1#/ Salam uan harei lễ phật đản thun 2016, harei 13/5 Akaok UB TU7MT negar VN Nguyễn Thiện Nhân hu payua harak thư TADHAU AYUH tal Chư tôn đức giáo phẩm song tong abih tăng ni, phật tử Giáo hội Phật giáo Việt Nam dok dalam song langiu negar. Dalam harak thư ong Nguyễn Thiện Nhân hu payua panuac tadhau yhut siam mekre di abih tal chư tôn đức giáo phẩm song tong abih tăng ni phật tử Giáo hội Phật giáo Việt Nam dok dalam song langiu nega. Tadhau yhut dom vị giáo phẩm song mik va phật tử salam uan phật đản siam mekre, mbak carak agama song kak kajap dalam talei jum pataom bangsa.

2/ Lac palei bhum atah bayah, bhum taphia negar, piah khik ka bruk bầu cử urang ka QH mbang 14 saong HĐ bhap bini dom pakat tukvak 2016 – 2021 rah tabiak mbuan lagaih, siam mekre, labaih 5.800 cử tri di 3 xã Tá Bạ, Tà Tổng saong Mù Cả, huyện Mườn Tè, tỉnh Lai Châu hu bầu cử avar di harei 15/5. Urak ini, bruk kuhria caga hu ngak salah bloh, dom puk palei labik peih bầu cử avar daok caga ka harei roya praong. 

3# Di xã bhum ceik Co Mạ, huyện Thuận Châu, tỉnh Sơn La, mik va cử tri bangsa Mông dok chreih chrai uan raok harei bầu cử, harei roya di taneh ia. Dom cử tri cong khin dom urang trúng cử meda lac urang pan akaok, tacei jalan hadah hadai, siam mekre dong ka bhap bini  patagok KT piah rai duik dak harei dak trel sil, haniem phol.

4/ Piah salam uan bầu cử urang ka QH mbang 14 saong urang ka HĐ bhap bini dom pakat tukvak 2016 – 2021, pahadar 70 thun QH akaok meti taneh ia VN dân chủ cộng hòa saong 40 thun QH taneh ia VN yasa, nhà xuất bản tổng hợp ban raya HCM brei tabiak mbaok bộ tapuk ka QH tapa dom saman. Ini lac bộ tapuk brei ka urang puac thau cambaih laih jang saong hu dom meta maong dalam jang, ginup jang ka dom mbang bầu cử QH, dom urang QH VN meng QH mbang 1 tal urak ini.

5#/ Piah klah rabha dom kan kandah song urang tong ikan kayua  ikan metai, tỉnh Thừa Thiên- Huế dok ngak danh sách dom boh sang khat lihik trak piah peih bruk dong ka mik va. Tui nan, dong 15 kg brah ka sa urang dalam sa bilan dalam tuk vak sa bilan meteh ngan song dom urang dok dalam boh sang po kapan song boh sang hu urang ngak angaok kapan tong chap ikan song dom boh sang ngak dịch vụ hậu cần tong ikan. Dong sa mbang dom gaiy kapan oh caik jamriak 3 triệu 500 ribau đồng sa boh,  gaiy kapan caik jamriak hu công xuất ala 90CV 5 triệu đồng sa boh.

6/ mesup harei 13/5, UB bhap bini tỉnh Quảng Nam peih mbang pok meyaom dom kapul nyaom, menuac urang hu thành tích xuất sắc dalam bruk daong urang taong cap ikan di tỉnh njauk bala angaok tasik. Di var peih bruk, ong Lê Trí Thanh, phaok akaok Ủy ban bhap bini tỉnh Quảng Nam alin harak meyaom di Thủ tướng rajaei ka thuyền trưởng saong dom thuyền viên kapal QNa. 94998TS di urang taong cap ikan huyện Thăng Bình dũng cảm daong urang taong cap ikan njauk bala angaok tasik; alin harak pok meyaom di akaok UB bhap bini tỉnh Quảng Nam ka pasak pambuak bruk ruah duah daong bala hàng hải khu vực II di ban Đà Nẵng.

7#/ 5 thun tapa tỉnh Đắk Nông hu peih ngak 19 danak dak, sarak bangsa kayua TƯ song tỉnh ba tabiak. Dom danak dak , sarak hu rik dong dak harei dak tani tanat song patagok rai duik akaok sahaneng ka mik va bangsa takik di bhum atah bayah, bhum biak kan kandah. Tuk vak anak, tỉnh Đắk Nông pataom pren yava tame patagok s, jhul pakhang bruk patruh eik patrun kathaot khang kajap ngan song mik va bangsa takik

Patui di ini dom khau tin dunya:

8/ Nghị viện châu âu harei 12/5, pachreih dom taneh ia dalam liên minh châu âu patagok bruk ngak piah khik caga dom urang dalam dom bruk pablei menuac. Tui kuhria mboh di gah cảnh sát châu Âu, jaik 10 ribau uranaih oh hu menuac praong nao gam njauk lahik meng tuk yam takai tal liên minh châu Âu di thun bloh.

9#/ Pathau khan di Jabat pahla Liên hợp quốc brei thau meng akaok bilan 3 tal ni, hu labaih 80 ribau urang I Rắc lihik sang dok kayua bruk mesrujh gauk tagok khang. Di 3 labik lac An-ba (Anbar), Mô-sun (Mosul) song rak barak Sa-la An-Đin (Salah al-Din), mesruh gauk ngak ka urang klak sang danok piah klah bala. Tui kuhria di Liên hợp quốc , labaih 3 triệu 300 ribau urang I Rắc klak sang danaok tuk IS tong meblah dom labik gah barak song gah timun negar ni meng thun 2014.

10/ Rajaei NB harei 13/5, hu brei tapa dự luật padang kadung jien pabak yaom 778 tỷ yên (samu 7,13 tỉ đô la Mỹ) ka thun tài khóa 2016, piah daong saong padang veik khu vực gah tây nam njauk gaok kan kandah kayua dom mbang megei baoh taneh rah tabiak di bilan dahlau. Kadung jien ini hu pandar piah daong dom doanh nghiệp mbiah saong sit, padang veik cơ sở hạ tầng saong pasiam veik bala ngan saong gah ngak nông di labik njauk gaok kan kandah kayua megei baoh taneh. Dự luật padang veik kadung jien pabak hu pasang iek di hạ viện NB di harei 16/5 saong di thượng viện harei 17/5 tal./.