1#  Taduan panuac daa di Đại tướng Phùng Quang Thanh, akaok mintri quoc phong taneh ia drei, kapul urang jakar pakat glaong mintri Quốc phòng Cộng hòa Xlô-va-ki-a kayua ong Martin Glavac, akaok mintri dang akaok mai ravang VN meng harei 8 tal 14/6. Pagaiy harei  9/6, bruk taduan raok akaok mintri Quốc phòng Xlô-va-ki-a Martin Glavac rah tabiak di jabat mintri Quốc phòng. Dalam mbang ginum biai, Đại tướng Phùng Quang Thanh brei thau hatai hatian bui sambai hu taduan raok akaok mintri Quốc phòng Xlô-va-ki-a tapa ravang Việt Nam.

2/ Jaik 1.300 ha phun pala di tỉnh Sơn La njauk khat lahik kayua dom mbang pandiak dui atah meng bloh. Dalam nan hu labaih 130 ha padai bilan xuân mbuan lahik abih, jaik 650 ha tangei njauk pandiak bhang, pataom tame ralo di dom huyện Phù yên, Yên Châu, Mường La, Sông Mã saong Mai Sơn. Ong Lê Văn Thành, giám đốc sở ngak nông saong patagok palei pala tỉnh Sơn La brei thau: Sở ngak nông hu pandar dom labik hu công trình thủy điện ye dom danao padang ia di thủy điện brei pabak ia pacang pandiak ka bruk pala drak. Ngan saong bhum karei ye mek mac njuk ia piah pacang cakak pandiak ka padai. Patagok bruk pathau khan, tacei pato bhap bini pandar dom jalan pruh bahrau, patak pataom ia yau pruh luân phiên, pruh pasah.

3# Hadei di bruk jaleih tatua tuan di palei Chu Va 6, xã Sơn Bình, huyện Tam Đường di bilan 2/2014 ngak ka yaok pluh urang metai, tỉnh Lai Châu hu tacei pato dom gah chức năng, karja dom puk palei pasang iek veik dom baoh tatua saong bruk caong khin ramik pasiam, padang ngak barau tatua tuan di puk palei piah khik caga jalan nao mai. Tui nan, dalam abih tih labaih 150 tatua tuan, tỉnh Lai Châu brei ramik pasiam 34 tatua meng phun jien khik caga jalan mbak tui yaom jien abih tih labaih 10 tỷ đồng saong daok caong khin ngak barau labaih 50 mbaik tatua karei. 

4/ Caga pacang ruak jalan suak yava cấp bhum trung đông kayua virus MERS, sở y tế tỉnh Quảng Ngãi barau tacei pasak y tế  dự phòng tỉnh caga pacang jit mbuan njom tame tapa labik pabah lamnge Dung Quất saong Sa Kỳ. Tuk kapal Dania peih meng TQ pataok tame pabah lamnge Dung Quất  di mesup harei 8/6, hadi di nan, 12 thuyền viên angaok kapal hu urang jakar y tế khoa pasang iek jit y tế taphia negar, pasak y tế dự phòng tỉnh Quảng Ngãi pasang iek thân nhiệt saong ngak tờ khai y tế.

5# Urak ini, dom tỉnh bhum Tây Nguyên hu yaok pluh rabau ha cà phê taha, takik năng suất , njauk pala veik. Piah daong ka urang pala cà phê trun takik jien pala veik cà phê, taphia nan, hu pajaih phun chất lượng, thun ini Hiệp hội Cà phê Ca cao Việt Nam saong Công ty Nétxlê Việt Nam buh tame labaih 3 tỷ meteh blei di Công ty trách nhiệm hữu hạn Tư vấn Đầu tư Phát triển Ea Kmat 300 rabau phun pajaih cà phê thực sinh TRS1, 300 rabau phun ghép chồi saong labaih 4.100 kg athar pajaih Robusta tiêu chuẩn glaong daong ka mikva urang nong dom tỉnh Tây Nguyên.

6/ Di tỉnh Kon Tum, tok dalam tukvak panak meng bloh, gam gam rah tabiak 4 mbang njauk jru mek kayua mbang bimao mek meng glai mai ngak ka 13 urang njauk jru mek, dalam nan hu 3 urang metai. UB bhap bini tỉnh hu tabiak văn bản pandar dom gah chức năng samar tame bruk patagok pacang cakak njauk jru mek kayua bimao.

Patui di ini dom khau tin dunya:

7# Truyền thông Ấn Độ brei thau, takik abih sa urang barau ba gaok ia xua theik saong raidiuk di yaok pluh rabau urang karei di bang Át-xam, Đông Bắc Ấn Độ daok gaok kan kandah trak kayua ia xuak rah tabiak di mbang ini. 

8/ Sa urang ngak praong gah ngak nông di LHQ brei thau, thực phầm dak harei dak jeng mục tiêu di kol đầu cơ, ngak kan kandah tal urang kan kathaot saong patagok srau kadau lương thực. Thun 2008, yaom thực phẩm tagok glaong ngak srau kadau grap Trung Đông, Châu Phi saong Caribe./.

9# Hàn Quốc barau hu urang ka 7 metai kayua MERS- Hội chứng suy hô hấp pakat bhum Trung Đông. Rajaei Hàn Quốc tabiak panuac brei thau, sa amuk taha 68 thun barau metai kayua MERS. Urang ini njom ruak di pasak Y tế Samsung  di Xơ-un, labik amuk daok iek ruak van tim. Kuhria tal harei 9/6, hu veik 8 urang njaom MERS barau, paglaong abih tih urang njaom jit ruak metai menuac ini di Hàn Quốc tagok 95 urang ./.