1# Hadei di tuk duah thau ka sang adei Tráng A Vư, urang bangsa  Mông daok di palei Lóng Luông, huyện Vân Hồ, tỉnh Sơn La njauk chấn thương jaoh takai gah ha nuk, njauk kaoh takai klak min sang oh hu jien iek ruak. Mintri Y tế hu pandar Sở Y tế tỉnh Sơn La tacei patao Giám đốc sang iek ruak huyện Vân Hồ brei urang jakar chuyên môn nao ravang saong ba urang ruak Tráng A Vư mai iek ruak di sang iek ruak ini atau ba nao tuyến angaok meyah ruak trak sang iek ruak oh iek hu. Mintri Y tế jeng pandar gah y tế Sơn La oh mek jien iek ruak, bloh pambuak bruk saong dom jabat pambuak tal di puk palei piah jak ba urang daong ka Tráng A Vư.

2/ Tỉnh Yên Bái urak ini hu 316 HTX ngak bruk hu kein laba (dalam nan hu 128 HTX ngak công, 121 HTX ngak nông saong 29 HTX pablei salih) ngan saong labaih 38.000 thành viên, ba bruk ngak gam gam ka 7.200 urang saong yaok pluh ribau urang ngak tui bilan.

3# Kuhria caga ka Hội khỏe Phù Đổng pakat neger mbang yaka 9 thun  2016, Thanh Hóa daok ramik pasiam dom kadha piah duh ka bruk peih nyaom roya ye : ramik pasiam cảnh quan đô thị di dom labik peih dom môn pakacah; ngak saong pasiam dom jalan mbak nao mai, dom jalan menyek hadah đô thị, hacih saat alam moi truong; paglaong an ninh trật tự; khik caga labik mbang,ndih, padheih padaiy ka dom kapul mai pakacah .

4/ Meng ralo phun jien, huyện bhum ceik Sông Hinh, tỉnh Phú yên hu buh tame labaih 45 tỷ đồng padang ngak dom công trình ba ia praong saong rok bingun tui baoh sang. Kayua yau nan ye, huyện Sông Hinh hu labaih 90% dalam 5.000 baoh sang bhap bini bangsa takik hu pandar ia hacih.  

5# Harei 25/3, yaok rabau urang Cam awar pataom gauk mai sang megik palei Bình Hòa, xã Phan Hòa, huyện Bắc Bình, tỉnh Bình Thuận uan Suk Yeng hu peih ngak yaok thun sa mbang. Harei ini piah ka bhapbini Cam awar brei mboh hatai pok je dom ong, amuk kei; caong ka bhapbini hu siam mekre, hajan siam angin lagaih, ngak nong hu kein laba. Saai Đặng Thị Táo, urang mai pataom harei lễ chreih chrai ndom lac :

Băng tiếng Chăm:

6/ Meng akaok thun tala ini, taong abih 11 huyện, ban sit di tỉnh Bình Phước hu 485 urang njauk ruak pandiak tabiak drah, ralo jang 430 urang duk saong thun 2015. Ban sit Đồng Xoài hu urang ruak pandiak tabiak drah glaong di abih - 118 urang; patui nan lac huyện Chơn Thành 112 urang. Tui panuac kakei di pasak y tế dự phòng tỉnh, jalan pacang cakak pandiak tabiak drah siam di abih nan lac pametai lăng quăng, bọ gậy. Piah ngak hu bruk nan, bhap bini brei pataom mek, pakhuak dom pandap caik ia oh ka pandar.

7# Ilimo darak nổi Cái Răng, ban sit Cần Thơ barau hu mintri padhih saong Du lịch brei thau lac sa dalam 7 angan inem krung ilimo phi vật thể pakat negar thun 2016. Darak nổi Cái Răng, atah di pasak ban sit Cần Thơ jaik 6km. Tapa yaok ratuh thun dak padang saong patagok hu ngak jeng ilimo pablei salih bhum kraong ia darak nổi Cái Răng  độc đáo saong bruk pablei salih pandap pada di angaok kraong.  Ini lac labik du lịch pachreih rilo tuai du lịch mai iek, blei di Cần Thơ.

Patui di ini dom khau tin dunya:

8/ Jeng yau VN, CPC daok gaok kan kandah kayua pandiak bhang saong kurang ia taba pala drak. Labaih 20 ribau ha taneh ngak nông di CPC daok gaok kan kandah kayua mbang pandiak bhang ini, rajaei saong dom puk palei oh brei bhap bini ngak padai atau pala njam patam piah mepiah ia taba brei ka bhap bini pandar.

9# Nyaom darak du lịch dunya MITT mbang yaka 23 rah tabiak di pasak Nyaom darak parang iek Ích-xpô Xen-tờ, ban ine Mátxcơva, Liên bang Nga. Pataom mbaok tame nyaom darak du lịch dunya MITT Nga 2016, kapul Việt Nam kayua Tổng cục Du lịch dang akaok pambuak bruk saong hãng kapal ahaok Vietnam Airlines saong 8 doanh nghiệp lữ hành piah yaih khan du lịch, taphia nan duah jalan pambuak bruk saong dom taneh ia di dunya.

10/ Thủ tướng Ixraen Ben-ja-min Nê-tan-ya-hu brei thau hatai caong khin talei pambuak bruk di taneh ia ini saong Thổ Nhĩ Kỳ samar hu pasiam veik, hadei di rilo thun srau kadau gah ngoại giao di dua taneh ia dahlau daih biak njauk gauk./.