1/ Di HN, bahrau rah tabiak nyom biai pambuak bruk dam dara VN- Lào –CPC. Brei panuac peih nyaom biai, Bí thư ka sa Trung ương Đoàn Nguyễn Đắc Vinh ndom lac: VN-Lào- CPC lac dom taneh ia daok tapen gauk hu talei rohim siam mekre meng livik saman. Talei rohim pambuak bruk meng kan di Đảng, karja song bhap bini 3 negar lac drap ar prong glong di 3 bangsa. Dam dara jeng thau, jeng mboh bruk ngak di drei piah patagok jang talei pambuak bruk meng kan bo ong muk hu buh rilo pren yava dak padang.    

2/ Piah caga pacang ribuk Hagupit, pacang cakak patakik khat lahik kayua ribuk rah tabiak, tập đoàn điện lục VN barau hu harak pandar dom đơn vị dalam tập đoàn brei khik iek 24/24 tuk, peih tabiak jalan pacang cakak, langyah chip dom bruk, khik kajap bruk pabak điện, siam mekre ka menuac, thiết bị, công trình saong siam mekre ka bhap bini, caga ginup menuac, phương tiện piah pasiam samar dom sự cố kayua ribuk rah tabiak.

3/ Yaom xăng menyek hu trun gac. Tui nan, xăng RON 92 song RON 95 di Petrolimex trun 320 đồng, dok  19.930 đồng sa lít. Dom janih menyek jeng trun yaom. Mazut trun dreih yau xăng nan lac 320 đồng/kg, menyek diezen trun 240 đồng sa lít, menyek gaih trun 280 đồng sa lít. Ni lac mbang ka 11 yaom xăng menyek gam gam trun. Min mbang ni yaom xăng menyek trun takik dut song dom mbang trun yaom dahlau deih. Makna nan lac bahrau ni, mintri jien padai tagok thuế nhập khẩu xăng menyek. Ngan song yaom bahrau, urak ni yaom xăng menyek dok di tanut beir dalam rilo thun gilac mai.

4/ Dalam 5 thun tapa, baoh sang kan kathaot dalam bhap bini bangsa takik di tỉnh Khánh Hòa trun hu jaik 9% sa thun. Ini lac bruk ngak hu praong barau hu ba tabiak khan dalam nyaom roya dom bangsa takik tỉnh Khánh Hòa barau peih tabiak di ban sit Nha Trang. Tỉnh Khánh Hòa urak ini hu jaik 70 ribau menuac di 32 bangsa takik. Tal urak ini, baoh sang kan kathaot dalam bhap baini bangsa takik trun hu jaik 9% sa thun, jien mek tame labaih 7 triệu đồng sa urang dalam sa thun, tagok jaik 1 mbang meteh duk saong thun 2010.

5/ Baoh tapuk rup binguk “Hoàng Sa-Trường Sa, palao tasik Việt Nam” di Nguyễn Á- urang vak mbao tuổi trẻ, kayua Nhà xuất bản Hồng Đức patabiak thun 2014 bahrau hu Hội Nghệ sĩ nhiếp ảnh Việt Nam jao cúp VAPA- ka hạng mục danak dak tapuk thaot binguk xuất sắc thun 2014. Boh tapuk thoat binguk hu tác giả Nguyễn Á ngak hadei di rilo mbang nao ngak bruk di 2 palao Hoàng Sa song Trường Sa. Boh tapuk hu thaot veik dom rup binguk, dom dalikan ka dom urang dok duik song ngak bruk di 2 palao kaoh ni. Meng dom bruk mbang ngui dok dang yaok harei, tal bruk tong chap kaya ikan di angaok tasik, saong bruk langik tasik hajao mekre di angaok palao kaoh hu tác giả thaot veik njauk tukvak.

6/ Tỉnh Bà Rịa - Vũng Tàu barau peih nyaom roya dom bangsa takik mbang ka II thun 2014. Nyaom roya hu taong yaom bruk ngak bangsa saong peih ngak sarak bangsa di tỉnh dalam tukvak tapa. Anak tal, tỉnh Bà Rịa - Vũng Tàu hu padang ngak cơ sở hạ tầng bhum urang bangsa; pataom pren yava tame peih ngak siam dom sarak pato megru ; baoh sang kan kathaot patrun 5% sa thun, patrun baoh sang kan kathaot bangsa takik daok 8,4% tui tanut chuẩn kan kathaot di tỉnh.

7/ Nyaom biai dunya ka công ước dunya pacang bruk tong paoh song dom bruk đối xử atau trừng phạt tàn bạo, vô nhân tính atau hạ nhục bahrau hu  Vụ dom kapul dunya, Mintri ngoại giao peih ngak di ban raya HCM.  Brei panuac di nyaom biai, Ong Vũ Anh Quang, Akaok Vụ dom kapul dunya, mintri ngoại giao ndom lac, VN tuk halei jeng kham merat pacang veik dom bruk tra tấn đối xử. Bruk hu mbaok tame công ước song peih ngak 6 công ước praong di LHQ ka quyền anek menuac brei mboh sarak di karja VN nan lac iek prong, khik caga saong jhul pakhang quyền anek menuac tui njauk tanut di dunya.

Patui di ini dom khau tin dunya:

8/ Đại sứ Ba Lan di Ukraine Henryk Litwin brei thau, Ba Lan daok pabak dhan ka urang blei pandar di Ukraine, min dhan pablei tabiak negar langiu takik kayua pren di Ba Lan oh ka pabak hu bruk caong pandar di Ukraine. Hãng RIA Novosti di Nga ba panuac ong Litwin brei thau, urak ini Ba Lan oh pabak hu dom hợp đồng praong min jeng hu dom hợp đồng sit, tui nan Ba lan meda pabak meneing dhan ka urang blei pandar di Ukraine.

9/ 11 negar nan lac Trung Quốc, Ôxtrâylia, Nhật Bản, Mỹ, Malaisia, Canađa, Thái Lan, Anh, Xinhgapo, Brunây, Inđônêsia hu pok panuac dong ka Philippin pasiam veik dom khut khat meng mbang ribuk Ha-gu-pit. Tui Akaok tacei pato kapul langyah saong patrun khat lihik kayua bala meng lingik tasik negar Philippin A-lếch-xan-đơ Pama, bruk dong nan hu gam bruk daong pren, dom pandap dong tal labik njauk bala. Ong Pa-ma brei thau meda tong yaom khat lahik song duah jalan dong ka nyu lagaih./. 

10/ Tỉnh Quảng Đông, gah meraong TQ barau hu sa urang ka 2 njom cúm menuk ada H7N9 di menuac. Sở y tế saong kế hoạch hóa hóa gia đình tỉnh Quảng Đông brei thau, urang njom ruak ka 2 ini lac sa urang likei umo 66 thun, hu thau lac dương tính saong virut H7N9 harei 6/12. dahlau di nan, harei 28/11 meng bloh, tỉnh Quảng Đông hu sa urang njom cúm menuk ada H7N9 akaok meti di menuac. Urak ini urang nan ruak biak khang, mbuan metai./.