1./Patui mbang nyom ka 9, Quốc hội mbang 13, harei ini (1/6), dom urang Quốc hội pang harak langyah, taduan panuac, ramik pasiam dự thảo Hukum padang Rajaei (pasiam veik) saong ginum biai dom asal kadha daok hu panuac karei di gauk dalam dự thảo Hukum ini. Biar harei, Quốc hội pang langyah, taduan panuac, ramik pasiam dự thảo Hukum padang karja palei, ginum biai dom asal kadha daok hu panuac karei di gauk dalam dư thảo Hukum ini. Adit ini, Quốc hội caik rilo tukvak ka bruk padang ngak hukum.

2/ Nyaom roya cháu ngoan Bác Hồ pakat negar mbang ka VIII hu peih tabiak meng harei 10 tal harei 13/6 di ban ine HN saong tỉnh Nghệ An. Hu mbaok jaik 400 urang lambaok lac dom urang đội saong uranaih naih gheih, gam saong dom urang jakar phụ trách đội hadah krah dalam taneh ia. Nyaom roya cháu ngoan Bca1 Hồ pakat negar hu peih ngak praong prang  5 thun sa mbang, lac harei roya praong di uranaih VN piah pok meyaom dom kreih camin uranaih naih gheih dalam bruk bac daa, pasram megru, pakacah gauk ngak siam 5 paka Wa Hồ pato uranaih, nhi đồng; taphia di nan lac tuk brei mboh bruk sangka, iek glang di Đảng, rajaei, dom pakat, dom ngành saong XH ngan saong rai rah măng non di taneh ia. 

3./Pachreih tui bilan kayua uraniah, kadung jien daong ka uraniah Việt Nam daok peih ngak rilo bruk piah daong uraniah sang kan kandah dalam taneh ia, yau taom mbaok 55 lambaok uraniah (umo ala 16 thun) hu raidiuk kan kandah dalam negar  mbang ka VIII – hu hatai kham merat yam tapa kan kandaht, yam tagok dalam bac da-a; peih bilan kayua uraniah di Hải Phòng… Taong abih yaom jien peih ngak dom danak dak ini jaik 15 tỷ đồng. Tui kuhria dalam thun 2015, Kadung jien meda daong ka jaik 6.000 mbang uraniah sang kan kandah, tui yaom jien abih tih jaik 76 tỷ đồng. 

4/ Meng bruk daong di kadung jien pacang cakak pandiak dom kháng jru dalam dunya, huyện Vĩnh Thạnh, tỉnh Bình Định barau peih brei 5.300 kamo hu njuk jru hóa chất gam suai lavik ka bhap bini dalam xã Vĩnh Hiệp, Vĩnh Thuận, Vĩnh Thịnh saong Vĩnh Kim lac bhum daok hu jit pandiak dom. Taphia bruk daong brei kamo, urang jakar y tế daok pathau khan tal mikva jalan pacang cakak pandiak dom, bhian jah tak hareik harom, paha nding ribaong, taphia di nan paglaong akaok sahneng iek glang pren yava di mikva bhap bini. 

5./ Festival Caoh blong sang bac năm 2015 bahrau hu peih tabiak di ban raya Hồ Chí Minh, hu mbaok  64 sang bac tiểu học dalam dalam ban raya, gam saong 1.200 adei sit dit blong. Hadei di dom mbang pakacah dahlau di 11 cụm dalam ban raya meng puac thun 2014 tal urak ini, pilih ruah hu 87 kapul dit blong di 64 sang bac tame chung kết, pakacah 2 nội dung dit blong likei hu 6 adei saong dit blong likei kumei hu 4 likei saong 2 kumei) di dom tal bac 3 saong tal bac 4. Ini lac thun ka 2 peih bruk dit blong sang bac saong bruk nan hu siam mekre jang hatai caong khin, meng 40 sang bac hu mbaok tame di mbang camereip, urak ini tagok hu 84 sang bac saong hu pambak praong di taong abih 24 quận, huyện. 

6/ 5 thun tapa (2011 – 2015), gah lao động – thương binh saong XH tỉnh Khánh Hòa hu peih pato bruk ngak ka labaih 78.700 urang ngak palei pala,  saong yaom jien daong abih tih labaih 24,6 tỷ đồng; ba bruk ngak yaok thun ka meng 26.000 tal 27.000 urang ngak, rik daong tame bruk patruh eik patrun kathaot di tỉnh. Taphia nan, gah LDTB saong XH jeng hu jak ba padang ngak barau saong pasiam veik 533 baoh sang anit ranam ka dom urang sarak karja, urang hu buh pren yava ka cách mạng ngan soang yaom jien labaih 16,4 tỷ đồng; uranaih gaok biak kan kandah trun daok 1,24% 

7./ Tỉnh Trà Vinh bahrau ngak salah bloh bruk daong taneh daok ka 2.010 baoh sang urang Khmer daok dalam tỉnh tui Quyết định 29 di Thủ tướng Rajaei. Tui kuhria, yaok baoh sang taduan hu 385 mét vuông taneh. Tui mban Bangsa tỉnh Trà Vinh, dalam labaih 2 ribau baoh sang hu daong taneh daok, hu 337 baoh sang hu brei harak chứng nhận quyền pandar taneh saong 185 sang hu padang ngak sang bloh. Urak ini, dom huyện, ban sit dalam tỉnh  daok samar ngak dom harak gar piah brei harak chứng nhận quyền pandar taneh ka dom baoh sang daok veik. Abih tih yaom jien daong taneh daok ka sang urang Khmer kan kathaot oh hu taneh daok jaik 65 tỷ đồng; dalam nan kadung jien Trung ương daong labaih 60 tỷ đồng, daok veik lac jien di kadung jien karja tinh.. Sa-ai Thạch Tòng, daok di xã Ngũ Lạc, huyện Duyên Hải bahrau hu brei taneh saong hu daong jien ngak sang chreih chrai khan lac:

Meng tuk hu diuk, tabiak daok karei, oh hu taneh hagait kayua amaik ame oh hu taneh. Urak ini hu karja brei taneh daok, daong padang ngak sang brei, dahalk uan tabuan lô. Dahlak kham merat ngak mbang piah tabiak truh kan kathaot. 

Patui di ini dom khau tin dunya:

8/ Yaok ribau sang bac daok grak labik njauk gaok kan kandah trak di 2 mbang megei baoh taneh khang di nêpan, urak ini hu peih pabah mbang veik. Karja nêpan saong dom kapul daong hu ngak pasiam veik saong padang ngak ralo pasak bac daa tạm thời meng dom pandap di puk palei yau krem la-ar piah salih ka dom tal bac khut, tayah. Tui kadung jien nhi đồng LHQ, uranaih klak bac urak ini daok lac bruk duh hatai praong. Kuhria hu jaik 1 triệu uranaih urak ini oh mai veik tal bac hu.

9./Kuhria tal harei ini, menuac metai kayua pandiak bhang di rilo labik dalam taneh ia Ấn Độ mboh labaih 2.207 urang. Dalam nan, mbang An-đra Pra-đét (Andhra Pradesh) jeng daok lac labik hu menuac metai kayua pandiak bhang rilo di abih di Ấn Độ. 

10/ Dalam dom thun jaik di ini, NB daok dang anak bruk suy giảm dân số biak khang. Piah langyah bruk ini, dom puk palei di NB daok hu dom sarak pachreih dom urang ranaih umo mai daok saong ngak bruk. Bruk ini gam daong patagok kinh tế puk palei gam khik kajap dân số. Bruk pachreih dân số ranaih umo mai veik palei pala ngak bruk jeng lac sa dalam dom sarak di thủ tướng Sin do A be piah pacang cakak bruk ba gauk tame daok dom ban praong./.