1/ Harei kabroi 7/4 Thủ tướng Nguyễn Tấn Dũng dang akaok bruk taduan raok  Thủ tướng Cộng hòa Bun-ga-ri  Pla-men Ô-re-sa-xki song duik di ong mai rivang negar drei. Ni lac sa kadha prong dong ka talei pambuak bruk meng kan di VN saong Bulgaria hu tagok glong jang di taong abih gah, abih di nyu nan lac bruk KT, pato pakai, ilamu du lịch, quốc phòng, an ninh. Dalam talei rohim siam mekre, Thủ tướng Nguyễn Tấn Dũng song Thủ tướng Pla-men Ô-re-sa-xki hu khan brei ka gauk thau bruk di taneh ia drei, taong yaom glong talei pambuak bruk di dua gah saong ginum biai ka dom bruk di dunya song khu vực dok  hu 2 gah caik hatai sangka.

3/ Tỉnh Quảng Ngãi urak ni hu labaih 260.000 ha glai, dalam nan hu labaih 100 ribau ha glai meng lingik tasik, dok veik nan lac glai pala. Piah pacang caga khuak glai bilan thu thun ni, chi cục kiểm lâm tỉnh QN Chi cục Kiểm lâm tỉnh Quảng Ngãi hu peih tabiak jalan pacang caga khuak glai trun tal dom puk palei, mbaoh tangin pambuak bruk khik glai saong labaih 120 urang khik iek glai di dom labik mbuan si khuah.

5/ Urak ni, ia dalam dom binek kavei di tỉnh Bình Thuận daok thu lagu, ngak kan kandah tal bruk pabak ia hacih saat piah pandar ka bhap bini. Ia dalam binek Tân Lập huyện Hàm Thuận Nam dok di tanut 39 mét 5 tấc 3, glong jang tanut ia metai 2 tấc 3. Di  binek Cô Kiều dalam xã Tân Thắng, huyện Hàm Tân urak ni ia thu abih. Langiu di nan, rilo jalan ba ia karei karei di tỉnh ni jeng dreih yau nan. Halau ia njar trun beir ngak ka rilo danak dak pabak ia hacih saat brei patrun bruk njuk mek ia, ba tal bruk kurang ia hacih piah pandar di bhap bini.

7/ Jiak 190 triệu bhap bini Inđônêxia nao buh phiếu palih ruah urang ka QH dalam harei 9/4. Tui adat, sa đảng atau liên minh dom đảng brei hu takik di abih 25% hala phiếu atau 20%  menuac dalam QH meng hu tame tranh cử tổng thống di 3 bilan hadei di nan. Tui dom mbang duah thau hatai sahneng di menuac sia, đảng Dân chủ Inđônêxia-Đấu tranh meda meblah hu rilo khaghe di QH song urang ứng cử  tổng thống di đảng,  thống đốc Gia-các-ta Dô-cô Uy-đô-đô mbuan hu pilih ruah pok ngak tổng thống dalam bilan 7 anak tal.

9/ Gilang pariak dunya WB brei thau, dom negar dok patagok di bhum Đông Á meda patagok KT di tanut 7,1% dalam thun 2014, kayua hu siam lagaih meng bruk KT dunya dok tani tanat song hu dang kajap anak bruk cakak pok jien kích cầu di Mỹ. Dalam harak pathau khan “"Cập nhật Kinh tế bhum Đông Á-Thái Bình Dương", Gilang pariak dunya mboh lac, bruk patagok GDP dalam thun ni di bhum taneh ni oh salih karei dut song thun bloh, ngak ka Đông Á jeng sa bhum hu tốc tộc tagok samar abih di dunya. Min dut song tanut patagok 8% di tukvak 2009-201, tốc độ patagok di thun ni bier jang rilo./.

.4  

2/ Mban tacei jalan TNB saong dom urang dang akaok ban sit Cần Thơ barau nao rivang saong tadhau yuh Chol Chnam Thmay di bhap bini bangsa Khmer saong dom baoh baha Khmer di ban sit CT. Dalam tukvak tapa dom sarak di Đảng saong karja ngan saong bhap bini bangsa Khmer yau danak dak 135, daong bruk bac megru agama, patruh eik patrun kathaot, khik kajap an sinh xã hội mek hu rilo siam lagaih. Meng nan, daong salih barau khang kajap bruk patagok kinh tế - xã hội jeng yau rai diuk ilamu, agama di mikva bangsa Khmer daok di ban sit CT. Patui bruk ini, kapul jeng hu nao rivang saong tadhau yuh Chol Chnam Thmay sang aruah ong Huỳnh Cương, dahlau daih ngak Ủy viên Ban Chấp hành Trung ương Đảng, akaok phân ban bangsa Trung ương Nam Bộ saong ong Sơn Song Sơn, dahlau daih ngak phaok Ban Thường trực Ban tacei jalan Tây Nam Bộ ngan saong panuac tangi sua abih hatung hatai saong tadhau yuh sa thun barau hu trei sil, hanem phol saong bui sambai.

4/ Tỉnh Yên Bái daok jhul pakhang dom jalan ngak, kham merat thun ini pataom mek hu meng 2.200 đơn vị drah tagok, rik daong ngak siam bruk iek glang pren yava di bhap bini. Jalan ngak praong nan lac pathau khan, paglaong akaok saneng di dom pakat, dom ngành, kapul nyaom, tổ chức xã hội saong bhap bini ka bruk brei hu saong yaom glaong di bruk halan hatian brei darah; dak padang saong khik kajap bruk halan hatian brei drah di dom puk palei, tapon nyom bol pan phao kraong saong dom sang bac cao đẳng, THCN saong pato bruk ngak di tỉnh. Taphia di nan, pataom tame padang dom klup kapul halan hatian brei drah, patagok bruk pathau khan tapak

           6/ Kapul daong ka urang joh jo saong uranaih metui medhua tỉnh Đắc Lắc barau pambuak bruk saong baha Cẩm Phong (tỉnh Tây Ninh) saong khoa meta, sang iek ruak cấp cứu Trưng Vương ban raya HCM peih bruk iek ruak sàng lọc saong blac meta brei saoh ka urang kan kathaot daok di huyện Chư M’gar.Tui kuhria hu 250 urang kan kathaot hu blac draih dom ruak gah meta, yau salih thủy tinh thể, glaucoma, mộng thịt, quặm jih meta. Bruk ngak ini hu daong ka urang kan kathaot hu iek glang pren yava pak di puk palei, oh cang nao atah.  

Patui di ini dom khau tin dunya:

8/ Harei 7/4, bruk duah sruh kapal haok MH370 lahik di hãng kapal haok Malaixia yam tapa harei 31 bo oh ka duah mboh hagait. Dom taneh ia jeng daok kham merat duah, piah nduac pakacah saong tukvak tuk huac lac hộp juk kapal haok abih pin saong oh tabiak hu tín hiệu. Pin di hộp juk kapal haok hoạt động dalam 30 harei, min nyu daok kayua môi trường gah lingiu. Tui pasak tacei ba bruk duah kapal haok di ban Pớt, Ôxtrâylia, labik piah duah atah ban ini labaih 2 ribau km. 9 sruh kapal haok quân sự, 3 kapal haok dân sự saong 14 baoh kapal hu mbaok tame bruk nao duah sruh kapal haoh lihik..

10/ Thun ini, TQ kuhria brei kreik pabah mbang 1.725 mỏ dhang sit ngan saong sản lượng abih tih labaih 117 triệu tấn. Tui mintri năng lượng TQ, karja palei di TQ taduan hu lệnh brei kreik pabah mbang dom mỏ dhang hu sản lượng yaok thun ala 90 ribau tấn jeng yau dom mỏ sung hukum saong oh tui tanut chuẩn an toàn dalam taenh ia. Langiu di nan, TQ jeng hu pachreih dom labik ngak dhang sit pambuak tame gauk saong salih barau ilamu dalam gah ngak dhang. TQ njauk njom nerak llingik tasik biak trak nan ye pacap brei patrun bruk pandar dhang, lac janih ba tal njom nerak, ngak tabiak asar thur mur biak sit dalam lingik tasik di dom ban./.