1# Patui danakdak mbang nyaom ka 9, harei 8/6, ala bruk tacei ba di phaok akaok Quốc hội Nguyễn Thị Kim Ngân, Quốc hội ginum biai di hội trường ka taong yaom pabak veik bruk peih jalan patagok kinh tế-xã hội saong kadung jien karja thun  2014; bruk peih jalan patagok kinh tế-xã hội saong kadung jien karja dom bilan akaok thun 2015. 

2/ Di sang bac tiểu học Yên Xá, xã Tân Triều, huyện Thanh Trì, ban Hà Nội barau peih mít tinh pachreih tui harei ASEAN pacang cakak ruak pandiak tabiak drah. Brei panuac di tuk mít tinh, Tiến sĩ Nguyễn Khắc Hiền, Giám đốc sở y tế HN hu pandar karja dom quận, huyện, ban sit peih ngak taong abih dom jalan pacang cakak jit, dalam nan pataom khang tame bruk pametai lăng  quăng, bọ gậy, peih ngak siam bruk cấp cứu, iek ruak ka urang ruak, patrun patakik urang metai lihik. 

3# Glai Sơn La daok hijao gilac veik kayua dak harei dak hu rilo bhapbini, kapul nyaom xa hoi, karja cơ sở paglaong hu akaok sahaneng, trach nhiem, pandar praong jak jeng dalam bruk ngak tui jalan adat, sarak di Dang saong karja ka khik caga saong patagok glai; taphia nan daong cakak saong padheih bruk jah tak glai srau kadau dalam tỉnh jeng ye pasiam veik dom labik glai njauk jah tak.

4/ Barau yam tame bilan pandiak, min ia pandar di ralo labik dalam tỉnh Phú Yên daok kurang. Dalam tuk nan, hu oh takik công trình ia pandar yaom jien tỷ oh daok ngak atau peih ngak oh hu kein laba. Kurang ia hacih, hu oh takik labik bhap bini njauk blei ia pandar yaom meng 60.00 tal 70.000 đồng dalam tuk kinh tế kan kandah. 

5# Hu pilih ruah ngak nyaom roya điểm pakat angaok cơ sở di tỉnh Đắc Lắc, tal urak ini huyện Buôn Đôn hu peih ngak jak jeng dom nyaom roya pakat cơ sở saong ngak blaoh bruk kuhria caga ka nyaom roya đảng bộ huyện mbang ka 5, tukvak 2015-2020. Ngan saong 28 tổ chức cơ sở đảng, dalam nan hu 12 đảng bộ saong 16 chi bộ trực thuộc, dalam bilan 5 meng blaoh, Huyện ủy Buôn Đôn hu pataom tame tacei pato dom cơ sở đảng peih ngak nyaom roya njauk tui jalan di Trung ương saong Tỉnh ủy Đắc Lắc ba tabiak. Bruk ngak hu di dom nyaom roya pakat cơ sở hu daong ka Huyện ủy Buôn Đôn bac megru hu dom ilamu piah kuhria caga peih ngak nyaom roya pakat angaok cơ sở. 

6/ Dalam mbang pakacah THPT pakat negar thun ini, cụm pakacah 29 caik di tỉnh Gia Lai kayua sang bac ĐH Nông lâm ban raya HCM dang akaok. Tui nan, labaih 15 ribau 300 anek saih di 2 tỉnh Bắc Tây Nguyên nan lac Gia Lai song Kon Tum hu pakacah di 26 labik pakacah di cụm pakacah liên tỉnh peih tabiak di ban Pleiku. Langiu di nan, labaih 2 ribau 600 anek saih tame pakacah xét công nhận tốt nghiệp hu pakacah di 3 cụm pakacah nan lac ban sit Chư Sê, ban sit Ayun Pa saong ban sit An Khê. Di dom labik pakacah ini, 551 duk pakacah hu pasang iek gah cơ sở vật chất ginup ka 24 anek saih sa duk. Ong Lê Duy Định, Phó  Giám đốc Sở pato megru tỉnh Gia Lai lac: Sở pato megru hu pambuak bruk saong tỉnh đoàn Gia Lai padang hu 48 kapul halan hatian. Đoàn khối dom doanh nghiệp tỉnh Gia Lai jeng hu padang sa kapul radaih kua daong ka anek saih dalam dom harei pakacah. Kol dahlak hu 26 labik pakacah saong tal urak ini, cơ sở vật chất, kol dahlak hu kuhria caga salah bloh. 

7# Tui Sở kế hoạch saong đầu tư tỉnh Tây Ninh, dalam thun 2015, tỉnh hu Trung ương daong 26 tỷ đồng peih ngak danakdak 135. Urak ini phun jien hu jao mai ka xã peih ngak dom danbakdak. Uỷ ban bhapbini dom huyện daok pasang iek, tang yaom dom jalan daong, jao Uỷ ban bhapbini dom xã ngak po đầu tư bruk daong brei pajaih kaya raong, vật tư sản xuất njauk saong bruk di yaok labik … Meng hu phun jien daong di danakdak 135 bo urang kan kathaot di dom xã biên giới, xã kan kandah hu mbuan lagaih pala drak, tani tanat raidiuk.

Patui di ini dom khau tin dunya:

8. Kinh tế NB dalam 3 bilan akaok thun 2015 tagok ralo jang duk saong kuhria mboh dahlau nan kayua dom cty dalam taneh ia jhul khang bruk buh phun jien tame. Bruk ini brei mboh panuac lac njauk di gilang pariak TƯ NB, lac nền kinh tế praong ka klau dunya daok khik kajap hu bruk pasiam veik hadei dom suy thoái dalam thun bloh. 

9# Thủ tướng Đa-vít Ca-mơ-rôn brei thau, Anh meda pabak veik 125 binh sĩ nao I-rắc daong taneh ia ini dalam bruk mesruh pacang kol ( IS). Thủ tướng Anh ndom lac, bruk brei pabak veik urang lin tapa daong I-rắc lac “ sa kadha njauk “ bo taneh ia Anh njauk ngak, kayua IS urak ini oh lac bruk đe dọa di I-rắc, Xyri atau di Trung Đông bo di abih labik dalam dunya .

10/ HQ barau brei cách ly 2 ribau 300 urang, saong brei kreik pabah mbang 1 ribau 800 sang bac kayua huac tamuh tabiak hội chứng suy jalan suak yava cấp bhum Trung Đông (ieu lac MERS) di taneh ia ini./.