1# Tết thun ni, labaih 125.000 tuai du lịch mai Quảng Bình dalam nan hu tuai dunya tagok labaij 9% dut song tết thun dahlau. Ong  Hà Minh Tuân, akaok jabat nghiệp vụ Du lịch, Sở ilamu,Thể thao song Du lịch tỉnh Quảng Bình brei thau: Dalam tuk tết anek sak kara 2016 tuai mai tal Quảng Bình tagok glong. Thun ni hu labik du lịch bahrau, nan lac baha Hoằng Phúc taduan hu rilo tuai damuai di gruak labik. Chất lượng dịch vụ siam, bruk yaom kaom song pablei njauk yaom di dom cơ sở lưu trú hu đom đơn vị peih ngak siam.

2# Meng harei 5 bingun tet tal harei ini, di dom puk palei dalam tỉnh Kon Tum rah tabiak rilo bruk ngak piah padang ngak palei pala barau, kham merat ngak brei salih khang dalam bruk ini. Dom công trình thủy lợi sit, peih taneh bilau ngak padai ia jeng hu peih ngak;  bruk tacei pato, ba alamu pasang iek phun pala ka bhapbini bangsa takik di dom bhum atah bayah hu jhul khang… Ông A Trường, bangsa Sê đăng, daok di palei Ngọc Năng 1, xã Đắc Rơ Ông, huyện Tu Mơ Rông brei thau : “Palei kol dahlak biak pachreih tui bruk ngak jalan palei pala barau. Pachreih tui bruk brei taneh, brei phun kayau, njam patam. Meng tuk tabiak bruk di xã mikva biak pachreih tui.

3#/ Urak ni, dom sang mac saradang di tỉnh Đắk Lắk  hu blei tabau phun yaom meng 860 tal 935 đồng/kg ( hu 10 chữ đường), tagok meng 210 tal 286 đồng/kg tabau phun dut song bilan tabau thun 2015. Yaom tabau phun tagok glong dong ka urang nong dom bangsa takik pala tabau di Đắk Lắk liba hu yaok pluh triệu đồng. Urak ni tỉnh Đắk Lắk hu taneh pala tabau jiak 12.000 ha.

4# Tal tukvak ini, urang nong tỉnh Quảng Ngãi hu ngak blaoh bruk pala drak labaih 39.000 ha padai đông xuân. Min, hadei Tết, di rilo mblang hamu, hu rilo halak halieng palai pajoa phun padai. Urak ini, dalam tỉnh hu jaik 3.500ha padai njaom dom ruak  đạo ôn, kanyik hala saong takuh kaik. Ông Phạm Bá, akaok Chi cục khik caga phun pala tỉnh Quảng Ngãi kakei mikva urang nong meyah mboh ruak đạo ôn njauk padheih samal bruk drak khak saong njauk pandar dom janih jru đặc trị piah pruh caga : “ Tui kuhria mboh di Chi cục khik caga phun pala Quảng Ngãi hadei angin bilan đông bắc lac lingik harei pandiak ấm, melam la ar saong hu ia takon…lagaih ka halak halieng tamuh, abih di nyu nan lac takuh rilo jang dalam tuk padai di tỉnh daok yam tame tukvak sraoh nerang nan ye takuh rilo jang”

5#/ Di dom ti3nhy bhum taneran krong CL, thun ni, njom bak rah tabiak avar jang, njom bak dalam song dui atah ngak kan kandah trak 2 bruk ngak nan lac rong hadang tapen tasik song ngak padai Đông Xuân 2015 - 2016. Urak ni bhum taneran krong CL bahrau yuak hu labaih 300.000 ha, dok 1,3 triệu ha padai Đông Xuân dalam tuk vak tasak cang tal harei yuak. Meyah oh hu jalan ngak siam ye pandiak bhang song njom bak meda ngak kan kandah tal taneh padai oh ka hu yuak, jang yau dom vụ hadei.

6# Di xã Phước Cát 2, huyện Cát Tiên, tỉnh Lâm Đồng, bhapbini dom bangsa Tày, Nùng…barau peih ngak “Lễ hội Lồng Tồng” mengkan di puak plaei.  Lễ hội Lồng Tồng daok ieu lac lễ hội trun hamu hu asal meng bhapbini bangsa daok di bhum ceik gah Brak, hu bhapbini dalam bhum khik ramik dalam tuk ba gauk tame mai daok di bhum taneh barau Cát Tiên. Lễ hội bhian hu peih ngak di dom harei akaok thun barau, piah thau dhar phor lingk tasik taneh riya, payua nao dom caong khin ka sa bilan pala drak njauk di anak tal.

7# Meng harei 21 tal 27/ 3 di mblang bein Lê Văn Tám, Q1, ban raya Hồ Chí Minh hu peih harei pataom tapuk ngan song kadha: “Tapuk - ilamu – ba drei tame song patagok”.  Tui bruk ba tabiak, dalam harei pataom tapuk hu labaih 500 gian hàng di jiak 200 đơn vị xuất bản song pa tabiak tapuk. Harei pataom tapuk jeng lac labik peih bruk taom gaok ndom nyai nao mai di dom đơn vị xuất bản – patabiak tapuk dok dalam song langiu negar, palagaih ka bruk  pablei salih bản quyen song pambuak bruk song dom nhà xuất bản hu angan je

Khaw tin dunya

8# Thun 2015, abih tih brah pablei tabiak taneh ia lingiu di Thái Lan jaik 9,97 triệu tấn, bair jang tanut 10,23 triệu tấn brah pablei tabiak tanhe ia langiu di Ấn Độ. Tapa nan, dalam thun 2015, Ấn Độ jeng taneh ia pablei brah praong abih di dunya, hadei di nan lac Thái Lan saong Việt Nam. Min, tui panuac khan barau abih di mintri pablei salih Thái Lan, dalam bilan 1/2016, brah khik piah di Thái Lan urak ini daok di tanut 13,7 triệu tấn.

9# Jabat điều phối dom bruk pahla di LHQ harei kabroi 18/2 ndom lac, jabat ni brei hu 1ty3 800 ribau đô la Mỹ piah peih bruk dong  chip ka jaik 14 triệu urang Yemen gaok kan kandah kayua mesruh metak di negar ni. Tui panuac khan, bruk mesruh dak harei dak khang di Yemen ngak ka yaok triệu boh sang di negar ni oh hu bruk ngak mbang. Urak ni, yaok 5 urang Yemen ye hu 4 urang caong hu dong.

10# Sa kadha vak bahrau ini di tạp chí “dom alamu barau harei ini” di  Mỹ, dua urang alamu meng Đại học Thoen (Twente) di Hà Lan brei mboh, labaih  4 tỷ urang di dunya daok kurang ia taba piah ngak mbang ngak huak. Menuac urang daok kurang ia taba rilo abih lac Ấn Độ saong Trung Quốc. Di ini jeng mboh dak harei dak hu rilo taneh klak saoh kayua tua riya dui atah./.