1# Caga pacang Hội chứng viêm jalan hô hấp cấp bhum Trung Đông Mers - CoV, Sở Y tế tỉnh Quảng Trị hu ba menuac, pandap pada nao caik di dua 2 cửa khẩu pakat dunya LaLay saong Lao Bảo piah duah tuai damuai hu dấu hiệu sahaneng lac njaom Mers-CoV. Sở Y tế tỉnh Quảng Trị pandar dom puk palei caga pacang jit, yaok harei ba harak angan tuai daok veik mai meng dom bhum hu jit atau bhapbini mai veik meng dom taneh ia , dom bhum hu jit piah tui iek jit ruak.

2/ UB bhap bini ban sit Nha Trang, tỉnh Khánh Hòa barau brei caik 2 mac pabak ia menyum saoh brei ka bhap bini saong tui damuai di mblang bein takai tasik jalan Trần Phú. Dua mac hu pabak ia hacih tự động kayua cty cổ phần Khoa học công nghệ Petech, daok di ban raya  Hồ Chí Minh ngak brei saoh. Yaok mac hu 2 vòi pabak ia tự động tuk hu menuac pandar. Dua mac ini hu caik di mblang bein anak miuyim tỉnh Khánh Hòa saong mblang bein gah meraong Quảng trường 2 bilan 4 hu tự động mek ia meng halau ia di ban Nha Trang hadei di nan pasiam veik saong pabak ka bhap bini, ka tuai damuai.

3# Palei Tân Hải, xã Long Hải lac labik kurang ia khang abih pulao Phú Quý, tỉnh Bình Thuận. Rilo bhapbini pak ini pandar ia hacih di sang mac ia Long Hải. Min, 6 bilan tapa, sang mac tok ngak bruk cầm chừng, bhapbini njauk medheih melam piah kanyaik ia dak tanjaoh, padang khik pandar tapa harei. Saai Trần Thị Biếc, daok di palei Tân Hải, xã Long Hải ndom lac :“Tajuh dalpar melam meng hu, tame daok cang peih ia tal sa dua tuk pagaiy. Rambah rilo. Hu melam medheih tal pagaiy oh hu sa kanjaoh ia halei”

4/ Kapul chữ thập đỏ Kon Tum hu pambuak bruk saong sang iek ruak Chỉnh hình saong pasiam veik chức năng ban sit Quy Nhơn barau peih bruk iek ruak sàng lọc ka uranaih joh jo di tỉnh Kon Tum. Di labik ini, kapul bác sĩ hu iek ruak sàng lọc ka 124 uranaih mbiah cambuai, dị tật tangin takai … daok di ban sit Kon Tum saong dom huyện Kon Plông, Kon Rẫy, Đắk Glei. Tapa nan palih ruah hu 21 uranaih piah ba nao sang iek ruak Chỉnh hình saong pasiam veik chức năng ban sit Quy Nhơn, tỉnh Bình Định blac daraih.

5# Ngan saong bruk “ bac bo mein, mein bo bac”, sang uranaih tỉnh Sóc Trăng barau peih pakak dom tan năng khiếu hè thun 2015. Bruk ngak nan meda pachreih hu rilo uraniah hu mbaok tame dom bruk mein giai tri ngak jeng mblang pato pakai siam mekre, pabak ilamu ka dom adei, tapa nan, duah mboh dom uraniah naih gheih di dom bộ môn piah pabak ilamu saong patagok dom hạt nhân ka dom bruk dalam tỉnh.

6/  Tui kuhria mboh di sở ngak nông saong patagok palei pala tỉnh Tiền Giang, dalam tỉnh urak ini hu labaih 450 labik dui pachreih saong raong cim yến, ralo meng daok di ban sit Gò Công, huyện Gò Công Tây, huyện Tân Phú Đông. Yaom lac dom gah chức năng saong karja palei hu pathau khan, jak ba bhap bini tok raong tui bhum atah labik daok, langiu ban, oh nduac tui phong trào. Min kayua kein laba glaong bo dom baoh sang bhap bini daok buh jien tabiak ngak sang raong cim yến ralo, mbuan ngak brei ô nhiễm môi trường gam ngak srau kadau rai diuk di bhap bini jaik taphia. 

7# Pachreih tui harei “ dunya pok je urang brei darah  - 14/6, mBan tacei pato jak ba brei darah halan hatian ban raya HCM bareu peih bruk pok je urang brei darah halan hatian thun 2015. Di tuk pok je, 12 urang hu mbang brei darah rilo di abih dalam dom thun tapa hu taduan mek harak meyaom di Thủ tướng rajaei; 49 urang hu taduan mek Kỷ niệm chương kayua bruk ngak nhân đạo di Trung ương kapul chữ thập đỏ Việt Nam.

Patui di ini dom khau tin dunya:

8/ Kapul daong urang njauk bala takai tasik Italia hu daong jaik 447 urang nhập cư saong ba mai pabah lam nge Xi-xin di Italia. Ini lac mbang daong urang nhập cư barau di abih dalam làn sóng urang nhập cư sung hukum tal châu Âu tapa Thổ Nhĩ Kỳ,  Hy Lạp saong Italia tukvak tapa.

9# Mintri Y tế Hàn Quốc brei thau, hu veik 13 urang njaom barau Hội chứng suy hô hấp cấp bhum Trung Đông Mớt (MERS), patagok abih tih urang ruak njaom ruak ini  tal 108 urang. Langiu di nan daok hu veik 2 urang metai kayua jit ruak metai menuac ini. Yau nan, kuhria tal urak ini, hu 9 urang metai kayua Mớt di Hàn Quốc.

10/ Tui panuac khan di Gah y tế dunya harei 10/9, dom urang njom Mớt dalam dunya tagok tal 1 ribau 244 urang, saong hu takik di abih 446 urang metai. Chuyên gia y tế di jabat y tế dunya Pi-tơ Ben Em-ba-rếc  ndom lac, dom urang njom barau tok di patrun tuk samar mboh dom urang ruak njom Mớt saong cách li urang nan: “taong abih dom urang njom mớt jeng lac pambak tapa gauk. Kol drei meda mboh urang ruak ralo jang dalam dom harei jaik tal saong bruk nan daok rah tabiak mbiah tal tuk urang njom ruak hu cách li, oh njom tapa urang karei hu. Kayua yau nan, hadei di tuk duah mboh sa urang halei nan njom ruak brei cách li chip./.