Trang tin 19h ngày 17/10 và 6h30 ngày 18/10/2014

1  # Page harei 17/10, pak Hà Nội, Ủy ban Trung ương Mặt trận negar Việt Nam peih bilan tabung glaong brei ka urang kathaot thun 2014 (meng 17/10-18/11). 9 bilan tapa, dom kapul nyaom, menuac urang dalam saong langiu negar hu daong ka urang kathaot song labik kathaot labaih 1 ribau 987 tỷ đồng. Meng  phun jien ini, pambuak haong bruk pachreih daong pak labik di bhap bani hu daong padang ngak labaih 11 ribau baoh sang ka dom baoh sang kathaot, daong phun jien ka 55 ribau baoh sang kathaot patagok bruk ngak mbang, alin brei pok jien bac, radaih juak saong pandap bac megru ka labaih 80 ribau anek saih kathaot saong daong ka labaih 178 ribau urang ruak kathaot pasang iek ruak.

2/ Jeng dalam harei 17/10, di ban sit Kon Tum, tỉnh Kon Tum hu peih nyaom roya dom bangsa takik mbang ka 2 thun 2014. Hu mbaok jaik 250 urang lambaok ka 6 bangsa dalam puk palei saong yaok pluh bangsa daok diuk rai dalam tỉnh. 5 thun tapa, ngak tui dom sarak di đảng, karja saong karja palei, jaik 19 ribau baoh sang bhap bini bangsa takik hu yam tagok truh kan kathaot, jien mek tame yaok akaok menuac meng ala 12 triệu đồng tal abaih 25 triệu đồng yaok thun. Brei panuac di nyaom roya, ong Giàng Seo Phử, Ủy viên Trung ương Đảng, Bộ trưởng, Chủ nhiệm ủy Ban bangsa caong khin karja puk palei saong yaok baoh sang bhap bini khik kajap bruk jum pataom, patui daong ba gauk gam patagok. 

3 # Uỷ ban bhap bani huyện Phú Xuyên (Hà Nội) bahrau peih bruk họp báo meyaih khan Lễ hội pok angan palei ngak meng kan huyện Phú Xuyên mbang ka  II - 2014, rah tabiak meng harei 23 tal harei 26-10-2014. Dalam dom bruk di danak dak hu bruk giao lưu nghệ thuật "Dalikan palei ngak”, parang iek thaik binguk palei ngak Phú Xuyên, nyaom biai "Jalan patagok saong yam tame palei ngak meng kan”… gam haong dom kadha ma-in bhap bani saong giao lưu ilamo nghệ thuật meng kan saong urak ini.

4/ Tui pasak ilamu – TT Hội An, meng harei 18 tal harei 19/10 di ban Sakai (tỉnh Osaka, Nhật Bản) hu rah tabiak harei taom gaok ndom meyai nao mai ilamu hội an – NB mbang ka 12. Hội an hu yaih khan dom danak dak, asal hu tính đặc trưng, nan lac parang iek nghệ thuật daoh tamia nhạc cổ truyền, yaih khan rup binguk phố cổ hội an meng bruk trang trí di không gian lễ hội dom baoh gom lồng saong me-in “thử tài mbat gom hội an”.

5 # Công an tỉnh Quảng Ngãi bahrau peih 20 mbang pagui mek  kol kuac rok duah ameh suan adat pak huyện Tây Trà. Yaok rituh kol kuac rok duah ameh suan adat njauk patuak tabiak truh huyện. Gah chức năng jeng hu  cap mek ralo phương tiện máy móc saong palai tayah dom lubang takac ameh. 

6/ Harei pataom ban nhạc sinh viên ban raya HCM mbang ka 1 – thun 2014 brei ka taong abih dom sinh viên, anek saih hệ chính quy daok bac di dom học viện, sang bac ĐH, CĐ, Trung cấp chuyên nghiệp saong pato bruk ngak di ban raya, dalam nan jeng hu sinh viên negar langiu. Vòng sơ khảo hu rah tabiak di harei 23/10/2014 di sang ilamu sinh viên, ban raya HCM. Di vòng ini, yaok ban nhạc hu daoh sa kadha daoh eng drei palih ruah, dom kadha daoh tut angan tame pakacah hu brei adat di jabat hu thẩm quyền. Dom ban nhạc tut angan tame harei pataom tal abih harei 22/10/2014 di duk ilamu TT, sang ilamu sinh viên ban raya HCM (labik 643 Điện Biên Phủ, phường 1, quận 3).

7 # Mentri ilamo, padhih saong rivang ma-in bahrau tabiak Quyết định ka bruk cấp chứng chỉ hành nghề bảo quản, tu bổ saong phục hồi inem krung ka 35 urang ginup tiêu chuẩn, ilamu nghiệp vụ. Gah hu cấp chứng chỉ mbang ini nan lac: ngak pasiam inem krung; pasang iek bruk padang ngak….35 urang ini meda lac dom nhân tố praong dalam bruk khik ramik, pasiam inem krung pak Việt Nam urak ini. 

Patui di ini dom khau tin dunya:

8/ Áchentina hu cuh vệ tinh viễn thông akaok meti kayua taneh ia ini sản xuất. Vệ tinh hu angan A-sát-1 hu cuh tagok quỹ đạo atah baoh taneh 36 ribau km meng mblang cuh di Gui-a-na di Pháp. Vệ tinh hu pabak dịch vụ internét, điện thoại saong truyền hình ka dom labik hẻo lánh di Áchentina.

9 # Tổng thống Vênêxuêla Ni-cô-lát Ma-đu-rô ndom lac Mỹ daok ngak ka yaom menjek dunya trun khang. Brei panuac pak mbang nyaom di rajaei, ong Ma-đu-rô ndom lac bruk Mỹ ba ralo tame darak pasar dom janih menjek yaom lap ngak pambak khang tal Nga jang yau dom negar ngak tabiak menjek angaok dunya. Tổng thống Ma-đu-rô pok sap iew sa mbang njaom samar pak Kapul njaom dom negar pablei tabiak menjek tamo piah duah jalan grap tanat yaom menjek dunya.

10/ Kapul quân y akaok meti di Anh hu nao tal Xiêra Lêôn piah daong taneh ia Tây Phi ini pacang cakak saong jit Ebola. Kapul urang quân y ini hu mbaok tame khóa pato megru taong abih dalam 2 adit ngan saong dom chuyên gia ka ruak njom mbak saong dom urang y tế bhian ngak bruk di Xiêra Lêôn. Urang jeng hu pato ngôn ngữ saong ilamu puk aplei. Jaik 150 urang quân y di Anh hu pato pandar dom trang thiết bị bảo hộ cơ bản saong dom jalan ngak an toàn piah klah njom mbak Ebola./.