1# Tập đoàn Điện lực Việt Nam (EVN) saong Ủy ban bhap bani tỉnh Lào Cai bahrau mboh tangin tame harak sanya pambuak bruk patagok lưới điện dalam tỉnh Lào Cai. Tui nan, dua gah pambuak gauk peih bruk patagok  lưới điện tui Quy hoạch patagok điện lực tỉnh Lào Cai saong laghaih haong bruk patagok phụ tải di tỉnh.

2/ Mintri ngak nông saong patagok palei pala barau njauk hatai saong tập đoàn Điện lực Việt Nam ka bruk điều tiết dom danao ia thủy điện Sơn La, Hòa Bình, Thác Bà saong Tuyên Quang piah pabak ia ka gah hạ du, duh ka bruk mek ia pala drak padai Đông Xuân 2015-2016, labik Trung du saong bhum taneran Bắc bộ.  Uỷ ban bhap bini dom tỉnh, ban di TƯ samar tacei pato dom sở ngak nông saong patagok palei pala, cty khai thác công trình thủy lợi saong dom jabat, đơn vị hu pambuak bruk samar padang kế  hoạch mek ia piah pabak ginup ia ka taong abih taneh pala drak. 

3 # Đoàn ngak bruk di Ủy ban Trung ương Mặt trận Negar Việt Nam bahrau mai rivang, tadhau ayuh Hội thánh Tin lành Việt Nam (gah Meraong) tukvak Lễ Giáng sinh 2015. Lambaok Ban Trị sự Tổng liên hội, mục sư Phan Vĩnh Cự - Hội trưởng Hội thánh Tin lành Việt Nam (gah meraong) hu panuac lac daok patui jalan jak ba dom urang tui agama tin lành hu mbaok tame dom bruk ngak ranam taneh aia, siam ka dunya mekre ka agama.

4/ Tui jalan ngak lac “ginup pandap, chất lượng siam, duh samar saong lagaih” ka bhap bini dahlau, dalam saong hadei tết anek saik kara thun 2016, akaok UB bhap bini ban Hà Nội barau pandar dom sở, mban, ngành, doanh nghiệp patagok dom jalan ngak piah khik tani tanat yaom kaom, ginup pandap pablei ka bhap bini dalam tuk tết. Peih bruk khik mepiah saong pablei gam gam dom janih pandap di 1.165 labik pablei dalam ban HN, 207 labik pablei pandap di dom huyện langiu ban.

5 # Tukvak 2011-2015, meng phun jien abih tih labaih 309 tỷ đồng di danak dak 135, tỉnh Quảng Bình hu buh tame, daong padang ngak cơ sở hạ tầng, patagok bruk ngak mbang pala drak… ka dom puk palei biak kan kandah dalam tỉnh. Tal urak ini, taong abih xã dalam tỉnh hu jalan radaih ô tô mai tal pasak xã; tỷ lệ xã hu điện lưới negar tal pasak xã saong dom nguồn  điện karei meblah 94,3%,  baoh sang kathaot meng 61,57% thun 2011 trun daok 21,2% thun 2015...

6/ Dom urang dang akaok tỉnh Quảng Ngãi barau nao tal trạm xá xã Phổ Khánh rivang, tangi sua pachreih saai Nguyễn Văn Lộc (umo 26 thun) daok di xã An Hải, huyện Lý Sơn njauk riyak paoh kram tuk daok vah ikan di tasik. Urak ini pren yava di saai Lộc hu siam veik saong meda tabiak truh sang iek dalam 1 atau 2 harei tra.

7 # Hadei di tuk Rayo sap ndom Việt Nam khan brei thau ka bruk dom xã bhum glaong tok ngak bruk sa van, ong Lê Tiến Phương – akaok Ủy ban bhap bani tỉnh Bình Thuận hu mboh tangin tame harak tacei pato taong abih dom puk palei dalam tỉnh pasiam veik bruk ngak, tukvak ngak bruk, palaghaih ka bhap bani. Tui nan, Akaok Ủy ban bhap bani dom huyện, bal sit, bal prong dalam tỉnh patui veik peih ngak siam Chỉ thị ka 27 di Ban Thường vụ Tỉnh ủy ka bruk paglaong trách nhiệm, pasiam t ác  phong, tukvak ngak bruk, ý thức chấp hành di urang jakar, urang ngak dalam tỉnh.

Patui di ini dom khau tin dunya:

8/ Tổng công ty Sông Đà, Công ty Cổ phần Điện Việt Lào saong Công ty Điện Xê-ka-mản 1 barau peih pakak saong jao labik tái định cư Súc-sa-vang – Đác-bu, di huyện Xan-xay, tỉnh Attapue (Át-tạ-pơ), Nam Lào di Dự án thủy điện Xekaman 1. Ini lac dự án pambuak bruk di dua rajaei Lào saong VN pambuak gauk patagok điện saong mỏ. Bruk ngak salah saong jao labik tái định cư Súc-sa-vang – Đác-bu, hu makna biak praong ka bruk khik caga môi trường saong bruk XH di dự án thủy điện Xekaman 1.

9# Thủ tướng Shinzo Abe (Sin-dô A-bê) khan lac Nhật Bản brei jhul pakhang talei pambuak bruk an ninh dunya. Panuac ndom ini hu ba tabiak dalam mbang nyaom hội đồng dom urang jakar pakat glaong Bộ Quốc phòng saong 180 sĩ quan dang akaok gah phòng vệ Nhật Bản. Thủ tướng Abe lac, bruk ngak di JSDF meda trak jang tuk gam khik caga siam mekre ka bhap bani Nhật Bản,  gam hu mbaok tame dom bruk khik caga sron mbon salamat di dunya.

10/ Jalan kapal haoh di Mỹ saong cuba hu pambuak veik hadei di labaih meteh abhap cakak klaoh. Tui nan, brei adat dom hãng kapal haok Mỹ peih 110 mbang par nao mai yaok harei tal cuba, dalam nan hu 20 mbang par nao tal ban ine Havana. Ini hu iek lac thỏa thuận thương mại dua gah praong abih meng tuk urang dang akaok Mỹ saong cuba brei pambuak veik talei rohum di harei 17/12/2014./.