Trang tin 19h00, ngày 16/10 – 6h30, ngày 17/10

1 # Pachreih tui harei Brei ka urang kathaot thun 2014, Ủy ban Mặt trận Negar Việt Nam tỉnh Phú Yên saong Ban Jak ba Kadung jien brei ka urang kathaot tỉnh patui veik buh tabiak 540 triệu đồng piah daong padang ngak 18 baoh sang Gul pataom brei ka dom baoh sang kathaot dalam tỉnh. Taphia di nan mBan hu jak ba Kadung jien Thiện Tâm daong ka tỉnh Phú Yên 4 tỉ đồng piah daong padang ngak saong pasiam veik sang Uranam ka 83 baoh sang kathaot hu rai diuk biak kan kandah daok sang taik tahak di 7 huyện saong bal sit Sông Cầu. 9 bilan thun 2014, meng kadung jien brei ka urang kathaot dom pakat hu daong padang ngak labaih 222 baoh sang saong pasiam veik jaik 100 baoh sang taik tahak ka urang kathaot dalam tinh. 

2./ Ủy ban bhap bini tỉnh Ninh Thuận daok peih tabiak bruk "Kadung jien brei ka urang kan kathaot” thun 2014. Meng bilan 1/2013 tal abih bilan 8/2014, "Kadung jien brei ka urang kan kathaot” dom pakat dalam tỉnh jak ba hu labaih 17 tỷ đồng. Meng kadung jien ini, tỉnh hu daong padang ngak labaih 1.250 baoh sang anit ranam, 167 baoh sang jum pataom saong daong ka urang kan kathaot, urang gaok kan kandah dalam palei.

3 # Di bal raya Hồ Chí Minh rah tabiak bruk lakhah tập thể ka 100 yau gu nan lac urang jakar, công nhân lao động hu rai diuk kan kandah dalam bal raya saong dom labik jaik taphia. Danak dak kayua pasak daong Dam dara urang ngak bal raya Hồ Chí Minh peih tabiak. Ini lac danak dak hu peih ngak yaok thun, piah daong saong iek glang rai diuk ka dam dara kan kandah, hu thành tích siam dalam bruk ngak, urang ngak njauk bala tuk ngak bruk, lahik bruk ngak, njauk ruak kan kandah, jaoj ho…

4./ Dalam tuk pahadar harei urang kumei Việt Nam (20/10), Hội Liên hiệp urang kumei tỉnh Đắc Lắc hu peih rilo bruk ngak di dom pakat cơ sở saong pakat tỉnh. Di pakat cơ sở, urang kumei Đắc Lắc peih bruk jak ba saong ngak tui jalan hadah krah siam mekre di Hồ Chí Minh pambuak pagam haong bruk patak pataom. Dalam bilan 10 ini, Hội Liên hiệp urang kumei Đắc Lắc peih bruk taom mbaok, pok meyaom dom urang, dom đơn vị Kapul urang kumei puk palei hu rilo bruk ngak praong dalam tukvak tapa..

5 # Dom harei jaik di ini, 3 drei limen prong dalam glai nyu mai veik labik ceik Muôn pak palei Khe Dưng, thôn 5, xã Trà Đốc, huyện Bắc Trà My, tỉnh Quảng Nam palai pajoa padai apuh, phun pala di bhap bani. Raja-ei saong bhap bani puk palei daok duah jalan pateok nyu nao piah khik caga phun pala, plaih xung đột haong tapol limo. Ini lac mbang ka 3 dalam thun ini, tapol limen mai veik labik ini. Mbang halei mai ini tapol limen jeng ngak brei khat lahik rilo njam patam, gaok tuk mai nyu daok tấn công manuac urang.

6./mBan khik ramik Khu kinh tế tỉnh Tây Ninh brei thau, tapa jaik 2 bilan peih bruk thu phí di 2 pabah mbang negar di Mộc Bài saong Xa Mát ngan saong dom janih radaih nao mai, tỉnh mek hu labaih 21 tỷ đồng. Dalam nan, pabah mbang  Mộc Bài mek hu labaih 17 tỷ đồng saong pabah mbang Xa Mát hu jaik 4 tỉ đồng, dalam nan rilo meng lac radaih container di dom doanh nghiệp Campuchia pajeng pandap nao mai tapa biên giới.

7 # Urak ini, tỉnh Bến Tre nan lac tỉnh hu mblang taneh pala la-u prong abih dalam negar ngan haong labaih 63.000ha. Năng suất phun la-u Bến Tre jeng glaong jang năng suất kuhria rah tapa dalam negar nan lac 9.700 baoh sa ha dalam sa thun dut haong 8.300 baoh sa ha sa thun. Baoh la-u saong dom janih pandap meng la-u hu pablei tabiak 65 taneh aia, bhum taneh angaok dunya. Tỉnh Bến Tre kham merat tal abih thun 2020 pala hu gac 10.000ha la-u.

Khau tin dunya:

8./ Thái Lan kham merat pablei tabiak negar lingiu 11 triệu tấn brah dalam thun ini, ba taneh ia ini dang akaok veik di dunya ka bruk pablei brah tabiak negar lingiu. Akaok mintri pablei salih Thái Lan Chát-chay (Chatchai Sarikalya) brei thau, 9 bilan tapa, taneh ia ini pablei tabiak negar lingiu hu 9 triệu tấn brah dom janih. Bruk caong pablei tabiak negar lingiu 3 triệu tấn brah dalam quý 4 thun ini, lac bruk daok dalam tangin di Thái Lan, nan ye Thái Lan meda mek hu veik labik dang akaok dunya ka bruk pablei brah tabiak negar lingiu, hadei di tuk angan ini laik tame tangin Ấn Độ.

9 # mBang Sao Pao-lô (Sao Paulo), Braxin daok njauk tua riya pandiak bhang trak ngak ka labaih 380 baoh sang kurang aia. Tui urang jakar di mbang Sao Pao-lô, kadha njauk duh hatai nan lac tua riya pandiak bhang daok dui atah saong labik ini daok mbuan jeng bhum taneh thu lagu.. Thun ini, yaom aia hajan  kuhria rah tapa di Braxin trun 20%, dalam tuk nan di mbang Sao Pao-lô, yaom aia hajan  trun 60%. Urak ini jaik 2 triệu 100 ribau bhap bani di bang Sao Pao-lô gaok kan kandah ka aia hacaih. Kadha ini hu makna lac, yaok 20 urang di mbang ini ye hu sa urang kurang aia.

10./Dom urang ilamu di negar Anh bahrau ini duah mboh lac, dom tế bào ung thư phổi meda ndih kandang dalam luac 20 năm bloh meng tamuh jeng khối u ác tính, mbuan ngak brei menuac urang metai. Tuk peih bruk phân tích di truyền, dom urang ilamu mboh bruk salih karei njauk tatuak drei dalam yaok khối u ka dom đột biến gien ba tal ruak ini. Tui gah Y tế dunya,  yaok thun di dunya hu labaih 40 ribau menuac hu chẩn đoán njauk ung thư phổi. Lingiu bruk  di truyền, labik độc hại, ye njuk pakao hu maong lac makna di jaik 90%  dom urang njauk ruak ung thư phổi./.