1/ Harei 12/12, QH hu ginum biai di hội trường. Peih var nyaom, dom urang QH pang akaok mintri LĐTB song XH Phạm Thị Hải Chuyền thừa ủy quyền di Thủ tướng Rajaei, puac harak pathau khan ka dự án hukum an toàn vệ sinh lao động. Tukvak dok veik dalam var nyaom, QH pang Chủ nhiệm Ủy ban ka dom bruk XH di QH Trương Thị Mai pathau khan pasang iek dự án hukum an toàn vệ sinh lao động song ginum biai ka dự án hukum MT negar VN (pasiam veik).

2/ Tỉnh Lai Châu urak ini hu 142/417 sang bac hu tal bac bán trú hu jaik 9.500 anek saih. Langiu bruk daong di karja brei ka anek saih bán trú pakat tiểu học saong THCS, tỉnh Lai Châu daok hu daong 240.000 đồng jien mbang ka anek saih bán trú pakat THPT. Meng nan nyu patrun hu biak ralo bruk anek saih bhum gloang, bhum atah bayah klak bac di bilan ngak puh.

3/ Ủy ban bhap bini tỉnh Q- Ngãi bahrau phê duyệt angan dom kapul nyaom, menuac urang hu mesraiy jien tui Nghị định 67 di thủ tướng rajaei ka dom sarak patagok kaya ikan mbabg ka sa thun 2014. Tui nan hu 43 kapul nyom, menuac urang di dom huyện Bình Sơn, Đức Phổ, ban sit Quảng Ngãi song huyện Lý Sơn tut angan ngak bahrau 37 baoh kapan công suất meng 500-1.000 CV (mã lực), 3 kapan dịch vụ hậu cần kanduh pasei công suất meng 500 đến 880 CV, saong yaom jien abih tih  labaih 400 tỷ đồng. 

4/ Pamaong tal harei Gru pato VN (20/11), sở pato megru tỉnh Đắc Lắc barau peih hội thao truyền thống mbang ka 32. Hội thao hu mbaok di labaih 600 vận động viên nan lac gru pato, urang jakar khik iek gah pato megru di dom đơn vị, sang bac dalam tỉnh Đắc Lắc. Dom vận động viên hu mbaok tame pakacah 27 asal di 4 janih pakacah nan lac: cầu lông, bóng chuyền, bóng bàn saong dui brak. Ini lac mbang ka 32, hội thao truyền thống hu gah pato megru Đắc lắc peih tabiak, piah daong ka gru pato, urang jakar công nhân viên gah pato megru hu tikvak taom gaok gauk, ndom meyai nao mai, pasram pren yava.

5/ Meng akaok thun tal ni, tapa dom mbang pasang iek, Chi cục  Quản lý thị trường tỉnh Đồng Nai chap mek hu 189 pandap ja, pandap oh siam, pandap cấm, pandap nhập lậu. Dalam nan pandap ja hu 59 janih, rilo di abih  lac ngak ja dom thương hiệu hu angan je yau sơn Dulux, Maxilite, sabon Omo, bột ngọt Ajinomoto, alak Vodka, takhaok Adidas, baar Sài Gòn, khak drak song dom phụ tùng radeih mac di Honda. Dalam tuk nan, pandap cấm song pandap lậu hu 28 janih, rilo meng lac bình gas mini, pandap main uranaih, kem dưỡng da, pakao JET...v..v...   

6/ Urak ini, labaih 65 km takai tasik di tỉnh Bến Tre hu 6 labik glai pacang caga praong daok mbuan glut jaleih tuk ia ndik glaong gam tui riyak praong. Nan lac dom labik di Cồn Bửng, xã Thạnh Hải, huyện Thạnh Phú; Cồn Ngoài, xã Bảo Thuận, huyện Ba Tri; Cồn Nghêu, xã Thừa Đức, huyện Bình Đại. Ngan saong dom labik glut jaleih sit, bhap bini  mek mbao cuah pacang veik.

7/ Ủy ban bhap bini ban raya HCM hu peih ginum biai bruk caga taduan urang njiel jru phiel oh hu labik dok tani tanat di ban raya tame dalam pasak taduan đối tượng xã hội dalam tuk ngak hồ sơ piah tòa án pasang iek ba tame cơ sở cai nghiện. Urang pang akaok ban raya HCM brei thau, daok kham merat ngak salah bloh bruk ni dahlau di harei 20 bilan mat piah ka bhap bini ban raya HCM hu mbang tết dalam sron mbon.

Patui di ini dom khau tin dunya:

8/ Cao ủy Liên hợp quốc ka urang tị nạn brei thau jabat ini brei patrun dom urang hu daong dalam bilan li-ar thun ini di Xyri saong Irắc kayua kurang jien. Tổ chức ini daok kurang 47 triệu ơ rô piah caga pandap daong ka yaok triệu urang lahik sang danaok di Xyri, Irac dalam bilan li-ar. Labaih 1 triệu urang tị nạn daok caong hu daong phui, nhiên liệu, khan ao saong dom pandap karei piah sưởi ấm. Urang hu daong brei dahlau nan lac urang taha, anek kamar, urang daok di bhum ceik glaong, li-an brak.

9/ Nam phi brei thau lac daok pasiam veik bruk pablei kaya ikan tapa Nga mbang camereip dalam jaik 20 thun, dalam tuk Nga dok duah labik pambuak bruk bahrau piah blei tame dom pandap mbang menyum. Tui sa công ty pablei tabiak negar langiu kaya ikan Nam Phi, lô pandap pablei camereip tapa Nga di akaok thun 2015 song tui kuhria yaok thun Nam Phi pablei tapa Nga 500 ribau tấn kaya ikan, yaom meng 2 tal 3 triệu meteh đola. Yaom jien pablei tabiak negar langiu kaya ikan di Nam Phi thun 2012 hu labaih 300 triệu đôla Mỹ song nyu meda patagok jang meyah Nga jeng sa darah pasa pablei tabiak negar langiu prong di Nam Phi./.

10/ Mali hu urang metai ka dua kayua njom virut Ebola. Sa y tá njauk njom ruak dalam tuk iek ruak ka sa urang ruak mai meng ghi-nê. Sa urang ngak praong di sang iek ruak Pat-stơ di ban ine Ba-ma-cô brei thau, tapa dom duk iek brei mboh lac, y tá likei metai kayua njom Ebola. Urang metai ini hu khan brei thau dalam tuk karja Mali daok klak bruk cách li ngan saong labaih 100 urang bhian gaok urang ruak akaok meti di Mali./.