk puac thun saong tết anek saik kara thun 2016: “Kol drei peih bruk pasang iek taong abih dom drak, dom baoh sang pablei salih jeng brei niêm yết yaom kaom, pablei tui yaom niêm yết. Pambuak bruk saong gah công an, biên phòng saong dom gah chức năng pacang bruk ngak  pandap lậu, pandap ja, andap oh siam, pandap labik karei pajeng mai piah đóng mác veik”.

7 # Salam uan thun bahrau 2016, Bal raya Hồ Chí Minh hu dua labik cuh pháo bingu pak labik akaok jalan hầm kraong Bei Gon di phường Thủ Thiêm, quận 2 saong Mblang beik ilamo Đầm Sen quận 11, meng mong 0h - 0h15 harei 1/1/2016.

Patui di ini dom khau tin dunya:

8/ Dalam harak pathau khan patagok anek menuac thun 2015, LHQ taong yaom Na Uy daok lac taneh ia njauk daok  abih di dunya. Ini lac thun ka 12 gam gam Na Uy dang akaok bảng xếp hạng chỉ số patagok anek menuac (HDI) di LHQ. HDI taong yaom dom taneh ia tui 3 gah praong nan lac umo thun taha, pato megru saong jien mek tame dalam tanut diuk rai. Na Uy mek hu điểm số glaong abih 0,944 điểm. Umo thun taha di bhap bini Na Uy nan lac 81,6, jien mek tame kuhria tui akaok menuac tal 64.992 USD.

9 # Việt Nam saong Ô-xtrây-li-a bahrau mboh tangin tame harak kanal hadhar ka bruk pambuak gauk di dua negar dalam gah y tế saong pren yava. Tui nan, yaok thun Raja-ei Ô-xtrây-li-a meda daong jaik 720 ribau đô la Mỹ, daong ka dom urang ilamu dua negar peih ngak dom dự án roh duah haong gauk.

10/ Melam  16/12, sa mbang patuh khang  rah tabiak di sa nhà hàng daok di tỉnh Phúc Kiến, TQ ngak 7 urang metai saong 3 urang karei njauk rambuah. Mbang patuh rah tabiak di nhà hàng Giai Quán, ban Long Nham, tỉnh Phúc Kiến. Hu thau, mbang patuh rah tabiak dalam  sang ging di nhà hàng ini, ngak khuat meneng baoh sang. Bruk patuh ini meda kayua khí ga. Urak ini dom urang ngak praong daok pasang iek makna mbang patuh./.