1# Tui maong mbang calei chất vất di akaok mintri ngak nong saong patagok palei pala Cao Đức Phát di pagaiy harei 11/6, ka bruk pablei padai brak, cử tri Bùi Quyền, daok di palei 2, xã Ea B’hôk, huyện Chư Quynh, tỉnh Đắc Lắc mboh lac, panuac calei oh ka pabak hu dom caong khin di urang Quốc hội saong cử tri. Yaom lac akaok mintri Cao Đức Phát hu taduan trach nhiem saong brei thau bruk duh hatai di urang dang akaok gah ngak nong, min oh ka ba tabiak hu jalan ngak tani tanat ka bruk pablei pandap panda kaya nong jeng ye bruk patagok khang kajap phun công nghiệp .

2/ Mesup harei 11/6, dalam harei ngak bruk ka dua di nyaom roya cháu ngoan Wa Hồ pakat negar mbang ka VIII, di Lăng Chủ tịch HCM, 282 adei cháu ngoan Wa Hồ, lambaok ka yaok triệu uranaih hadah krah dalam taneh ia hu mbaok tame bruk pathau khan dom bruk ngak hu pok tagok Wa saong taduan mek angan cháu ngoan Wa Hồ pakat negar kayua hội đồng đội trung ương alin brei.

3# Bảo hiểm xã hội Việt Nam barau hu công văn ka 2085 harei 8/6/2015 payua  Bảo hiểm xã hội dom  tỉnh, ban ka bruk đơn giản thủ tục blei  bảo hiểm y tế. Công văn ini piah pasiam dom tavak tavaiy dalam bruk blei bảo hiểm y tế tui sang bo báo chí hu brei thau dalam tukvak tapa.  

4/Tapa duk iek di gah chức năng tỉnh Đắc Nông harei 11/6 mboh lac dom menuk ada dalam nan hu 11 drei menuk saong 9 drei ada di ong Trịnh Xuân Thanh, daok di tổ dân phố 2, phường Nghĩa Tân, ban sit Gia Nghĩa metai harei 27/5 kayua njom cúm A/H5N6. Amuk Tống Thị Nghệ, phaok akaok balai thú y ban sit Gia Nghĩa brei thau: po sang blei 5 drei da oh thau  meng halei mai raong. Ruak samar tamuh tabiak saong ngak ka taong abih dom drei menuk ada di baoh sang ini nyu metai. Amuk Tống Thị Nghệ, phaok akaok blai thú y ban sit Gia Nghĩa lac: Hadei di tuk hu jit ruak rah tabiak, chi cục hu tacei pato pataom tame pruh jru pametai anek ruak, pandar po sang am cuh klak dom drei menuk ada ini saong pruh jru vir taom dar var ro. Pasang iek dom baoh sang jaik taphia, meyah mboh menuk ada halei njauk ruak brei khan chip ka chi cục thau piah langyah”.

5# 3.500  tấn brak di rajaei saong yaok rabau tan brak di dom kapul nyaom menuac urang dalam saong langiu tinh hub a brei tal tangin bhapbini. 40 tỷ đồng daong pandap mbang ka tapol athur saong pajeng ia pandar ka jaik 6.000 sang bhap bini di bhum gaok kan kandah kayua tua riya hu ba tal labik tua trak…ini lac dom bruk ngak daok hu Đảng bộ, karja tỉnh Ninh Thuận drak samal ba tabiak di tukvak pandiak mbang khang, tapa nan, pachreih yaok urang bhapbini bhum tua riya kham merat yam tapa kan kandah, duah dom jalan ngak piah tani tanat raidiuk.

6/ Mesup harei 11/6, jaik 78 ribau anek saih di ban raya HCM yam tame mbang pakacah tame tal 10 thun 2015. Thun ini, dom anek saih pakacah tame tal 10 di ban raya HCM ralo jang 9 ribau adei duk saong thun bloh. Tukvak pakacah rah tabiak avar jang 10 harei. Dalam harei camereip, var mesup dom adei pakacah Ngữ văn dalam 120 minit, biar harei pakacah sap negar lingiu dalam 60 minit.

7# Ginum biai Quan trắc Môi trường mbang ka 6 ngan saong kadha “jalan ngak quan trắc môi trường dalam tukvak barau” ala bruk dang ngak di mintri Tài nguyên saong Môi trường hu rah tabiak di pagaiy harei 11/6, tại Cần Thơ. Ông Bùi Cách Tuyến, Thứ trưởng mintri Tài nguyên saong Môi trường ndom lac, môi trường saong tài nguyên thiên nhiên hu labik dang praong ka bruk patagok kinh te – xa hoi saong pren yava bhapbini. Dom tác động tal môi trường hu caik tabiak rilo cuang kandah ka bruk khik ramik karja ka moi truong di Việt Nam dalam tukvak tal. Thứ trưởng Bùi Cách Tuyến ndom lac : Dahlak mboh lac, ngan saong rahra ranaih umo hub ac di dom taneh ia mai jaik ini jeng thau biak cambaih ka hệ thống ini saong hu dom panuac riki tame piah patagok hệ thống quan trắc sinh học. Blaoh dom bruk ye hệ thống quan trắc không khí, pandar kỹ thuật quang học jeng njauk hu bruk patagok piah dut iek chat luong môi trường không khí biak siam

Patui di ini dom khau tin dunya:

8/ Gilang pariak dunya barau patrun tanut patagok kinh tế dunya meng 3% trun daok 2,8% dalam thun ini, kayua dom nền kinh tế daok patagok njauk pasang mbaok saong dom bruk kan kandah. Tui harak pathau khan barau di abih ka triển vọng kinh tế dunya, dom taneh ia hu jien mek tame glaong tui kuhria patagok 2% dalam thun ini, trun 0,2% duk saong tui kuhria mboh dahlau di bilan 1.

9# Hàn Quốc pagaiy harei 11/6 brei thau hu veik 14 urang njaom ruak barau, patagok abih tih urang ruak Hội chứng suy hô hấp cấp bhum Trung Đông Mớt (MERS) jeng 122 urang. Mintri Y tế saong Phúc lợi Hàn Quốc brei thau, dalam 14 urang ruak barau, hu 8 urang njom mbak hadei di tuk nao ravang pasak Y tế Sam sung.

10/ Anak bruk ruak jalan suak yava cấp bhum Trung Đông (Mớt) tamuh tabiak khang di taneh ia jaik taphia lac HQ, dom jabat y tế TQ hu caik dalam bruk báo động glaong, caga pacang jit ruak tamuh tabiak dalam taneh ia. Piah pacang cakak, karja TQ brei patagok dom jalan ngak piah pasang iek saong cách li di dom mblang kapal haok saong dom jalan pajeng meuac karei karei./.