1#  Mintri pato megru barau tabiak harak tacei pato jalan peih ngak Quy chế pakacah dalam bruk pakacah Trung học phổ thông pakat negar saong pilih ruah công nhận tốt nghiệp Trung học phổ thông. Tui nan, mbang pakacah Trung học phổ thông pakat negar thun ini peih pakacah 8 môn hu : katih, Ngữ văn, sajarah, Địa lí, Vật lí, Hóa học, Sinh học, Ngoại ngữ. Dalam nan dom môn katih , Ngữ văn, sajarah, Địa lí pakacah tui jalan tự luận; dom môn Vật lí, Hoá học, Sinh học tui jalan trắc nghiệm; dom môn Ngoại ngữ pakacah vak saong trắc nghiệm; đề pakacah môn Ngữ văn hu 2 phần: puac  thau saong ngak văn. Mbang pakacah meda peih tabiak di harei 1,2,3,4 bilan 7/2016.

 2/ Urak ini daok lac tabung glaong di bilan pandiak thun 2016 nan ye gah chức năng saong dom po glai di tỉnh Hậu Giang daok ngak catang bruk pacang cakak khuah glai. Min, tui panuac di dom po glai ye bruk khik caga glai thun ini gaok oh takik kan kandah kayua gam kuhria pacang cakak khuah glai gam pacang cakak njom mbak.

3# Piah  daong patak pataom menyek, tal urak ini gah menyek Tiền Giang hu salih jaik 100.000 bóng đèn compact ka bhapbini triuc hadah; taphia nan, daong labaih 132.500 bóng đèn compact ka urang nong pala thanh long salih menyek sợi đốt piah ngak ka thanh long tabiak bingu suan bilan. Tapa danakdak ini hu daong bhapbini patak pataom hu labaih 30 triệu kWh/ sa thun. Ông Nguyễn Văn Hưởng, urang ngak beir di xã Quơn Long, huyện Chợ Gạo, tỉnh Tiền Giang brei thau: “Drei khang hatai pandar bóng đèn compact 20W piah thử ca akaok meti, 2 bóng di sa goc. Tapa 20 melam nduac, mboh anak meta jien kak ka Điện lực trun labaih meteh.

4/ Lac tỉnh taphia negar, bhum atah, Bình Phước hu 41 bangsa gam diuk rai, dalam nan hu labaih 19%  menuac sia dalam tỉnh lac bhap bini bangsa takik. Rai diuk bhap bini di dom xã taphia negar daok gaok ralo kan kandah. Kayua yau nan ye, dalam dom thun tapa dom kapul ngak pahala dalam saong langiu tỉnh daok ba tangin tame, rik daong bhap bini meng pandap panda piah pachreih bhap bini yam tagok dalam rai diuk.

5# Dalam bilan 3 ini, mbang akaok mereip dalam sajarah ban sit Cần Thơ daok dang anak bruk ia mbak njaom tame saong nồng độ mbak duk hu di tanut  2‰. Anak bruk kuhria mboh dahlau lac tua daok dui atah, ban sit hu patabiak dom jalan ngak piah pacang cakak,  khik ia tapa ka bhapbini pandar saong pala drak.

6/ Tui kuhrai mboh di mban tacei pato tổng điều tra, pasang iek baoh sang kan kathaot, jaik si kan kathaot tỉnh Bạc Liêu, dalam tỉnh daok 7.296 baoh sang bangsa  lac sang kan kathaot, jaik si kan kathaot. Dalam nan hu 5.282 baoh sang lac  urang bangsa Khmer, meblah labaih 18%; 2.014 baoh sang kan kathaot, meblah  jaik 15%. Dom puk palei hu baoh sang kan kathaot lac urang bangsa ralo di abih lac: huyện Hòa Bình, huyện Hồng Dân, ban sit  Bạc Liêu saong ban sit Giá Rai.

7# Urang jakar ngak praong di Bỉ barau brei thau, gah an ninh taneh ia ini hu mek kareik 6 nghi phạm khủng bố, hu pambuak tal mbang tấn công khủng bố di Brúc-xen, pagaiuy harei 22/3 meng blaoh ngak ka labaih  30 urang metai saong jaik 200 urang bị thương.

8/ Akaok mintri Nội vụ Prang Bécna Cadơnơvơ  brei thau, gah chức năng taneh ia ini barau cap hu sa urang medil lac  daok kuhria jalan tấn công taneh ia Prang. Brei panuac angaok rayo papar binguk, ong Ca dơ nơ vơ  brei thau, bruk cap khik urang ini hu daong gah chức năng Prang taong tayah sa âm mưu tấn công biak tinh vi.

9# Mỹ brei thau, barau ba tabiak dom lệnh trừng phạt barau ka dom công ty di  Iran saong dom urang karei pachreih tui danakdak tên lửa đạn đạo di  Tê-hê-ran (Tehran). Di akaok bilan 3 ini, Iran hu cuh iek dom baok tên lửa đạn đạo./.