1# Patui danakdak ngak bruk mbang nyaom ka 9, Quốc hội mbang 13, pagaiy harei 15/6, ala bruk par akaok di phoak akaok Quốc hội Uông Chu Lưu, Quốc hội ginum biai di hội trường ka dự án Bộ luật tố tụng dân sự (pasiam veik) . Dom urang QH hu panuac kakei lac, bruk pasiam veik njauk pasiam hu dom bruk daok tavak vaiy di quy định urak ini, saong brei pabak hu bruk  bruk xét xử dom loại án dân sự urak ini di taneh ia drei...

2/ Urang dang akaok cty  patagok kỹ thuật DSC, di kapul khik caga thiên nhiên saong môi trường VN barau brei thau hu ruah duah, ngak salah bloh công nghệ ngak tabiak labung thu siam, ngak tasak samar tui công nghệ barau. Ini lac công nghệ meda pabak hu bruk ngak tabiak samar labung that jeng pandap labung thu ngan saong yaom mbiah lagaih, min khik hu lavik, hu chất lượng glaong saong khik kajap an toàn vệ sinh pandap. 

3# Urak ini, ruak rệp sáp hồng tamuh tabiak saong ngak palai labaih 150 héc ta bei plom di tỉnh Phú Yên. Anak bruk ini, Chi cục khik caga phun pala tỉnh Phú Yên pambuak bruk saong Duk ngak nong saong patagok palei pala dom huyện peih bruk pasram ka urang jakar khuyến nông saong mikva urang nong jalan caga halak halin. Amuk  Trần Huệ Hoa Huyền Huyền, akaok  Chi cục khik caga phun pala tỉnh Phú Yên brei thau : "Dalam tuk lingik pandiak bhang, ia kol drei oh ginup piah ngak metai anek rệp ini. Piah caga kol drei raong anek dar ko Lebezi, bruk ini gah chuyen mon, chi cục daok raong anek dar ko ini. "

4/ Piah caga pacang cakak jit ruak bilan hè, sở y tế tỉnh Lâm Đồng hu tacei pato dom đơn vị pambuak tal tabiak jalan ngak pacang cakak dom janih jit ruak mbuan tamuh tabiak, njom mbak dalam tuk ini. Taphia di nan jhul pakhang bruk klauk  jru caga ruak, klauk ka pahu labaih 95% di dom xã, phường, ban sit dalam tỉnh.

5# Festival tasik Nha Trang mbang ka 7 thun 2015 meda rah tabiak meng harei 11 tal harei 14/7 di ban sit Nha Trang. Tui mban peih ngak Festival tasik Nha Trang, angan ieu thun ini di Festival lac “Khánh Hòa – Văn minh – Thân thiện”, brei ka tuai du lịch dalam saong langiu taneh ia thau tal dom danh lam thắng cảnh, bruk gheih mekre ka ilimo, anek menuac bhum tasik Nha Trang, Khánh Hòa.  Dalam 4 harei rah tabiak, labaih 50 bruk ilimo, nghệ thuật, thể thao saong du lịch hu peih ngak di ban tasik Nha Trang.

6/ Urang dang akaok sở y tế Ninh Thuận brei thau, bọ xít kaik menuac hu mboh di phường Phước Mỹ, ban Phan Rang – Tháp Chàm (tỉnh Ninh Thuận) hu thau lac bọ xít njuk drah. Taphia di nan, sở y tế jeng pandar dom jabat thông tin đại chúng brei pathau khan ka bhap bini thau saong jalan pacang cakak, klah bhap bini duh hatai.

7# Barau ini di ban raya Hồ Chí Minh, Kadung jien bac Vừ A Dính pambuak bruk saong rayo papar binguk ban raya, Công ty Trách nhiệm hữu hạn xuất nhập khẩu Liên Thái Bình Dương peih danakdak taom gaok nghe thuat ngan saong kadha “Pahadah hatai caong”. Danakdak piah taom gaok dom urang tài trợ saong brei paok jien bac tượng trưng ka anek saih, sinh vien bangsa takik hadah trah dalam taneh ia thun bac 2014-2015. Tapa nan, mban peih bruk hu brei  40  paok jien bac ka anek saih, sinh vien bangsa takik hadah trah, yaok paok yaom 5 triệu đồng.  

Patui di ini dom khau tin dunya:

8/ TQ  Đại lục brei miễn thị thực nhập cảnh ngan saong bhap bini Đài Loan (TQ), sa dalam dom jalan ngak piah patrun paga pacang di dua gah eo tasik Đài Loan. Dalam harak ndom puac di diễn đàn dua gah eo tasik mbang ka 7 daok rah tabiak di ban Hạ Môn (Xiamen) dalam tỉnh gah saletan phúc kiến (Fujian), akaok chính trị Hiệp thương bhap bini TQ (chính hiệp) Du Chính Thanh hu khan brei thau ka jalan ngak nan, saong hu panuac sanya patagok bruk ginum meyai di dua gah eo tasik Đài Loan.

9# Sa sang iek ruak di Hàn Quốc harei 14-6 barau padheih ngak bruk hadei di tuk mboh lac hu sruh jit MERS. Pasak y tế Samsung, sa sang iek ruak praong di ban Xơun khan lac brei padheih taong abih dom bruk blac raih oh khẩn cấp saong oh taduan mek veik urang ruak barau piah pataom tame jhul patrun jit MERS hadei di tuk hu labaih 70 urang njaom MERS meng sang iek ruak ini .  

10/ Barau ini, gah y tế dunya saong glang pariak dunya tabiak harak pathau khan brei thau, viện phí nyu jhul 6% dom urang hu jien mek tame biar saong trung bình tame jalan kan kathaot, eik lipa. Tiến sĩ Te-sa Tan To-rét E-đơ-dơ, urang ngak praong dalam gah y tế dunya brei thau, bruk ini nyu samu saong bruk hu tal 69 triệu urang laih tame kan kathaot eik lipa hadei di tuk bayar viện phí. Jeng tui harak pathau khan, angaok dunya hu 400 triệu urang oh hu tiếp cận dom dịch vụ y tế./.