1/ Rilo bhap bini song tui damuai hu ba drei tame dom bui sambai meng bruk padang ngak veik Tết meng kan di urang bangsa Mông mai meng tỉnh Sơn La. Bruk ni dok dalam bruk di harei pataom “thun bahrau di grauk labik dalam taneh ia” daok rah tabiak di palei ilamu Du lịch dom bangsa VN Đồng Mô, Sơn Tây, Hà Nội. Lingiu di nan, tuai damuai dok duah thau rilo adat cambat siam mekre di urang Mông dalam harei tết yau: muk kei mai mbang tết haong anek taco, menyum alak vòng.

2/ Di xã bhum glaong Nùng Nàng, huyện Tam Đường (Lai Châu), Bộ Chỉ huy quân sự tỉnh Lai Châu hu pambuak bruk saong karja palei peih harei tết quân dân ngan saong ralo bruk ngak saong hu makna. Đại tá Phạm Quang Ngân, Chỉ huy trưởng Bộ Chỉ huy quân sự tỉnh brei thau, ini lac thun akaok meti đơn vị hu peih harei tết quân dân. Dom thun anak tal, Bộ Chỉ huy quân sự tỉnh hu peih ralo bruk ngak di taong abih dom huyện, ban , dalam nan sangka tal bhum atah bayar, bhum biak kan kandah.

3/ Piah pachreih urang jakar, urang lin biên phòng ngak bruk labik tapen negar, meng bloh dom pakat karja, bhap bini dom xã biak kan kandah, tỉnh Kon Tum hu padang labaih 10 kapul nao rivang song brei pandap, tadhau yhut tết dom đơn vị song puk palei. Mai rivang song tadhau yhut tết dom đồn biên phòng dok di labik tapen negar song 2 negar ayut sahabah Lào song Cam-pu-chia, urang dang akaok tỉnh Kon Tum hu panuac tangi sua bruk kuhria caga raok tết, bui sambai thun bahrau di dom urang jakar urang lin, brei pandap song 10 triệu đồng, piah rik tame bruk mbang huak dalam harei tết di dom ursng lin

4/ Akaok UB bhap bini tỉnh Tây Ninh Nguyễn Thị Thu Thủy hu mai rivang, alin hadiah 400 paok pandap (yaok paok yaom 500.000 đồng) ka 298 baoh sang bhap bini daok di labik biên giới Chàng Riệc, palei Tân Khai, xã Tân Lập saong 112 baoh sang kan kathaot dom xã taphia negar di huyện Tân Biên. Meng akaok bilan 2 tal ini, dom pakat ủy Đảng, karja dom puk palei, doanh nghiệp, tổ chức agama dalam tỉnh gam saong dom doanh nghiệp ban raya HCM hu nao rivang, alin hadiah labaih 10.000 paok pandap, kuhria tabiak yaom jien labaih 5 tỷ đồng ka bhap bini kan kathaot, uranaih kan kandah dom xã taphia negar di tỉnh sambai xuân, rok tết.

5/ # Di ban raya Hồ Chí Minh, Kapul Chữ thập đỏ Việt Nam pakat negar pambuak bruk haong Mintri Thông tin Truyền thông, Rayo papar binguk Việt Nam, Báo Tuổi Trẻ..., bahrau peih bruk jao brei 23 kamriak halang ia tasik jeng ia taba, gam tui 46 tal halang dự phòng ka gah cảnh sát tasik saong kiểm ngư. Đại tá Nguyễn Văn Hưng, Chủ nhiệm Kỹ thuật – Bộ Tư lệnh Cảnh sát biển Việt Nam lac: Ngan saong gah cảnh sát tasik, ini lac pandap biak hu yaom glaong. Hadei di tuk taduan mek, kol dahlak brei caik di angaok dom baoh kapal, piah gam  daong ka urang jakar, urang lin hu ia pandar saong gam pabak bruk kỹ thuật.

6/ Thành đoàn Cần Thơ hu pambuak bruk saong  Sở Lao động Thương binh saong Xã hội ban sit Cần Thơ peih lễ hội nụ cười xuân thun 2015 ngan saong kadha “Truac hadah hatai caong di uranaih Cần Thơ”. Danak dak hu peih tabiak piah ba bui sambai, chreih chrai, uan rok tết anek sak pabe 2015 ka dom uranaih dalam ban sit Cần thơ. Hu 300 paok pandap hu alin ka dom uranaih kan kathaot gaok kan kandah kham merat yam tapa, bac daa naih joi, dom uranaih metui medhua, uranaih njom jru hóa học dioxin, uranaih joh jo di dom labik bảo trợ xã hội.

7/ # Liên đoàn Lao động tỉnh Tiền Giang bahrau peih danak dak daoh tamia saong alin hadiah pandap Tết ka urang ngak kan kathaot daok di 3 khu công nghiệp nan lac Long Giang - huyện Tân Phước, Mỹ Tho ban sit Mỹ Tho saong Tân Hương - huyện Châu Thành.  Lingiu di nan, daok hu jao 200 pok pandap yaom 60 triệu đồng ka urang ngak gaok kan kandah, dom doanh nghiệp jeng hu alin hadiah 15 “Baoh sang Công đoàn" yaom 375 triệu đồng saong jaik 1.000 pok pandap, yaom jaik 300 triệu đồng brei ka dom urang ngak gaok kan kandah ka sang daok.

Patui di ini dom khau tin dunya:

8/ Thủ tướng Ô-xtrây-li-a ông Tô-ny Áp-bót barau yam tapa bruk buh phiếu bất tín nhiệm dalam đảng tự do cầm quyền, lac bruk cuang kandahdi  abih meng tuk tagok pan rajaei di bilan 9 thun 2013. Tapa nan mboh lac, hu 61/39 phiếu taik klak bruk pandar bầu veik ban lãnh đạo, hu makna lac ong Áp-bót jeng daok ngak Thủ tướng Ô-xtrây-li-a.

9/ # Tổng thống Nga Pu-tin (Vladimir Putin) brei thau: kapul 4 gah pambuak tal bruk ginum biai ka Ucraina hu njauk gauk brei taom gaok di Min-xcơ (Minsk), Bê-la-rút harei 11/2 tal.. Tổng thống Nga Pu-tin dahlau di nan jeng hu ginum biai salah bloh haong dom urang dang akaok negar Đức, Prang, Ucraina piah njauk gauk ka bruk ginum biai.

10/ Khóa bac pakat dunya ka bruk pacang cakak ruak kayua virut Ebola mbang ka sa kayua Cuba peih tabiak hu tamat bloh di ban ine La Habana, hu mbaok yaok rituh urang bac lac dom bác sĩ saong chuyên gia y tế meng Cộng hòa Dominicana, El Salvador, Paraguay saong  Costa Rica. Dalam khóa bac dui atah jaik 2 adit ini, dom chuyên gia y tế dang akaok di Cuba hu klah rabha ilamu dalam tukvak hu mbaok tame bruk pacang Ebola di Châu Phi, dom kỹ năng iek glang urang njom ruak saong dom đề xuất dalam bruk pacang cakak virus ngak metai menuac ini njom mbak tal Châu Mỹ./.